Lög og reglugerðir

1. gr.

Félagið heitir Efling stéttarfélag og nær starfssvið þess yfir lögsagnarumdæmi Reykjavíkur, Kópavogs, Seltjarnarness, Mosfellsbæjar og Kjósarsýslu að Botnsá, Grímsnes og Grafningshrepp, Hveragerðisbæ og Sveitarfélagið Ölfus. Starfssvið félagsmanna sem starfa á veitinga- og gististöðum og við iðnað nær auk þess yfir Hafnarfjörð, Garðabæ og Bessastaðahrepp. Starfssvið félagsmanna sem starfa á Vífilsstöðum og í heimaþjónustu nær auk þess yfir Garðabæ.

Heimili félagsins og varnarþing er í Reykjavík. Félagið er aðili að Alþýðusambandi Íslands og Sjómannasambandi Íslands sem er aðili að Alþýðusambandi Íslands.

2. gr.

Tilgangur félagsins er sá að efla og styðja hag félagsmanna og menningu og stuðla að því að verkafólk taki virkan þátt í stjórnmálum lands og sveitarfélaga í þágu hagsmuna þess. Félagið skal kappkosta að ákveða vinnutíma, kaupgjald, vinnuskilmála, tryggja öryggi við vinnu og vinna að öðrum hagsmunamálum verkafólks með því að skipuleggja innan félagsins allt það verkafólk sem starfar á félagssvæðinu og hafa sér til lífsframfæris vinnu í eftirtöldum og öðrum hliðstæðum starfsgreinum:

a) Við fermingu og affermingu skipa og hvers konar annarra flutningstækja svo og móttöku og afhendingu farms.

b) Við húsbyggingar og efnisflutninga vegna byggingaframkvæmda.

c) Við hafnargerð, vegagerð, skurðgröft, landbúnaðarstörf og efnisflutninga sem tengjast áðurnefndum starfsgreinum.

d) Í þjónustu ríkis og sveitarfélaga.

e) Í heimaþjónustu, á leikskólum, við umönnun á sjúkrahúsum og stofnunum, í þvottahúsum og saumastofum sjúkrastofnana.

f) Við ræstingar, hreinlætisstörf, efnalaugar og þvottahús.

g) Við mötuneytisstörf.

h) Við varðstörf, öryggisvörslu og fjármunaflutninga.

i) Á veitinga- og gististöðum.

j) Við vinnslu og sölu sjávarafurða og landbúnaðarafurða.

k) Í iðnaði og í verksmiðjum svo sem járnsmíði, skipasmíði, blikksmíði (tunnugerð), garðyrkju, byggingar- og þungaiðnaði.

l) Við móttöku og afhendingu vara, þar með taldir bifreiðastjórar.

m) Við olíu-, bensín-, smur-, bón- og ryðvarnarstöðvar og hjólbarðaverkstæði.

n) Við stjórn vöruflutningabifreiða í þjónustu annarra og við stjórn á stórvirkum vinnutækjum, svo sem ýtum, vélskóflum og vélkrönum.

o) Við orkufrekan iðnað, jarðgangnagerð, virkjanir og aðrar stórframkvæmdir sem eru sambærilegar og við hliðstæðar nýjar starfsgreinar.

p) Við hvers konar önnur framleiðslu- og flutningastörf.

q) Við sjómannastörf og siglingar

3. gr.

Félagið er opið öllu verkafólki.

Inngöngu í félagið geta þeir fengið sem:

a) Starfa, hafa starfað eða eru að hefja störf í einhverri þeirra starfsgreina, er um getur í 2. gr.

b) Eru fullra 16 ára að aldri.

c) Eru hvorki skuldugir né standa í óbættum sökum við félagið eða önnur verkalýðsfélög innan Alþýðusambands Íslands.

d) Hafi ekki atvinnurekstur á hendi eða komi á annan hátt fram gagnvart verkafólki, sem fulltrúar eða umbjóðendur atvinnurekanda.

Þeir sem verið hafa félagsmenn og hafa aflað sér viðbótarmenntunar á starfssviði sínu hafa rétt til að vera áfram í félaginu.

Komi í ljós, að maður sem tekinn hefur verið inn í félagið hafi ekki átt rétt til inngöngu í það eða að hann hafi gefið villandi upplýsingar um atvinnu sína eða annað, missir hann þegar í stað öll félagsréttindi og verður ekki tekinn í félagið að nýju fyrr en úr er bætt að fullu.

4. gr.

Sá sem vill verða félagsmaður skal senda eða afhenda á skrifstofu félagsins inntökubeiðni undirritaða með eigin hendi á þar til gerðu eyðublaði eða staðfesta hana með öðrum hætti og er hann þá fullgildur félagsmaður og á rétt á félagsskírteini að því tilskyldu að hann uppfylli skilyrði 3. gr. og hafi greitt félagsgjöld í þrjá mánuði.

Ákvörðun um synjun á félagsaðild skal tekin á stjórnarfundi. Hafi manni verið synjað um inngöngu í félagið, má ekki bera upp inntökubeiðni hans aftur fyrr en að tveimur mánuðum liðnum.

Synji stjórnarfundur einhverjum inngöngu í félagið, má skjóta málinu til miðstjórnar Alþýðusambands Íslands en úrskurður stjórnar gildir þar til að annar úrskurður er felldur.

5. gr.

Úrsögn úr félaginu skal vera skrifleg og afhendast skrifstofu félagsins.

Félagsmenn halda félagsréttindum meðan þeir gegna trúnaðarstörfum í verkalýðshreyfingunni.

Enginn getur sagt sig úr félaginu meðan viðræður um kjarasamninga, vinnudeila sem snertir kaupgjald eða vinnuskilmála viðkomandi félagsmanna stendur yfir. Einnig er óheimilt að segja sig úr félaginu til þess að taka upp störf félagsmanna í öðru félagi er lagt hefur niður vinnu vegna vinnudeilu.

6. gr.

Réttindi fullgildra félagsmanna eru:

a) Málfrelsi, tillögu- og atkvæðisréttur á félagsfundum og við allsherjaratkvæðagreiðslur ásamt kjörgengi til trúnaðarstarfa innan félagsins og þeirra félagasambanda sem það er aðili að.

b) Réttur til styrkja úr sjóðum félagsins í samræmi við reglur þeirra.

c) Réttur til að vinna þau störf sem kjarasamningar félagsins taka til og eftir þeim kjörum sem samningar ákveða hverju sinni.

d) Réttur til afnota af orlofshúsum félagsins og öðrum sameiginlegum eignum eftir því sem reglugerðir og samþykktir félagsins ákveða hverju sinni.

e) Réttur til að sækja fræðslustarf á vegum félagsins eða samtaka sem það er aðili að.

f) Réttur til aðstoðar vegna vanefnda á kjarasamningum, ráðningarkjörum og til annarrar þjónustu sem félagið veitir.

7. gr.

Skyldur félagsmanna eru:

a) Að hlíta lögum félagsins, fundarsköpum og fundarsamþykktum og halda í einu og öllu samninga er félagið hefur gert við atvinnurekendur og aðra.

b) Að greiða félagsgjöld.

c) Að veita stjórn félagsins og starfsmönnum þess upplýsingar um kaupgjald og vinnuskilmála hjá þeim atvinnurekendum sem þeir vinna eða hafa unnið hjá.

d) Enginn getur, nema hann beri fram afsökun, sem félagsfundur eða trúnaðarráðsfundur metur gilda, skorast undan að taka á móti kosningu í stjórn eða útnefningu til annarra starfa í þágu félagsins.

e) Að taka á móti endurkosningu eða gegna einhverju starfi sem hann er skipaður eða kosinn í næstu 4 ár en að þeim tíma liðnum getur hann fengið sig undanþeginn starfanum næstu 4 ár.

f) Að skýra starfsmönnum félagsins eða formanni frá því ef félagsmaður verður þess vís að lögbrot hafi átt sér stað í félaginu.

g) Að stuðla að því eftir mætti að verkafólk gangi í félagið.

8. gr.

Hafi félagsmaður brotið lög, reglugerðir eða fundasamþykktir félagsins, bakað því tjón eða unnið félaginu ógagn með öðrum hætti er trúnaðarráði félagsins heimilt að veita viðkomandi félagsmanni áminningu eða víkja honum úr félaginu ef sakir eru miklar eða brot er ítrekað sem áminnt hefur verið fyrir áður. Einnig getur trúnaðarráð svipt viðkomandi rétti til að sinna trúnaðarstörfum.

Ef félagsmaður er sakaður um brot samkvæmt 1. málsgrein skal trúnaðarráð úrskurða í málinu eftir að hafa gefið stjórn félagsins og viðkomandi einstaklingi tækifæri til þess að tjá sig um málið.

Úrskurði trúnaðarráðs má skjóta til miðstjórnar Alþýðusambands Íslands. Úrskurður trúnaðarráðsfundar gildir þar til annar úrskurður er felldur. Hafi félagsmanni verið vikið úr félaginu á hann ekki  afturkvæmt í það nema inntökubeiðni hans sé samþykkt á fundi stjórnar eða á félagsfundi.

Félagsgjald

9. gr.

Félagsgjald og greiðsluform þess skal ákveðið á aðalfundi fyrir það ár sem yfir stendur og vera tiltekinn hundraðshluti af launum. Tillögu um breytingu á félagsgjaldi skal leggja fram 7 dögum fyrir aðalfund ella sé það óbreytt milli ára. Tillaga um breytingu á félagsgjaldi nær því aðeins samþykki að 2/3 atkvæða séu með henni.

a) Hver sá félagsmaður sem hættir störfum á starfssviði félagsins, nýtur ekki fullra félagsréttinda s.s. atkvæðisréttar og kjörgengis, nema sannað sé að veikindi, starfsmenntun, atvinnuleysi, heimilisaðstæður, barnsburðarleyfi eða aðrar gildar ástæður séu orsök þess að hann hafi ekki unnið á starfssvæði félagsins.

b) Þeir sem ekki hafa greitt til félagsins síðustu 12 mánuði skulu strikaðir út af félagsskrá, nema undantekningarástæður samkvæmt a. lið eigi við.

c) Félagsmenn 67 ára og eldri sem hættir eru störfum halda félagsréttindum þó þeir greiði ekki félagsgjöld enda hafi þeir verið fullgildir félagsmenn við starfslok.

A. Stjórn

10. gr.

Stjórn félagsins skipa 15 stjórnarmenn: Formaður, varaformaður, ritari, gjaldkeri og 11 meðstjórnendur.

Skoðunarmenn reikninga eru tveir og einn til vara.

Kjörtímabil stjórnarmanna er tvö ár.

Formaður skal kosinn til tveggja ára í senn.

Af öðrum stjórnarmönnum skulu kosnir 7 aðalmenn í einu til tveggja ára og ganga 7 stjórnarmenn úr stjórn á víxl. Skoðunarmenn reikninga eru kosnir til tveggja ára og skulu þeir kosnir sama ár og kosning formanns fer fram.

Kosning stjórnar og skoðunarmanna reikninga skal fara fram eigi síðar en fyrir lok mars ár hvert.

11.gr.

Stjórnin hefur á hendi yfirstjórn allra félagsmála milli félagsfunda. Stjórnin boðar til félagsfundar sbr. 28. gr. Stjórnin ber sameiginlega ábyrgð á fjárreiðum félagsins og eignum þess. Skylt er stjórn félagsins að stuðla að því að gögn og aðrar upplýsingarsem tengjast sögu félagsins séu sem best varðveittar. Hún ræður starfsmenn félagsins, ákveður laun þeirra, vinnuskilyrði og starfsvið með ráðningarsamningum. Láti félagsmaður af trúnaðarstörfum er hann gegnir fyrir félagið er honum skylt að skila af sér öllum gögnum er trúnaðarstarf hans varðar.

Stjórn félagsins er heimilt að velja heiðursfélaga og heiðra með gullmerki félagsins. Til samþykkis þarf ¾ stjórnarinnar. Heiðursfélagar eru undanskildir ársgjaldi félagsins.

12. gr.

Stjórnarfundir skulu að jafnaði haldnir mánaðarlega. Formaður kveður til stjórnarfunda og stjórnar þeim. Formanni er skylt að halda stjórnarfund ef minnst fjórir stjórnarmenn óska eftir því. Hann undirritar gerðir félagsins og gætir þess, að allir starfsmenn þess geri skyldu sína. Hann ber ábyrgð á starfsemi félagsins og fylgist með því að lögum þess sé fylgt og reglum í öllum greinum. Varaformenn skulu í hvívetna aðstoða formann í starfi hans og taka við skyldum hans í forföllum.

13. gr.

Ritari ber ábyrgð á að gerðarbækur félagsins séu haldnar og sér um að í þær séu færðar allar fundargerðir, lagabreytingar og aðalreikningur. Hann undirritar gerðabækur félagsins ásamt formanni. Heimilt er að hljóðrita fundi félagsins, en fundargerðir skulu engu að síður skráðar. Ritari ber ásamt formanni ábyrgð á að skjöl félagsins og önnur gögn séu varðveitt með skipulegum hætti.

14. gr.

Gjaldkeri hefur á hendi eftirlit með fjárreiðum félagsins og bókhaldi eftir nánari fyrirmælum stjórnar. Kjörnir skoðunarmenn skulu yfirfara samþykktir og reikninga félagsins fyrir hvert reikningsár sem er almanaksárið og gera athugasemdir ef þörf er á.

B. Trúnaðarráð

15. gr.

Í félaginu skal starfa trúnaðarráð sem hefur æðsta vald í málefnum félagsins milli félagsfunda sé ekki annars getið í lögum þess. Trúnaðarráðið skipa stjórn félagsins ásamt 115 fulltrúum félagsmanna. Fullskipað trúnaðarráð er 130 manns. Um kosningu trúnaðarráðs fer samkvæmt 26. gr.

Kjörtímabil trúnaðarráðs er tvö ár og hefst 1. janúar eftir kosningar. Kosning 115 fulltrúa félagsmanna skal fara fram fyrir nóvemberlok annað hvert ár, sama ár og formaður er kosinn. Stjórn félagsins skipar varamenn í forföllum aðalmanna. Við val á varamanni skal þess gætt að hann starfi á sama eða sambærilegum vinnustað og aðalmaður. Varamaður skal skipaður í stað aðalmanns sem hætt hefur störfum.

Allar fastanefndir, sem starfa í félaginu skulu kosnar af trúnaðarráði, nema öðruvísi sé ákveðið í lögum þessum. Fundir skulu haldnir í trúnaðarráði að jafnaði einu sinni í mánuði á tímabilinu 1. október til 1. maí. Annars boðar stjórn félagsins til fundar þegar hún telur þess þörf eða þegar minnst 1/4 hluti trúnaðarráðs óskar þess skriflega og greini frá fundarefni. Fundir skulu boðaðir bréflega með tilgreindri dagskrá með 7 daga fyrirvara. Heimilt er að boða fund með auglýsingum í fjölmiðlum eða úthringingum með skemmri fyrirvara gerist þess þörf. Formaður stjórnar fundi.

Trúnaðarráð setur sér starfsreglur og fundarsköp innan þess valdsviðs er lög þessi leyfa.

C. Starfsgreinahópar

16.gr.

Stjórn félagsins er heimilt í samráði við trúnaðarráð að setja á stofn starfsgreinahópasem vinni að hagsmunamálum viðkomandi hópa. Stjórnin setur hópunum nánari markmið og starfsreglur.

D. Trúnaðarmenn

17.gr.

Stjórn félagsins er rétt og skylt að skipa trúnaðarmenn á öllum vinnustöðum þar sem fimm félagsmenn eða fleiri vinna og samningar félagsins við atvinnurekendur taka til. Trúnaðarmenn skulu kosnir af þeim félagsmönnum sem starfa á viðkomandi vinnustöðum. Félagsstjórninni er heimilt að skipa trúnaðarmenn á vinnustöðum samkvæmt lögum um stéttarfélög og vinnudeilur verði kosningu á vinnusvæði ekki við komið. Trúnaðarmenn skulu starfa eftir erindisbréfi er stjórn félagsins setur þeim. Trúnaðarmenn skulu hafa eftirlit með því að lögum félagsins, samþykktum og samningum sé hlýtt í hvívetna. Trúnaðarmenn skulu vera tengiliðir milli félagsstjórnar og starfsmanna félagsins og þess verkafólks sem vinnur á viðkomandi vinnustað og eiga þeir rétt á aðstoð stjórnar og starfsmanna í störfum sínum. Að öðru leyti fer um starfsemi, réttindi og skyldur trúnaðarmanna að lögum og kjarasamningum félagsins.

E. Samninganefnd

18.gr.

Samninganefnd skal vera starfandi í félaginu. Nefndina skipar stjórn félagsins en hún skal að öðru leyti kosin af trúnaðarráði. Formaður samninganefndar skal vera formaður félagsins. Í forföllum aðalmanna í samninganefnd félagsins skal stjórninni heimilt að velja varamenn úr hópi trúnaðarmanna af vinnustöðum. Listi með nöfnum samninganefndarmanna skal liggja fyrir eigi síðar en 14 vikum áður en samningar eru lausir. Umboð samninganefndar fellur niður þegar aðalkjarasamningar og tengdir sérkjarasamningar hafa verið samþykktir. Við val á samninganefnd skal þess gætt að í henni eigi sæti fulltrúar úr deildum félagsins.

Samninganefnd kemur fram fyrir hönd félagsins við gerð kjarasamninga. Samninganefnd hefur meðal annars umboð til þess að setja fram kröfugerð félagsins, gera áætlun um skipulag viðræðna við endurnýjun kjarasamninga, gera tillögur að samningum, taka þátt í samningaviðræðum og slíta þeim, óska milligöngu sáttasemjara um samningaumleitanir og undirrita kjarasamninga.

Samninganefndinni er heimilt:

a) Að fela stjórn félagsins umboð sitt til gerðar kjarasamnings og undirritunar hans.

b) Að skipta með sér verkum eftir samningssviðum og deildum og gera sérkjarasamninga um hvert starfssvið eða við einstaka vinnustaði.

c) Að kalla hvern þann félagsmann til starfa með sér sem hún telur þörf á hverju sinni.

d) Að fela sameiginlegri samninganefnd fleiri félaga eða sambanda umboð sitt til samningsgerðar að hluta eða að öllu leyti.

e) Að kveða á um sameiginlega atkvæðagreiðslu félagsmanna hlutaðeigandi félaga eftir því sem nefndin kann að ákveða hverju sinni eða um kann að semjast með kjarasamningi.

f) Að aflýsa vinnustöðvun eða fresta boðaðri vinnustöðvun einu sinni eða oftar um allt að 28 sólarhringa samtals eða fela stjórn félagsins umboð sitt til þess.

Komi til atkvæðagreiðslu í samninganefndinni ræður einfaldur meirihluti. Ákvarðanir samninganefndar um að fela sameiginlegri samninganefnd fleiri félaga umboð sitt um sameiginlegar atkvæðagreiðslur og um að aflýsa eða fresta vinnustöðvun eru því aðeins lögmætar og bindandi að þær hafi verið samþykktar með 3/4 hlutum greiddra atkvæða á lögmætum samninganefndarfundi. Samninganefnd er þó óheimilt að framselja sameiginlegri samninganefnd umboð sitt til að undirrita kjarasamninga og ákveða sameiginlegar atkvæðagreiðslur um þá. Um fundi, ákvarðanir og önnur atriði varðandi störf samninganefndar gilda sömu reglur og um störf trúnaðarráðs.

19. gr.

Allsherjaratkvæðagreiðslu skal viðhafa:

a) Um kosningu stjórnar, skoðunarmanna reikninga og trúnaðarráðs.

b) Um vinnustöðvun. Nú er vinnustöðvun einungis ætlað að taka til ákveðins hóps félagsmanna eða starfsmanna á tilgreindum vinnustað og er þá heimilt að taka ákvörðun um vinnustöðvun með atkvæðum þeirra sem henni er ætlað að taka til.

c) Um miðlunartillögu ríkissáttasemjara eftir því sem við á.

d) Þegar trúnaðarráð félagsins eða lögmætur félagsfundur, samþykkir að viðhafa allsherjaratkvæðagreiðslu í félaginu um tiltekin mál. Slíkar atkvæðagreiðslur er þó aðeins hægt að viðhafa um mál, sem lögð eru þannig fyrir að hægt er að svara með já eða nei eða kjósa þurfi milli tveggja tillagna og skulu þá útbúnir greinilegir atkvæðaseðlar um málið, svo að kjósandi þurfi aðeins að krossa við já eða nei, eða við aðra tillöguna ef tvær eru.

e) Við allsherjaratkvæðagreiðslu skal fara eftir reglugerð A.S.Í. þar að lútandi eftir því sem við á. Í stað allsherjaratkvæðagreiðslu á kjörfundi er stjórn félagsins heimilt að viðhafa almenna leynilega póstatkvæðagreiðslu meðal félagsmanna.

20.gr.

Kjörstjórn skal skipuð fimm félagsmönnum. Skulu fjórir kosnir af trúnaðarráði og sá fimmti tilnefndur af A.S.Í og er hann jafnframt formaður nefndarinnar. Jafnmargir varamenn skulu tilnefndir af sömu aðilum. Kjörstjórn skal skipuð í október og er kjörtímabil hennar tvö ár. Hún skal kosin á sama ári og formaður. Hlutverk kjörstjórnar er að annast um stjórn atkvæðagreiðslna og kosninga samkvæmt lögum félagsins. Kjörstjórn annast prentun allra atkvæðaseðla er gilda við allsherjaratkvæðagreiðslur á kjörfundi og við póstatkvæðagreiðslur og sér um að atkvæðagreiðslan fari löglega fram og að fullkomin leynd sé á því hvernig menn greiða atkvæði. Hún telur atkvæði þegar að lokinni atkvæðagreiðslu og úrskurðar um vafaatkvæði.

Kjörstjórn heldur gerðabók og skal í hana fært áður en kosning hefst:

a) Hvenær hún hafi móttekið tillögur.

b) Ákvarðanir um hvenær atkvæðakassi er innsiglaður.

c) Fjölda atkvæðaseðla.

Þegar atkvæðagreiðslu eða kosningu er lokið skal fært í gerðabók:

a) Hve margir hafa greitt atkvæði.

b) Hve margir seðlar eru ónotaðir.

c) Úrslit atkvæðagreiðslunnar.

Kjörstjórn skal þegar eftir að talningu atkvæða er lokið í hvert skipti, afhenda formanni félagsins gerðabókina, sem skal undirrituð af kjörstjórn og umboðsmönnum lista eða afrit af úrslitum atkvæðagreiðslu.

21. gr.

Stjórn félagsins skal láta gera skrá yfir alla félagsmenn sem atkvæðisrétt hafa í sérstaka kjörskrá. Kjörskrá skal liggja frammi eigi síðar en viku fyrir kjördag. Kærufrestur er til loka kjörfundar. Nýir félagsmenn geta gengið í félagið allt til loka kjörfundar. Umboðsmönnum þeirra sem standa að framboðum við kosningu stjórnar og trúnaðarmanna skal heimill aðgangur að félagaskrá einum mánuði fyrir kjördag.

A. Kosning stjórnar og

skoðunarmanna reikninga

22. gr.

Í félaginu skal starfa fimm manna uppstillingarnefnd. Þrír nefndarmanna skulu kosnir af trúnaðarráði en tveir af félagsfundi. Jafnmargir skulu kosnir til vara og með sama hætti. Varamenn taka sæti í nefndinni í forföllum aðalmanna. Nefndin skal kosin fyrir 10. október til tveggja ára í senn á sama ári og formaður. Nefndin skal hefja störf eigi síðar en í nóvember.Formaður félagsins kallar nefndina saman í fyrsta sinn eftir að hún hefur verið kosin. Nefndin skiptir með sér verkum á fyrsta fundi. Hún gerir tillögur um hverjir skipi stjórn og skoðunarmenn reikninga og leggur þær fyrir trúnaðarráð til samþykktar. Ef tillögur koma fram á trúnaðarráðsfundi um fleiri en uppstillingarnefnd gerir tillögur um, skal trúnaðarráð kjósa á milli þeirra.

Uppstillingarnefnd skal skila endanlegum tillögum til kjörstjórnar eigi síðar en 14 dögum fyrir kjördag og skal listinn merktur bókstafnum A. Tillaga A skal liggja frammi á skrifstofu félagsins og auglýst félagsmönnum til sýnis 8 dögum áður en kosning hefst. Öðrum listum skal skilað eigi síðar en 7 sólarhringum fyrir kjördag. Komi aðeins fram einn listi þarf kosning ekki að fara fram.

Við val á félagsmönnum til trúnaðarstarfa skal gætt jafnræðis milli kynja og milli starfsgreina.

23. gr.

Lista skulu fylgja meðmæli 120 félagsmanna. Skrifleg viðurkenning þeirra manna, sem í kjöri eru, skal jafngilda meðmælum. Á engan lista má taka upp nöfn manna sem gefa skriflegt leyfi til þess að nafn þeirra sé sett á annan lista.

24. gr.

Kosning stjórnar og skoðunarmanna reikninga skal vera skrifleg og leynileg og fara fram á kjörfundi sem standa má í allt að tvo daga samkvæmt nánari ákvörðun kjörstjórnar.

Kjörstjórn afhendir félagsmanni kjörseðil á kjörfundi eftir að hafa gengið úr skugga um að hann sé á kjörskrá og merkt við nafn hans. Kjósandi greiðir atkvæði á þann hátt að hann markar með ritblýi kross á kjörseðilinn fyrir framan þann lista sem hann vill kjósa af þeim sem í kjöri eru.

Kjörseðill er gildur ef hann ber greinilega með sér hvern eða hverja kjósandi hafi ætlað að kjósa og engin sérstök einkenni eru á honum er sýni hver kosið hefur. Ávallt skal einn maður, tilnefndur af kjörstjórn, vera kjörstjóri.

Hverju framboði er skylt að tilnefna tvo umboðsmenn sem komi fram fyrir hönd þess gagnvart kjörstjórn og er þeim heimilt að vera viðstaddir talningu. Óheimilt er að viðhafa nokkurn kosningaáróður á kjörstað, né við hann, né hafa þar tillögur, áskoranir eða hvatningar um kosninguna aðrar en leiðbeiningar samkvæmt lögum félagsins.

25. gr.

Kjörstjórn innsiglar atkvæðakassa að viðstöddum fulltrúum listanna eftir að hún hefur gengið úr skugga um að þeir séu tómir. Þegar félagsmaður hefur greitt atkvæði skal hann láta atkvæðaseðilinn í lokaðan atkvæðakassa. Kosning má aðeins standa yfir fyrirfram auglýstan tíma daglega. Umboðsmönnum þeirra, er að listum standa, er ávallt heimilt að vera viðstaddir kosninguna.

Kjörstjórn ber ábyrgð á því að atkvæðakassar séu geymdir hjá lögreglu milli kjörfunda standi kosning lengur en einn dag. Talning atkvæða skal fara fram strax að loknum kjörfundi.

Kjörstjórn skal tilkynna úrslit allsherjaratkvæðagreiðslna um leið og talningu er lokið. Úrslitum kosninga skal lýst á aðalfundi. Úrslitum annarra allsherjaratkvæðagreiðslna skal lýst á næsta félagsfundi eftir atkvæðagreiðsluna.

B. Kosning trúnaðarráðs

26. gr.

Uppstillingarnefnd gerir tillögu um hvaða félagsmenn skipi trúnaðarráð. Nefndin skal leita eftir tilnefningum frá stjórn og félagsmönnum og leitast við að skapa einingu um listann. Við val á trúnaðarráðsmönnum skal þess gætt að í ráðinu sitji fulltrúar sem flestra starfsgreina félagsins.

Uppstillingarnefnd skal skila endanlegum tillögum sínum til kjörstjórnar og skal listinn merktur bókstafnum A. Tillaga A skal liggja frammi á skrifstofu félagsins og auglýst til sýnis 8 dögum áður en kosning hefst. Öðrum listum skal skilað eigi síðar en 7 sólarhringum fyrir kjördag. Komi aðeins fram einn listi þarf kosning ekki að fara fram.

Að öðru leyti gilda ákvæði A-liðar 6. kafla laga þessara.

C. Kosning stjórna sjóða félagsins

27.gr.

Stjórnir sjóða, annarra en félagssjóðs, skulu skipaðar fimm mönnum og tveimur til vara. Skulu þrír aðalmenn og tveir varamenn kosnir af trúnaðarráði en tveir aðalmenn sem skipa stöðu formanns og varaformanns vera kosnir beint af félagsstjórn. Kjörtímabil sjóðstjórna er tvö ár. Skulu þær kosnar á síðasta fundi trúnaðarráðs og aðalstjórnar fyrir aðalfund sama ár og formaður félagsins er kosinn.

Nýjar stjórnir taka við þegar kjöri þeirra hefur verið lýst á aðalfundi. Kosning fulltrúa á ársfund Gildis Lífeyrissjóðs fer fram samkvæmt reglugerð lífeyrissjóðsins.

28. gr.

Aðalfundur

Aðalfundur félagsins skal haldinn eigi síðar en í lok maí ár hvert. Hann skal boðaður með auglýstri dagskrá með minnst 7 daga fyrirvara og er hann lögmætur sé löglega til hans boðað.

Fastir liðir á dagskrá aðalfundar skulu vera þessir:

a) Skýrsla stjórnar.

b) Endurskoðaðir reikningar félagsins lagðir fram til afgreiðslu.

c) Lýst kjöri stjórnar, trúnaðarráðs, stjórna sjóða og skoðunarmanna reikninga.

d) Lagabreytingar ef tillögur liggja fyrir.

e) Ákvörðun félagsgjalds, ef tillaga um breytingu liggur fyrir.

f) Önnur mál.

Aukaaðalfundur

Stjórn félagsins er heimilt að boða til aukaaðalfundar ef brýna nauðsyn ber til.

29. grein

Félagsfundir

Félagið heldur fundi þegar stjórn félagsins eða trúnaðarráð telur þess þörf þó eigi sjaldnar en einu sinni á ársfjórðungi á tímabilinu frá 1. október til 1. maí. Félagsfund er skylt að halda ef minnst 300 félagsmenn krefjast þess skriflega og tilgreina fundarefni. Formaður skipar dyraverði.

Allir félagsfundir eru lögmætir ef til þeirra hefur verið boðað með þriggja sólarhringa fyrirvara eða meira í minnst einu dagblaði, ríkisútvarpinu eða bréflega. Ef brýna nauðsyn ber til svo sem í sambandi við vinnudeilur og kjarasamninga má boða fundi  með skemmri fyrirvara en að framan greinir en áhersla skal þá lögð á að boða þá svo vel sem tök eru á.

30. gr.

Fundum skal stjórna eftir fundarsköpum félagsins.

Vafaatriði um fundarsköp úrskurða fundir í hvert sinn. Að öðru leyti fer fundarstjóri eftir því sem honum þykir best henta. Afl atkvæða ræður úrslitum mála á fundum nema þar sem lög þessi ákveða annað. Óski félagsmaður eftir skriflegri atkvæðagreiðslu á félagsfundi er fundarstjóra skylt að verða við þeirri ósk.

31. gr.

Sjóðir félagsins eru eftirtaldir:

Félagssjóður, Sjúkrasjóður, Orlofssjóður, Fræðslusjóður, Vinnudeilusjóður og Jóhönnu- og Vilborgarsjóður.

Allir sjóðir félagsins aðrir en félagssjóður skulu starfa samkvæmt reglugerðum samþykktum af aðalfundum. Reglugerð hvers sjóðs skal tilgreina hlutverk sjóðsins, hverjar tekjur hans skuli vera, hvernig verja skuli fé hans, hvernig stjórn hans skuli háttað og annað er sjóðinn varðar.

Sjóðir félagsins skulu ávaxtaðir á tryggan hátt í ríkisskuldabréfum, ríkistryggðum skuldabréfum, í bönkum eða sparisjóðum eða skuldabréfum, tryggðum með veði í fasteign eða á annan hátt sem stjórn félagsins metur öruggan.

32. gr.

Af tekjum félagsins skulu greidd öll útgjöld við störf þess, svo sem húsnæðiskostnaður, prentunarkostnaður, starfsmannalaun og annar kostnaður, sem stafar af löglegum samþykktum félagsfunda, trúnaðarráðs, deilda eða stjórnar félagsins.

33. gr.

Komi fram tillögur á félagsfundi um fjárframlög úr sjóðum félagsins geta þær aðeins komið til atkvæða á þeim fundi ef meirihluti stjórnarinnar er þeim meðmæltur. Stjórnin getur einnig látið fresta málinu til frekari athugunar milli funda.

34. gr.

Skylt er að láta löggiltan endurskoðanda endurskoða reikninga og fjárreiður félagsins. Reikningar skulu lagðir fyrir aðalfund áritaðir af endurskoðanda og skoðunarmönnum reikninga og liggja frammi á skrifstofu þess félagsmönnum til sýnis sjö dögum fyrir aðalfund.

35. gr.

Lögum þessum má aðeins breyta á aðalfundi enda sé þess getið í fundarboði að lagabreytingar séu á dagskrá og ennfremur skulu breytingarnar áður hafa verið ræddar á almennum félagsfundi minnst viku fyrir aðalfund. Tillögum til lagabreytinga, sem einstakir félagsmenn vilja koma á framfæri, skal skila til félagsstjórnar eigi síðar en fyrir lok marsmánaðar ár hvert.

Til þess að lagabreyting nái fram að ganga verður hún að vera samþykkt með 2/3 hlutum greiddra atkvæða. Breytingar á lögunum koma þá fyrst til framkvæmda er miðstjórn ASÍ og stjórn Sjómannasambands Íslands hafa staðfest þær.

Gildistími

Lögin taka gildi í maí 2024 og hafi þá hlotið staðfestingu miðstjórnar ASÍ.

Ferill lagabreytinga frá 1998

Lögin voru samþykkt á aðalfundi Dagsbrúnar og Framsóknar-stéttarfélags 28. maí 1998, samþykkt á framhaldsaðalfundi Starfsmannafélagsins Sóknar 3. nóvember 1998 og samþykkt á aðalfundi Félags starfsfólks í veitingahúsum 28. maí 1998. Lögin voru gefin út í desember 1998 sem lög sameinaðs stéttarfélags framangreindra félaga og staðfest á stofnfundi félagsins 5. desember 1998.

Lögin voru samþykkt með breytingum vegna sameiningar við Iðju, félag verksmiðjufólks á framhaldsaðalfundi Eflingar-stéttarfélags 5. október 1999.

Félagsfundur Iðju, félags verksmiðjufólks samþykkti lögin 24. nóvember 1999. Þannig breytt voru lögin gefin út í desember 1999.

Samþykkt með breytingum á aðalfundi árið 2000.

Samþykkt með breytingum á aðalfundi Eflingar 10. maí 2001.

Samþykkt með breytingum á aðalfundi Eflingar-stéttarfélags 30. apríl 2002.

Samþykkt með breytingum og bráðabirgðaákvæðum á aðalfundi 29.04.2003.

Breytingar voru kynntar á trúnaðarráðsfundi/félagsfundi Eflingar 16. apríl 2008.

Samþykkt með breytingum og bráðabirgðaákvæðum á aðalfundi 23.04.2008.

Samþykkt með breytingum á aðalfundi Eflingar-stéttarfélags 23. maí 2024.

1.gr. Nafn sjóðsins og heimili.

Sjóðurinn heitir Vinnudeilusjóður sameinaðs stéttarfélags og er eign félagsins.

2.gr. Markmið sjóðsins

Markmið sjóðsins er að styrkja félagsmenn í verkföllum eða verkbönnum þegar félagið á í vinnudeilum. Einnig er heimilt a greiða úr sjóðnum kostnað vegna vinnudeilna og verkfallsvörslu og styrkja önnur stéttarfélög sem eiga í vinnudeilum.

3.gr. Tekjur sjóðsins eru:

Framlag til sjóðsins nemi 15% af félagsgjöldum.

Vaxtatekjur og arður.

Gjafir, framlög og styrkir.

Aðrar tekjur sem aðalfundur félagsins kann að ákveða hverju sinni.

4.gr. Stjórn sjóðsins

Stjórn sjóðsins skal skipuð fimm mönnum og tveim til vara. Skulu þrír aðalmenn og tveir varamenn kosnir af trúnaðarráði en tveir aðalmenn sem skipi stöðu formanns og varaformanns sjóðsins kosnir beint af félagsstjórn. Kjörtímabil stjórnar er tvö ár. Skal hún skipuð á síðasta fundi trúnaðarráðs og aðalstjórnar fyrir aðalfund sama ár og formaður félagsins er kosinn. Ný stjórn tekur við þegar kjöri hennar hefur verið lýst á aðalfundi. Sjóðnum skal stjórna í samræmi við almennar stjórnsýslureglur. Sjóðstjórn setur sér starfsreglur.

5. gr. Reikningar og endurskoðun

Halda skal bókhaldi sjóðsins aðskildu frá öðrum fjárreiðum félagsins. Reikningar sjóðsins skulu lagðir fram endurskoðaðir og áritaðir af félagslegum skoðunarmönnum og löggiltum endurskoðenda fyrir aðalfund félagsins og afgreiddir þar.

6 gr. Ávöxtun sjóðsins

Heimilt er að ávaxta fé sjóðsins með eftirfarandi hætti:

a) Í ríkisskuldabréfum, í skuldabréfum tryggðum með öruggum fasteignaveðum.

b) Með kaupum á markaðsskráðum verðbréfum.

c) Í bönkum eða sparisjóðum.

d) Á annan þann hátt er stjórn sjóðsins metur tryggan og veitir jafn góða ávöxtun og samkvæmt liðum a til c.

Ávallt skal þess gætt að varsla og ráðstöfun fjármuna sjóðsins fari eigií bága við markmið hans eða verkefni.

7.gr. Gerðabók

Stjórn sjóðsins skal ávallt halda gerðabók yfir styrkbeiðnir og styrkveitingar.

8.gr. Málskotsréttur

Heimilt er a vísa ágreiningi vegna úthlutunar til úrskurðar félagsstjórnar.

9.gr. Breytingar á reglugerðinni

Reglugerð þessari má aðeins breyta á aðalfundi félagsins enda sé þess getið í fundarboði að reglugerðarbreytingar séu á dagskrá og ennfremur skulu breytingarnar áður hafa verið ræddar á almennum félagsfundi minnst viku fyrir aðalfund. Tillögum til reglugerðarbreytinga, sem einstakir félagsmenn vilja koma á framfæri, skal skilað til félagsstjórnar eigi síðar en fyrir lok marsmánaðar ár hvert.

10.gr. Gildistími

Reglugerð þessi tekur gildi frá og með aðalfundi Eflingar 10. maí 2001.

Reglugerðin var sampykkt á framhaldsaðalfundum Dagsbrúnar og Framsóknar- stéttarfélags 12. nóvember 1998, Starfsmannafélagsins Sóknar 3. nóvember 1998 og Félags starfsfólks í veitingahúsum 15, nóvember 1998. Reglugerðin var gefin út í desember 1998. 

Reglugerð var breytt á aðalfundi Eflingar stéttarfélags 10. maí 2001.

gbị/ph 1806 01

1. gr. Nafn sjóðsins, heimili og sjóðfélagar

Sjóðurinn heitir Sjúkrasjóður Eflingar-stéttarfélags. Heimili sjóðsins og varnarþing er í Reykjavík. Sjóðfélagar eru þeir sem skilað er af umsömdu iðgjaldi af launum til sjóðsins samkvæmt kjarasamningi.

2. gr. Markmið sjóðsins Sjúkrasjóðurinn er félagslegur samtryggingasjóður sjóðfélaga.

Markmið sjóðsins er að styrkja sjóðfélaga er missa vinnutekjur eða ígildi þeirra vegna sjúkdóma eða slysa með því að greiða þeim dagpeninga í slysa- og sjúkdómstilfellum. Ennfremur að vinna að fyrirbyggjandi aðgerðum er snerta öryggi og heilsufar sjóðfélaga og endurgreiða sjóðfélögum sjúkra- og endurhæfingarkostnað og með því að stuðla að endurkomu sjóðfélaga á vinnumarkað eftir veikindi/slys í samvinnu við Endurhæfingarsjóð.

3. gr. Tekjur sjóðsins

a) Samningsbundin iðgjöld af heildarlaunum sjóðfélaga.

b) Vaxtatekjur og arður.

c) Gjafir, framlög og styrkir.

d) Aðrar tekjur.

4. gr. Stjórn og rekstur

Stjórn sjóðsins skal skipuð fimm mönnum og tveimur til vara. Skulu þrír aðalmenn og tveir varamenn kosnir af trúnaðarráði en tveir aðalmenn sem skipa stöðu formanns og varaformanns sjóðsins, vera kosnir beint af félagsstjórn.

Starfsmaður skrifstofu Eflingar hefur áheyrnarrétt á fundum stjórnar sjóðsins.

Kjörtímabil sjóðsstjórnar er tvö ár. Skal hún skipuð á síðasta fundi trúnaðarráðs og aðalstjórnar fyrir aðalfund. Kjöri hennar skal lýst á aðalfundi.

Sjóðnum skal stjórnað í samræmi við almennar stjórnsýslureglur.  Sjóðstjórn setur sér starfsreglur og nánari reglur um úthlutun fjár úr sjóðnum.

Stjórn sjóðsins og starfsmenn hans skulu fara með allar umsóknir og afgreiðslu úr sjóðnum sem trúnaðarmál.

5. gr. Reikningar og endurskoðun

Halda skal bókhaldi sjúkrasjóðsins aðskildu frá öðrum fjárreiðum félagsins. Iðgjaldagreiðslur til sjóðsins skulu vera skráðar á nafn hvers sjóðfélaga.

Reikningar sjóðsins skulu lagðir fram endurskoðaðir og áritaðir af skoðunarmönnum reikninga félagsins og löggiltum endurskoðanda fyrir aðalfund félagsins.

Allan beinan kostnað vegna reksturs sjóðsins greiðir hann sjálfur.

Árlegan kostnað vegna afgreiðslu og skrifstofu skal ákveða með samkomulagi milli sjóðstjórnar og stjórnar félagsins.

6. gr. Úttekt óháðra eftirlitsaðila

Að minnsta kosti fimmta hvert ár skal stjórn sjóðsins fá tryggingafræðing eða löggiltan endurskoðanda til þess að meta framtíðarstöðu sjóðsins. Hann skal semja skýrslu til stjórnar um athugun sína.

Við mat á framtíðarstöðu sjóðsins skal tilgreina rekstrarkostnað, ávöxtun sjóðsins og hvort sjóðurinn getur staðið við skuldbindingar sínar. Geti sjóðurinn ekki staðið við skuldbindingar sínar er sjóðstjórn skylt að leggja fyrir næsta aðalfund tillögur til úrbóta.

Um skil á ársreikningum og tryggingafræðilegu mati til ASÍ fer samkvæmt starfsreglum og lögum sambandsins á hverjum tíma.

7. gr. Ávöxtun sjóðsins

Heimilt er að ávaxta fé sjóðsins með eftirfarandi hætti:

a) Í ríkisskuldabréfum, í skuldabréfum sem tryggð eru með ábyrgð ríkissjóðs og í skuldabréfum tryggðum með öruggum fasteignaveðum.

b) Með kaupum á markaðsskráðum verðbréfum.

c) Í bönkum eða sparisjóðum.

d) Á annan þann hátt er stjórn sjóðsins metur tryggan og veitir jafn góða ávöxtun og samkvæmt liðum a til c.

Stjórn sjóðsins er einnig heimilt að verja fé hans til kaupa eða byggingar félagshúss félagsins, enda sé sjóðurinn eigandi þess að því  leyti.

Ávallt skal þess gætt að varsla og ráðstöfun fjármuna fari ekki í  bága við markmið eða verkefni sjóðsins.

8. gr. Réttindi sjóðfélaga

A. Dagpeningar

Rétt til dagpeninga úr sjóðnum öðlast þeir sem greiða til sjóðsins samfellt í að minnsta kosti 6 mánuði. Fjárhæð dagpeninga miðast við meðaltekjur samkvæmt iðgjaldaskilum og greiðslutíma í sjóðinn og er tekjutengd, samanber 11. grein.

Réttur til dagpeninga stofnast frá þeim tíma er samningsbundinni eða lögboðinni kaupgreiðslu lýkur.

Hafi iðgjöld til sjúkrasjóðs ekki verið greidd vegna sjóðfélaga, en hann getur fært sönnur á að félagsgjöld hafi samkvæmt reglulega útgefnum launaseðlum verið dregin af launum hans síðustu 6 mánuði, skal hann njóta réttar eins og iðgjöld til sjúkrasjóðs hafi verið greidd. Réttur til dagpeninga stofnast ekki ef sjóðfélagi á rétt á greiðslum fyrir tímabundið tekjutap á grundvelli skaðabótalaga, svo sem í kjölfar umferðarslysa.

Réttur til dagpeninga fellur niður þegar/ef sjóðfélagi hefur hætt störfum vegna veikinda/slyss og öðlast rétt til elli-, örorku- eða endurhæfingargreiðslna frá Tryggingastofnun ríkisins og/eða lífeyrissjóði.

Sjóðfélagi sem starfar á vernduðum vinnustað öðlast rétt til greiðslna úr sjóðnum vegna veikinda og slysa í samræmi við ákvæði yfirlýsingar ASÍ og Hlutverks frá 4. maí 2006.

B. Aðrar greiðslur

Stjórn sjóðsins er heimilt að endurgreiða sjóðfélögum sjúkra- og endurhæfingarkostnað. Sjóðstjórn ákveður fjárhæðir og skilyrði endurgreiðslna og skulu breytingar kynntar á aðalfundi.

Endurgreiðslur eru háðar því að greitt hafi verið samfellt í 6 mánuði í sjóðinn.

Réttur til endurgreiðslna fellur niður um leið og hætt er að greiða iðgjald til sjóðsins. Þó er stjórn sjóðsins heimilt að styrkja sjóðfélaga á næstu 24 mánuðum eftir starfslok vegna aldurs eða örorku, enda hafi hann við starfslokin verið sjóðfélagi og í a.m.k. 5 næstu ár þar á undan.

9. gr. Samskipti sjúkrasjóða

Sjóðfélagi sem öðlast hefur rétt til greiðslu dagpeninga og dánarbóta úr sjúkrasjóði annars stéttarfélags innan ASÍ, öðlast þann rétt hjá sjúkrasjóðnum eftir að hafa greitt í hann í einn mánuð, enda hafi hann fram að því sannanlega átt rétt hjá fyrri sjóðnum. Sá sem öðlast hefur rétt til styrkja úr sjúkrasjóði annars stéttarfélags innan ASÍ, öðlast rétt til styrkja hjá sjúkrasjóðnum eftir að hafa greitt í hann í einn mánuð, enda hafi hann fram að því sannanlega átt rétt hjá fyrri sjóðum. Þegar sótt er um styrki í sjúkrasjóði skal umsækjandi leggja fram yfirlit um veitta styrki sem hann hefur þegið úr fyrri sjúkrasjóðnum sl. 36 mánuði.

Vinni sjóðfélagi á fleiri en einum vinnustað og hafi verið greitt í fleiri en einn sjúkrasjóð þegar sótt er um greiðslu, skal hann greina frá því í hvaða sjóði hann hefur greitt. Heimilt er að fresta greiðslu bóta þar til staðfesting annarra sjóða liggur fyrir um að sjóðfélagi hafi ekki sótt um greiðslur þar. Sjóðurinn skal leita slíkrar staðfestingar og gefa öðrum sjóðum yfirlit um bætur sem greiddar eru vegna sjóðfélagans, tegund og fjárhæð bóta. Umsækjanda er skylt að leggja fram með umsókn sinni staðfestar upplýsingar um greiðslur frá öðrum sjóðum og veita aðrar nauðsynlegar upplýsingar um launagreiðslur að viðlögðum fresti á afgreiðslu umsóknar.

10. gr. Geymd réttindi og heimildir

a) Heimilt er að veita sjóðfélaga sem naut fullra réttinda skv. 8 gr. og stundar starfsþjálfun, námskeið eða nám í allt að 24 mánuði og hefur síðan aftur störf á samningssviði félagsins endurnýjaðan bótarétt þegar greitt hefur verið til sjóðsins í einn mánuð. Sama gildir um sjóðfélaga sem hverfur frá vinnu vegna veikinda, heimilisástæðna eða af öðrum gildum ástæðum.

b) Þeir félagsmenn sem fara í lögbundið fæðingarorlof og hafa verið sjóðfélagar í a.m.k. 6 mánuði samfellt áður en taka fæðingarorlofs hófst, halda áunnum réttindum sínum hafi þeir greitt félagsgjald til félagsins af fæðingarorlofi sínu og hefji þegar að loknu fæðingarorlofi aftur störf á samningssviði félagsins. Sé félagsmaður óvinnufær vegna veikinda/slyss í kjölfar fæðingarorlofs og í ráðningasambandi við vinnustað sinn, er heimilt að höfðu samráði við starfsendurhæfingarráðgjafa sjóðsins að greiða dagpeninga að hámarki í 3 mánuði, enda hafi félagsmaðurinn fullnýtt veikindarétt sinn hjá vinnuveitanda en ekki rétt til dagpeninga úr sjúkrasjóði næstliðna 12 mánuði fyrir töku fæðingarorlofsins

c) Stjórn sjóðsins er heimilt að veita félagsmanni sem verið hefur atvinnulaus en greitt félagsgjald til félagsins tilskilinn lágmarkstíma samkvæmt A og B lið þessarar greinar, rétt til dagpeninga og endurgreiðslna, enda hafi hann verið sjóðfélagi í a.m.k. 6 mánuði samfellt áður en hann varð atvinnulaus. Heimild til greiðslna dagpeninga er þó háð því að félagsmaður hafi ekki fullnýtt rétt sinn til dagpeninga næst liðna 12 mánuði áður en hann missti starf sitt.

11. gr. Dagpeningar og endurgreiðslur

A. Fjárhæð dagpeninga

1. Dagpeningar sjóðfélaga sem greitt hefur verið af til sjóðsins í 6 mánuði samfellt eða lengur skal miða við 80% af meðallaunum hans á mánuði næstliðna 6 mánuði samkvæmt iðgjaldaskilum.

2. Dagpeningar sjóðfélaga sem greitt hefur verið af til sjóðsins í 5 ár samfellt (greiðslur til sjóðsins þurfa að hafa borist að lágmarki í 54 af sl. 60 mánuðum til þess að uppfylla skilyrðið) eða lengur skal með sama hætti miða við 100% af meðallaunum hans næstliðna 6 mánuði. Hámarksgreiðsla dagpeninga samkvæmt þessum lið miðast við kr. 966.319.- á mánuði miðað við launavísitölu 01.07.2023 og tekur breytingum miðað við launavísitölu 1. júlí ár hvert.

3. Hámarksgreiðsla dagpeninga til sjóðfélaga sem hefur skemmri samfellda sjóðfélagsaðild en 5 ár er kr. 801.624.- á mánuði miðað við launavísitölu 01.07.2013 og tekur breytingum miðað við launavísitölu 1. júlí ár hvert.

4. Meðallaun þeirra, sem öðlast hafa rétt til greiðslu sjúkra- og slysadagpeninga úr sjúkrasjóði annars verkalýðsfélags sbr. 9. gr. skulu ákvörðuð með því að deila í laun á viðmiðunartímabili með fjölda mánaða sem greitt hefur verið til Sjúkrasjóðs Eflingar.

5. Samanlagðar greiðslur frá sjúkrasjóði, Tryggingastofnun ríkisins eða öðrum aðilum skal ekki nema hærri fjárhæð, en sem nemur meðallaunum sjóðfélagans næstliðinna 6 mánaða.

6. Til að viðhalda réttindum í öðrum sjóðum félagsins er dregið 0,7% af dagpeningagreiðslum sjóðfélaga í félagsgjöld til félagsins.

B. Tímabil dagpeningagreiðslna

1. Dagpeningar í veikinda- og slysaforföllum greiðast í allt að 120 daga (4 mánuði) hafi verið skilað 1% af launum sjóðfélaga til sjóðsins eða annars félags innan ASÍ í 6 mánuði samfellt.

2. Dagpeningar í veikinda- og slysaforföllum sjóðsfélaga sem greitt hefur verið af til sjóðsins í 5 ár samfellt (greiðslur til sjóðsins þurfa að hafa borist að lágmarki í 54 af sl. 60 mánuðum til þess að uppfylla skilyrðið) eða lengur skal með sama hætti greiðast í allt að 180 daga (6 mánuði) hafi verið skilað 1% af launum sjóðfélaga til sjóðsins.

3. Sjóðfélagi sem starfar hjá ríki, sveitarfélagi, sjálfseignastofnun eða öðrum sem greiða lægra samningsbundið iðgjald af launum en 1% til sjóðsins, skal fá greitt samkvæmt 11. gr. A lið í allt að 90 daga.

4. Ekki er greitt lengur en óvinnufærni eða veikindi vara.  Ef verulegar breytingar hafa orðið á launum sjóðfélaga síðustu 6 mánuði er heimilt að meta tekjurnar sérstaklega og þá yfir lengra tímabil.

5. Stjórn sjóðsins er heimilt að greiða dagpeninga allt að 120 daga til viðbótar þegar bótaréttur til tekjutengdra dagpeninga hefur verið tæmdur, að höfðu samráði við starfsendurhæfingarráðgjafa og/eða trúnaðarlækni sjóðsins, enda hafi verið greitt 1% iðgjald til sjóðsins. Heimilt er að greiða sjóðfélaga sem greitt hefur verið af minna en 1% iðgjald til sjóðsins með sama hætti í allt að 90 daga. Greiðsla skv. þessum málsgreinum miðast við lágmarkstekjur samkvæmt kjarasamningi eins og þær eru á hverjum tíma.

.6 Heimilt er að úrskurða dagpeninga afturvirkt í allt að 3 mánuði frá því að umsókn barst sjóðnum.

6. Réttur til dagpeninga endurnýjast á hverjum 12 mánuðum, hlutfallslega eftir því sem hann er nýttur, talið frá þeim degi sem dagpeningagreiðslum lýkur hverju sinni og greiðslur iðgjalda hefjast að nýju.

8. Veikindi eða slys maka og barna

Sjóðfélagi á rétt á greiðslu dagpeninga miðað við gr. 11. A í allt að 180 daga á hverjum 12 mánuðum vegna veikinda eða slysa barna og í allt að 90 daga vegna alvarlegra veikinda eða slysa maka.

C. Dánarbætur og endurgreiddur kostnaður

1. a) Heimilt er að greiða dánarbætur til dánarbús sjóðfélaga sem fellur frá í starfi, er yngri en 70 ára og lætur eftir sig maka og börn. Eingreiddar dánarbætur til virks og greiðandi sjóðfélaga, skulu eigi nema lægri fjárhæð en kr. 500.866.- á mánuði og greiðast hlutfallslega miðað við starfshlutfall, enda hafi iðgjald verið greitt í a.m.k. 6 mánuði samfellt fyrir andlát hans. Upphæð dánarbóta samkvæmt þessum lið miðast við vísitölu neysluverðs 01.01.2024 (grunnvísitala 607,3) og tekur breytingum miðað við vísitölu neysluverðs 1. janúar ár hvert.

b) Dánarbætur virks og greiðandi sjóðfélaga sem greitt hefur verið af í a.m.k.4 ár samfellt skulu vera að hámarki kr. 626.082.- miðað við vísitölu neysluverðs 01.01.2024 (grunnvísitala 607,3) og tekur breytingum miðað við vísitölu neysluverðs 1. janúar ár hvert. Bæturnar greiðast hlutfallslega miðað við starfshlutfall.

Þegar sex mánuðir hafa liðið frá starfslokum til andláts sjóðfélaga dragast frá kr. 18.961.-, miðað við vísitölu neysluverðs 01.01.2024 (grunnvísitala 607,3) og tekur breytingum miðað við vísitölu neysluverðs 1. janúar ár hvert, fyrir hvern mánuð sem á vantar sbr. þó gr. 11.C.2. Aðrar dánarbætur.

c) Láti sjóðfélagi ekki eftir sig maka eða börn, er heimilt að greiða með sama hætti dánarbúi dánarbætur hafi aðrir erfingjar annast útför hins látna og gengist við eignum og skuldum hans.

2. Aðrar dánarbætur

Við andlát félaga sem, ekki er á vinnumarkaði en var sjóðfélagi við  starfslok er stjórn sjóðsins heimilt að greiða til dánarbús hins látna hluta  dánarbóta. Skilyrði greiðslu er að hinn látni hafi verið sjóðfélagi samfellt síðustu 5 ár fyrir starfslok. Skulu fjárhæðir samkvæmt þessum lið ákveðnar í sjóðstjórn.

3. Kostnaðarsamar læknisaðgerðir erlendis

Stjórn sjóðsins er heimilt að endurgreiða sjóðfélaga kostnað vegna læknisaðgerða erlendis. Endurgreiðsla samkvæmt þessari grein má ekki nema hærri fjárhæð en sem nemur dagpeningum miðað við lágmarkstekjur samkvæmt aðalkjarasamningi Eflingar á hverjum tíma í allt að 90 daga.

4. Forvarnir og endurhæfingarstyrkir

Heimilt er stjórn sjóðsins að endurgreiða kostnað sjóðfélaga vegna forvarna og endurhæfingar. Skulu fjárhæðir og viðmiðanir ákveðnar í sjóðstjórn.  Sjóðurinn skal leggja áherslu á að endurgreiða kostnað vegna krabbameinsskoðana og hjartarannsókna, sjúkra- og endurþjálfunar og meðferðar og endurhæfingar á heilsustofnunum og þjálfunarstöðvum.

5. Aðrar heimildir

Stjórn sjóðsins er heimilt að stofna til annarra styrkja í formi líftrygginga,  dánarbóta, slysatrygginga og annarra heilsufarstrygginga.

12. gr. Styrktarsjóður Eflingar-stéttarfélags.

1. Endurgreiðslur og styrkir

Styrkrtarsjóður Eflingar er deild í Sjúkrasjóði Eflingar-stéttarfélags. Stjórn Styrktarsjóðs er skipuð sömu mönnum er skipa stjórn Sjúkrasjóðs félagsins. Stjórnin skal taka ákvörðun um endurgreiðslur og styrki úr sjóðnum.  Starfsemi deildarinnar fer að öðru leyti eftir almennum reglum sjúkrasjóðsins eftir því sem við á. Starfsmaður sjúkrasjóðs skal jafnframt vera starfsmaður deildarinnar.  Markmið sjóðsins er að veita styrki og endurgreiða læknis- og endurhæfingarkostnað ef sérstaklega stendur á fyrir sjóðfélaga Sjúkrasjóðs Eflingar sem ekki eiga rétt á dagpeningum. Eingöngu er heimilt að endurgreiða úr sjóðnum ef sjóðfélagi á í verulegum fjárhagsörðugleikum, hefur ekki stundað fulla vinnu í 6 mánuði, á við alvarleg og langvarandi veikindi að stríða, örorku- eða ellihrumleika.

Ennfremur er sjóðnum heimilt að styrkja stofnanir eða félagasamtök sem sinna heilbrigðis- mannúðar- eða réttindamálum.

2. Stjórn Sjúkrasjóðs Eflingar skal verja 5% af iðgjöldum sjóðsins næstliðins árs til Styrktarsjóðs. Stjórn Sjúkrasjóðsins er heimilt að greiða auka tillag Styrktarsjóðs gerist þess þörf vegna fjárhagsstöðu hans.

13. gr. Skyldur sjóðfélaga, umsóknir um greiðslur og upplýsingar

Umsóknum skal skilað í því formi sem stjórn sjóðsins ákveður ásamt nauðsynlegum vottorðum er tryggja réttmæti greiðslna.

Umsækjandi skal, ef nauðsyn ber til að mati sjóðstjórnar, heimila trúnaðarlækni sjóðsins að sannreyna réttmæti framlagðra læknisvottorða og læknisskoðun ef þörf krefur.  Sjóðfélagi er verið hefur frá störfum vegna veikinda/slyss skal ef sjóðstjórn óskar, mæta í viðtal til starfsendurhæfingarráðgjafa sjóðsins og skoðun til trúnaðarlæknis eða annars aðila sem sjóðurinn tilnefnir ,sé þess óskað.

Stjórn sjóðsins er heimilt að styrkja sjóðfélaga sem fer í  starfsendurhæfingu.  Berist ekki fullnægjandi gögn og upplýsingar frá umsækjanda skal sjóðstjórn hafna umsókn að svo stöddu. Sjóðfélagi sem gefið hefur rangar eða villandi upplýsingar eða leynt hefur upplýsingum um hagi sína, fyrirgerir rétti sínum. Heimilt er að endurkrefja sjóðfélaga um allar greiðslur sem þannig eru fengnar.

14. gr. Fyrning

Réttur til dagpeninga og endurgreiðslna úr sjúkrasjóði samkvæmt reglugerð þessari fellur niður sé umsókn ekki skilað til sjóðsins innan 12 mánaða frá því að rétturinn stofnast.

15. gr. Endurgreiðsla iðgjalda

Iðgjöld til Sjúkrasjóðsins endurgreiðast ekki.

16. gr. Um málsmeðferð og skyldur sjóðsins

Um málsmeðferð skal fara að almennum stjórnsýslureglum eftir því sem við á. Stjórn sjóðsins er skylt að upplýsa sjóðfélaga um rétt þeirra til aðstoðar með útgáfu bæklinga eða dreifirita, í félagsblaði og á heimasíðu félagsins.

17. gr. Málsskotsréttur

Heimilt er að vísa ágreiningi vegna úthlutunar til úrskurðar félagsstjórnar.

18.gr. Fundargerðir

Stjórn sjóðsins skal ávallt halda fundargerðir yfir umsóknir um dagpeninga, endurgreiðslur og samþykktar umsóknir.

19. gr. Ýmis ákvæði

Ef farsóttir geisa getur sjóðstjórn leyst sjóðinn frá greiðsluskyldum sínum um stundarsakir. Einnig getur sjóðstjórn ákveðið að lækka um stundarsakir upphæð dagpeninga ef afkomu sjóðsins virðist hætta búin.

20. gr. Breytingar á reglugerðinni

Reglugerð þessari má aðeins breyta á aðalfundi félagsins enda sé þess getið í fundarboði að reglugerðarbreytingar séu á dagskrá og ennfremur skulu breytingarnar áður hafa verið ræddar á fundi stjórnar og trúnaðarráðs og/eða almennum félagsfundi minnst viku fyrir aðalfund.

Tillögum til reglugerðarbreytinga, sem einstakir félagsmenn vilja koma á framfæri, skal skilað til félagsstjórnar eigi síðan en fyrir lok marsmánaðar ár hvert.

Einfaldur meirihluti greiddra atkvæða nægir til að reglugerðarbreyting teljist samþykkt.

Samþykktar breytingar á reglugerðinni skulu sendar skrifstofu ASÍ.

21. gr. Gildistími Reglugerðin tekur gildi frá og með 1. júní 2024.

Reglugerðin var samþykkt á framhaldsaðalfundum félaganna Dagsbrúnar og Framsóknar-stéttarfélags 12. nóvember 1998, Starfsmannafélagsins Sóknar 3. nóvember 1998, Félags starfsfólks í veitingahúsum 15. nóvember 1998 og á félagsfundi hjá Iðju, félagi verksmiðjufólks 24. nóvember 1999.

Reglugerðinni var breytt á aðalfundum Eflingar-stéttarfélags árið 2000, 2002, 2003, 2005, 2006, 2007, 2008 og 2009,2010,2012, 2013, 2014, 2017, 2019. Reglugerðinni var síðast breytt á aðalfundi Eflingar-stéttarfélags 23. maí 2024.

1. gr. Nafn sjóðsins, heimili og sjóðfélagar

Sjóðurinn heitir Orlofssjóður Eflingar-stéttarfélags.

Heimili hans og varnarþing er í Reykjavík.

Sjóðfélagar eru þeir sem greitt er af til sjóðsins.

2. gr.Tilgangur og markmið

Tilgangur sjóðsins er að gera sjóðfélögum kleift að njóta orlofs með því að að koma upp og reka orlofshús og orlofsíbúðir og semja um hagstæð kjör á orlofsferðum og gistingu bæði innanlands og utan. Sjóðnum er heimilt að ganga til samstarfs við önnur stéttarfélög í framangreindum tilgangi.

3. gr. Tekjur sjóðsins

Tekjur sjóðsins eru:

a) Samningsbundin gjöld atvinnurekenda til sjóðsins.

b) Leigutekjur af orlofsheimilunum.

c) Vaxtatekjur og aðrar tekjur er til falla.

4. gr. Stjórn sjóðsins

Stjórn sjóðsins skal skipuð fimm mönnum og tveim til vara. Skulu þrír aðalmenn og tveir varamenn kosnir af trúnaðarráði en tveir aðalmenn sem skipi stöðu formanns og varaformanns sjóðsins kosnir beint af félagsstjórn.

Kjörtímabil stjórnar er tvö ár. Skal hún skipuð á síðasta fundi trúnaðarráðs og aðalstjórnar fyrir aðalfund sama ár og formaður félagsins er kosinn. Ný stjórn tekur við þegar kjöri hennar hefur verið lýst á aðalfundi.

Stjórnin annast vörslu sjóðsins og ávöxtun hans og rekstur og umsjón eigna.

Sjóðnum skal stjórnað í samræmi við almennar stjórnsýslureglur.

Sjóðsstjórn setur sér starfsreglur þar á meðal um rétt til úthlutunar.

5. gr. Reikningar og endurskoðun

Halda skal bókhaldi sjóðsins aðskildu frá öðrum fjárreiðum félagsins. Iðgjaldagreiðslur til sjóðsins skulu skráðar á nafn hvers sjóðfélaga.

Reikningar sjóðsins skulu lagðir fram endurskoðaðir og áritaðir af skoðunarmönnum reikninga félagsins og löggiltum endurskoðenda fyrir aðalfund félagsins.

6. gr. Ávöxtun sjóðsins

Heimilt er að ávaxta fé sjóðsins með eftirfarandi hætti:

a) Í ríkisskuldabréfum, í skuldabréfum tryggðum með öruggum fasteignaveðum.

b) Með kaupum á markaðsskráðum verðbréfum.

c) Í bönkum og sparisjóðum.

d) Á annan þann hátt er stjórn sjóðsins metur tryggan og veitir jafn góða ávöxtun og liðum a-c. Ávallt skal þess gætt að varsla og ráðstöfun fjármuna sjóðsins fari eigi í bága við markmið hans og verkefni.

7. gr. Reksturskostnaður

Afgreiðsla sjóðsins skal vera á skrifstofu félagsins. Allan beinan kostnað við rekstur ber sjóðurinn sjálfur. Kostnað vegna afgreiðslu og skrifstofuhalds skal ákveða í samkomulagi milli stjórna sjóðsins og félagsstjórnar.

8.gr. Málskot

Heimilt er að vísa ágreiningi vegna úthlutunar til úrskurðar félagsstjórnar.

9. gr. Breytingar á reglugerðinni

Reglugerð þessari má aðeins breyta á aðalfundi félagsins enda sé þess getið í fundarboði að reglugerðarbreytingar séu á dagskrá og ennfremur skulu breytingarnar áður hafa verið ræddar á almennum félagsfundi minnst viku fyrir aðalfund. Tillögum til reglugerðarbreytinga, sem einstakir félagsmenn vilja koma á framfæri, skal skilað til félagstjórnar eigi síðan er fyrir lok marsmánaðar ár hvert.

Einfaldur meirihluti greiddra atkvæða nægir til þess að reglugerðarbreyting teljist samþykkt.

10. gr. Gildistími

Reglugerðinni var síðast breytt á aðalfundi Eflingar-stéttarfélags 30. apríl 2002 og gildir frá þeim tíma.

Reglugerðin var samþykkt á framhaldsaðalfundum Dagsbrúnar og Framsóknar-stéttarfélags 12. nóvember 1998, Starfsmannafélagsins Sóknar 3. nóvember 1998 og Félags starfsfólks í veitingahúsum 15. nóvember 1998. Reglugerðin var gefin út í desember 1998 og á félagsfundi Iðju, félagi verksmiðjufólks 24. nóvember 1999.

Reglugerðinni var breytt á aðalfundi Eflingar-stéttarfélags 10. maí 2001.

Reglugerðinni var breytt á aðalfundi Eflingar-stéttarfélags 30. apríl 2002.