Skilmálar og leigureglur

• Leigutaki er ábyrgðaraðili fyrir orlofshúsinu/íbúðinni og afhendast lyklar til hans. EKKI er leyfilegt að framselja leigurétt sinn til annarra.

• Tjón af völdum leigutaka eða gesta hans eru að fullu á ábyrgð leigutaka.

• Leigutaka ber að tilkynna umsjónarmanni strax ef eitthvað er ábótavant eða tjón hefur orðið á meðan á dvöl stendur.

• Bannað er hafa gæludýr nema að annað sé tekið fram á leigusamningi.

• Virða ber hversu margir geta gist í hverju orlofshúsi.

• Leigutaki er ábyrgur fyrir þrifum og umgengni og ber að kynna sér húsreglur. Ávallt skal skila húsi vel hreinu.

• Umsjónarmaður yfirfer húsin eftir hverja leigu.

• Reykingar og notkun ólöglegra vímuefna eru stranglega bönnuð og geta leitt til tafarlausrar brottvísunar úr húsinu.

• Þurfi umsjónarmaður að þrífa eftir dvöl leigutaka er það á kostnað leigutaka án frekari fyrirvara og getur varðað útilokun frá leigu. Þrifagjald er 50.000 krónur.

• Það er stranglega bannað að hlaða rafbíla við húsin.

• Virða skal friðhelgi annarra á svæðinu. Öll óþarfa umferð og hávaði eftir kl. 24:00 er óheimil.

• Nauðsynlegt er að leigutaki kynni sér innihald leigusamnings varðandi frekari upplýsingar.

• Leigutaki þarf að kanna færð á vegum á vetrartíma, þar sem ekki er hægt að tryggja snjómokstur alla daga.

Úthlutunartímabil eru tvö, yfir páskana og sumartímann. Leigutímabil yfir páska er ein vika frá miðvikudegi til miðvikudags og sumartímabilið hefst um mánaðarmót maí/júní og er 13 vikur og þá eru húsin leigð út í vikuleigu frá föstudegi til föstudags. Upplýsingar um umsóknartímabil og úthlutanir eru kynntar í upphafi árs á miðlum Eflingar. Skila þarf inn umsókn á auglýstum umsóknartímabilum.

Sérstakt orlofshúsakerfi Eflingar heldur utan um allar úthlutanir félagsins, þar safnast réttindi upp í formi punkta á hvern félagsmann og lífaldur getur jafnframt haft áhrif á úthlutanir. Fjöldi punkta markast af greiðslum til félagsins en reynt er að búa út sem mestan jöfnuð í kerfinu þannig að þeir sem hafa lægri tekjur eigi einnig góða möguleika á að fá úthlutað íbúðum og orlofshúsum.

Tölvukerfið úthlutar þannig að öllum umsóknum er raðað eftir punktaröð, þ.e. þeir umsækjendur sem hafa flesta punkta eru efst í röðinni og svo koll af kolli. Lífaldur ræður ef punktar tveggja eru jafnir þ.e. sá sem er eldri fær fyrst úthlutað. Kerfið les sig síðan í gegn um allar umsóknirnar og skoðar hvert val fyrir sig.

Aðeins ein úthlutun verður og er hún fyrir alla félagsmenn með réttindi. Þetta á bæði við um sumar- og páskaúthlutun. Punktastaða ræður niðurstöðu úthlutunar.

Fyrstur nær fyrstur fær
Eftir páskaúthlutun opnast bókunarvefurinn fyrir alla félagsmenn til að bóka þau hús sem enn eru laus. Eftir sumarúthlutun opnast bókunarvefurinn í tveimur skrefum, út frá punktainneign félagsmanna, til að bóka þau hús sem laus eru hverju sinni

Fyrst í 3 daga fyrir þá sem eiga 100 punkta og meira í kerfinu.

Fyrir alla félagsmenn með réttindi.

Hingað til hafa punktar safnast þannig að fyrir u.þ.b. ¼ starfshlutfalls fæst 1 punktur á mánuði en 2 fyrir allt umfram það. Breytingin felst í því að nú er miðað við ¼ af tekjutryggingu og undir gefur 1 punkt, frá því að fullri tekjutryggingu 2 punkta og 3 fyrir allt umfram það.

Einnig verður nú ekki lengur hámark á punktasöfnuninni 12 ár eða 288 punktar eins og verið hefur heldur safnast punktar eins lengi og viðkomandi greiðir til félagsins.

Punktar dragast frá við leigu yfir allt árið.

Athugið að punktar segja aðeins til um forgang í úthlutun en koma ekki í stað greiðslu.

Tímabil vetrarleigu hefst um mánaðamót ágúst/september og þá er bókað beint, engar umsóknir (að undanskildum páskum). Á vetrartímanum er leigutíminn sveigjanlegri og þá er hægt að bóka bæði helgar- og vikuleigu. Opnað er fyrir vetrarleigu í tveimur skrefum: um miðjan ágúst opnast fyrir bókanir fram að jólum og fyrsta virka dag í nóvember opnast fyrir bókanir eftir áramót og fram að sumartímabili. Opnað er fyrir bókanir á Mínum síðum kl. 9.00 á opnunardegi.

Félagsfólk getur farið inn á Mínar síður til að bóka, sent tölvupóst á orlof@efling.is eða hringt á skrifstofuna í síma 510 7500 á skrifstofutíma.

Félagsfólk þarf að eiga minnst 6 mánaða samfellda félagasögu og hafa náð 20 ára aldri. Gildir það ákvæði almennt um umsækjendur orlofshúsa. Fyrstu leigu þarf að bóka í gegnum tölvupóst. Hver félagsmaður með réttindi getur bókað orlofshús í vetrarleigu einu sinni fyrir áramót og einu sinni eftir áramót. Eina sem þarf að gera er að skrá sig inn á Mínar síður með rafrænum skilríkjum. Þeir sem ekki eru með rafræn skilríki geta haft samband við skrifstofu eða fengið leiðbeiningar í gegnum tölvupóst orlof@efling.is

Félagsfólk í atvinnuleit sem greiðir félagsgjöld af atvinnuleysisbótum viðheldur rétti sínum til að leigja orlofshús enda hafi viðkomandi verið sjóðfélagi í a.m.k. 6 mánuði samfellt áður en hann varð atvinnulaus. Sama gildir um félagsfólk með fullgilda félagsaðild. Félagsfólk sem lætur af störfum vegna aldurs eða örorku á rétt á orlofhúsum samkvæmt punktaeign sinni þar til hún er uppurin eða allt til loka 6. árs eftir töku elli- eða örorkulífeyris, hvort sem kemur fyrst.