Styrkir

Heilsuefling - líkamsræktarstyrkur

• Þú getur nýtt heilsueflingarstyrk fyrir líkamsrækt, íþróttir, sund, dans og fleira.
  
  
• Þú getur líka nýtt styrkinn til að kaupa reiðhjól.
  
  
• Líkamsræktarstöðin, íþróttafélagið eða skólinn sem þú notar þarf að vera með kennitölu, fasta aðstöðu og viðurkennda kennara eða leiðbeinendur.
  
  
• Greitt er allt að 100% kostnaðar á hverjum 12 mánuðum þó að hámarki 23.000 kr.
  
  

Þegar þú sækir um þarftu að skila:

• Reikningi þar sem nafn og kennitala þín koma fram.
  
  

Ef ekki sést greiðsla á reikningi, bætir þú við staðfestingu á greiðslu (t.d. úr heimabanka eða með því að skila inn kvittun).

Athugið að styrkurinn er aðeins fyrir þig sem félaga í Eflingu, en ekki fyrir t.d. börn þín eða aðra fjölskyldumeðlimi.

Styrkur veittur vegna laser augnaðgerða, augasteinaskipta og annarra sjónlagsaðgerða án þátttöku Sjúkratrygginga Íslands.

• Styrkur er einungis veittur einu sinni fyrir hvort auga.

• Greitt er að hámarki 50.000 krónur fyrir hvort auga.

Með umsókn skal fylgja greiðslukvittun. Ef ekki kemur fram staðfesting á greiðslu á reikning þarf að skila til viðbótar staðfestingu á greiðslu, t.d. úr heimabanka eða greiðslukvittun frá útgefanda reiknings.

Styrkur vegna kaupa á heyrnartækjum. 

• Greiddar eru að hámarki 100.000 krónur á hverjum 36 mánuðum.

• Greitt er að hámarki 50% af kostnaði.

Með umsókn skal fylgja greiðslukvittun. Ef ekki kemur fram staðfesting á greiðslu á reikning þarf að skila til viðbótar staðfestingu á greiðslu, t.d. úr heimabanka eða greiðslukvittun frá útgefanda reiknings.

Hægt er að sækja um styrk vegna dvalar á Heilsustofnun NLFÍ og vegna meðferðar í Bláa lóninu. 

Greitt að hámarki 2.000 kr. á dag í allt að 42 almanaksdaga á hverjum 12 mánuðum þó að hámarki 50% af kostnaði. 

Með umsókn skal fylgja kvittun þar sem kemur fram kostnaður sjúklings og tímabil dvalar.

Styrkur vegna ættleiðingar erlendis frá.

Styrkupphæð nemur allt að kr. 200.000,-.

Til að hljóta styrk þurfa félagsmenn að uppfylla eftirfarandi:

• Að greitt hafi verið af sjóðfélaga samfellt í a.m.k. 6 síðustu mánuði.
• Umsækjandi þarf að vera í starfi og að greiða iðgjald til Eflingar þegar sótt er um styrk. Þó má sækja um í allt að þrjá mánuði eftir að félagsmaður hættir að greiða ef kvittun tekur til tímabils sem hann greiddi til Eflingar.
• Þeir sem voru félagsmenn í Eflingu í a.m.k. 5 ár samfellt áður en þeir hættu vegna aldurs eða örorku, eiga rétt á styrkjum í allt að 24 mánuði eftir starfslok.
• Styrkupphæðir miðast við félagsgjöld af lágmarkslaunum. Þeir sem eru í hlutastarfi og greiða lægra félagsgjald fá greitt miðað við hlutfall af þeirri upphæð.
• Réttur til styrkja fellur niður sé umsókn ekki skilað til sjóðsins innan 12 mánaða frá því réttur stofnast.

Skila þarf umsóknum í síðasta lagi 20. hvers mánaðar til að vera öruggur með að fá greitt mánaðamótin á eftir. Ef 20. lendir á helgi þurfa umsóknir að berast í síðasta lagi á föstudegi þar á undan. Umsóknir sem berast á milli 21. og 31. hvers mánaðar eru greiddar út í kringum 10. næsta mánaðar.

Athugið að sérstakur umsóknarfrestur er í desember.

Greitt er 80% til 100% af meðallaunum síðastliðna 6 mánuði áður en sjóðsfélagi varð launalaus vegna veikinda eða slyss, þó að ákveðnu hámarki. Greiðslutími er mismunandi eftir launagreiðendum en getur verið þrír til sex mánuðir.

Sótt er um styrkinn á Mínum síðum Eflingar. Hámarks styrkur er 10.000kr á hverju almanaksári. Með umsókn þarf að fylgja löglegur reikningur frá viðurkenndum þjónustuaðila, þar sem fram kemur kennitala umsækjanda ásamt upplýsingum um dagsetningu gistinátta. 

Athugið þó að afsláttur gildir ekki vegna orlofshúsa Eflingar eða annarra stéttarfélaga