• Laun hækka sem hér segir, nema annað leiði af launatöflum sem fylgja

samningi þessum. Mánaðarlaun starfsmanns sem gegnir fullu starfi,

skulu greidd skv. meðfylgjandi launatöflum í [fylgiskjali

XV](#_Toc449965622)II þar sem mánaðarlaun taka eftirfarandi

hlutfallshækkunum með krónutöluhækkun að lágmarki á samningstímanum.

Með mánaðarlaunum er átt við föst mánaðarlaun fyrir dagvinnu.

1.apríl 2025 3,50% eða 23.750 kr.

1.apríl 2026 3,50% eða 23.750 kr.

1.apríl 2027 3,50% eða 23.750 kr.

Persónuálag tekur eftirfarandi breytingum á samningstímanum:

Frá 1. apríl 2025 -- 1,7%

Frá 1. apríl 2026 -- 1,75%

Frá 1. apríl 2027 -- 1,8%

• Brot úr mánaðarlaunum reiknast þannig, að deilt er með 21,67 í

mánaðarlaunin og margfaldað með fjölda almanaksdaga annarra en

laugardaga og sunnudaga frá upphafi eða til loka starfstíma.

• Auk mánaðarlauna er heimilt að greiða önnur laun er starfinu fylgja

með mánaðarlegri greiðslu. Önnur laun geta verið vegna

reglubundinnar yfirvinnu og starfstengds álags sem ekki verður mælt

í tíma. Önnur laun geta m.a. komið í stað tímakaups í yfirvinnu skv.

gr. [1.4.]{.mark}

• Starfslaun

• Starfslaun byggja á þeim sérstöku kröfum sem starf gerir til

starfsmanns eins og þær eru metnar í starfsmatskerfi samningsaðila

SAMSTARFI. Miðað er við að um viðvarandi og stöðugt verksvið sé að

ræða.

• Þegar stofnað er nýtt starf skal samstarfsnefnd ákvarða röðun þess

til starfslauna til bráðabirgða. Þegar starfinu hefur verið gegnt í

6 mánuði skal það metið í starfsmatskerfi samningsaðila og því raðað

til starfslauna í samræmi við matsniðurstöðuna.

of lágt raðað í upphafi til starfslauna ber að leiðrétta það með

afturvirkum hætti. Hafi starfi hins vegar verið of hátt raðað í upphafi

þá heldur starfsmaður þeirri einstaklingsbundnu röðun en starfinu er

raðað miðað við matsniðurstöður. Of há einstaklingsbundin röðun kemur á

móti röðun skv.1.2.2.

• Starfslýsingar skulu vera til fyrir öll störf og farið er yfir þær í

árlegum starfsþróunarsamtölum starfsmanna og yfirmanna.

Í starfslýsingu eiga að koma fram upplýsingar um alla meginþætti starfs

og skilgreining á ábyrgðarsviði og skyldum, þannig að ljóst sé hvaða

kröfur eru gerðar til starfsmanns og hvaða viðfangsefnum honum er ætlað

að sinna.

• Óski stofnun eða starfsmaður eftir endurmati á starfi skal það

erindi sent starfsmatsnefnd, sbr. starfsreglur starfsmatsnefndar

([fskj.XI](#_Toc449965619))

• Starfslaun eru ákveðin samkvæmt eftirfarandi tengireglu á milli

starfsmatsstiga og launaflokka:

Tengiregla frá og með 1. apríl 2020:

Röðun starfsheita í [Fylgiskjali V](#Fylgiskjal_II)

• Einstaklingsbundin laun

• Einstaklingsbundin laun eru hvatning fyrir starfsmenn til að auka

hæfni sína í starfi í samræmi við áætlun um starfsþróun.

Einstaklingsbundin laun koma til viðbótar við starfslaun samkvæmt

starfsmati og eru viðmið þeirra þrenns konar; starfsþróun, hæfni og

árangur.

• Persónuálag vegna starfsþróunar samkvæmt starfsþróunaráætlun

stofnunar.

Gert er ráð fyrir að hver stofnun/fyrirtæki setji fram

starfsþróunaráætlun fyrir alla starfsmenn í starfsáætlun sinni í

starfsmannamálum til að tryggja eðlilega starfsþróun og símenntun

starfsmanna í samræmi við starfsmannastefnu Reykjavíkurborgar.

Starfsmaður, sem tekur virkan þátt í starfsþróunaráætlun, á rétt á

hærri launum en ella. Forsenda hækkunar þessarar er staðfest þátttaka

starfsmanns í starfsþróunaráætlun stofnunar/fyrirtækis. Þessi laun

geta breyst.

[Starfsreynsla er metin með eftirfarandi hætti:]{.underline}

Eftir 1 ár í starfi hjá Reykjavíkurborg Röðun einu þrepi ofar en ella.

Eftir 3 ár í starfi hjá Reykjavíkurborg Röðun einu þrepi ofar en ella.

Eftir 5 ár í starfi hjá Reykjavíkurborg Röðun einu þrepi ofar en ella.

Eftir 7 ár í starfi hjá Reykjavíkurborg Röðun einu þrepi ofar en ella.

Eftir 9 ár í starfi hjá Reykjavíkurborg Röðun einu þrepi ofar en ella.

Eftir 12 ár í starfi hjá Reykjavíkurborg Röðun einu þrepi ofar en ella.

Launaþrep/persónuálag, sjá grein 1.1.1., reiknast á grunnþrep

launaflokks í launatöflu. Persónuálag fyrir fag- og starfsreynslu getur

mest numið samtals samtals 6 þrepum.

Þá skal einnig metinn starfstími starfsmanns á föstu mánaðarkaupi í

sambærilegu starfi enda liggi staðfesting fyrri vinnuveitanda fyrir.

Starfsmaður fær starfstíma hjá öðrum vinnuveitanda metinn frá og með

næstu mánaðarmótum eftir að hann hefur lagt fram staðfest gögn um

starfstíma sinn.

Hafi starfsmaður fengið persónuálag vegna virkrar þátttöku í

starfsþróunaráætlun stofnunar en sinnir ekki lengur þeirri skyldu án

lögmætra forfalla missir hann það persónuálag er hann hefur fengið.

Áður en til þess getur komið ber yfirmanni að greina starfsmanni frá

að hann muni missa þennan rétt ef hann bæti ekki virkni sína skv.

starfsþróunaráætlun og ber að útskýra fyrir starfsmanni hvernig hann

getur bætt sig. Starfsmaður getur óskað eftir að trúnaðarmaður sé

viðstaddur slíkt samtal. Sviði er heimilt að útfæra

starfsþróunaráætlun í samræmi við [Fylgiskjal IV]{.mark} um

fagviðurkenningu og styttra starfsnám á framhaldsskólastigi.

• Persónuálag vegna viðbótarmenntunar

Menntun starfsmanns sem nýtist í starfi og er umfram grunnkröfur

starfs skal metin til persónuálags þannig að:

- Fyrir starfstengt nám eða námskeið sem sérsniðið er að þörfum

Reykjavíkurborgar komi að hámarki 1 þrep. Skilyrði þess er að námið

sé kennt af fræðsluaðilum, sem hlotið hafa viðurkenningu samkvæmt

lögum um framhaldsfræðslu nr. 27/2010 og lögum um framhaldsskóla nr.

92/2008.

- Fyrir formlegt nám á framhaldsskólastigi komi að hámarki 1 þrep.

- Fyrir hverjar 60 ECTS einingar í háskólanámi á fagsviði komi 1 þrep.

Launaþrep/persónuálag, sjá grein 1.1.1, skv. ofangreindu reiknast á

grunnþrep launaflokks í launatöflu, sjá launatöflur í fylgiskjali.

Persónuálag skv. þessari grein er að hámarki 3 þrep.

Starfsmaður fær menntun sína metna frá og með næstu mánaðamótum eftir

að hann hefur lagt fram fullnægjandi gögn um námið. Við mat á námi eru

einingar aldrei tvítaldar.

Nefnd sem skipuð skal einum fulltrúa frá hvorum samningsaðila hafi

umsjón og úrskurðarvald um mat á námskeiðum og öðru námi sem til álita

kemur að fella undir þessa grein. Hún skal miða við nám sem má telja að

nýtist starfsmönnum í starfi.

*Skýring: Grein 1.2.2.3. á við um menntun sem starfsmaður hefur umfram

þær menntunarkröfur sem gerðar eru í starfi. Starfsmaður í starfi sem

krefst háskólamenntunar ávinnur sér ekki persónuálag skv. gr.

1.2.2.3.*

• Launaflokkar vegna hæfni. Hæfni starfsmanns skal metin út frá

tveimur hæfnisþáttum, starfsmetnaði og sveigjanleika. Með

starfsmetnaði er vísað til þess hvernig starfsmaður rækir starf sitt

og með sveigjanleika er vísað til aðlögunarhæfni starfsmanns. Hvor

þáttur um sig getur að hámarki hækkað laun starfsmanns um tvo

launaflokka. Hæfnislaun geta mest orðið fjórir launaflokkar. Sjá

[fylgiskjal VI](#_Toc449965611) með kjarasamningi þessum.

Sviðsstjóri ber ábyrgð á framkvæmdinni á sínu sviði. Hæfnislaun byggja á

því að starfsmaður teljist búa yfir meiri hæfni en starfið gerir kröfur

um að mati sviðsstjóra.

• Launaflokkar vegna frammistöðu/árangurs byggjast á árangri

starfsmanns eða hóps starfsmanna við að ná tilteknum markmiðum

deildar eða stofnunar/fyrirtækis skv. starfsáætlun. Árangur skal

metinn eftir fyrirfram ákveðnum reglum sem samstarfsnefnd setur.

Stofnun/fyrirtæki sem ætlar að taka upp árangurslaun verður að

skilgreina markmið og árangursmælikvarða í starfsáætlun. Með

markmiðum er átt við t.d. lækkun kostnaðar, bætta þjónustu eða bætta

verkferla. Mælikvarðar stofnunar/fyrirtækis skulu vera skýrir og

raunhæfir miðað við áætlaða starfsemi. Starfsmenn skal upplýsa

fyrirfram um hver séu markmið og mælikvarðar og með hvaða hætti þeim

verði umbunað fyrir að ná tilteknum árangri. Ákvörðun um

árangursbundin laun getur tekið til stofnunar/fyrirtækis í heild eða

að hluta. Árangurslaun skulu vera í formi eingreiðslu til

starfsmanns/starfsmannahóps í lok mælingartímabils og byggjast á að

settum markmiðum hafi verið náð. Sviðsstjóri metur hvort markmiðum

hafi verið náð og ber ábyrgð á framkvæmd.

• Tímakaup í dagvinnu er 0,632% af mánaðarkaupi í hverjum launaflokki

og þrepi.

• Heimilt er að greiða tímavinnukaup í eftirfarandi tilvikum:

Nemendum við sumarstörf og í námshléum.

Lífeyrisþegum sem vinna hluta úr starfi

Starfsmönnum sem ráðnir eru til skamms tíma vegna sérstakra árvissra

álagstíma ýmissa borgarstofnana eða afleysingastarfa, þó eigi lengur

en 2 mánuði.

Starfsmönnum, sem ráðnir eru til að vinna að afmörkuðum verkefnum

s.s. átaksverkefnum.

Starfsmönnum, sem starfa óreglubundið um lengri eða skemmri tíma

Starfsmönnum sem ráðnir eru í minna en 20% starf, 7,9 klst. eða

minna að jafnaði á viku.

Þegar unnið er utan dagvinnumarka, á almennum frídögum og sérstökum

frídögum skal greitt yfirvinnukaup en á stórhátíðum er greitt

stórhátíðarkaup. Hafi verið samið við starfsmann um að gegna

reglubundinni vinnuskyldu alla virka daga nýtur hann leyfis á sérstökum

frídögum og stórhátíðardögum sem ber upp á virkan dag án skerðingar á

reglubundnum launum.

Sjá ennfremur gr. 1.6.4 og 4.2.4

• Yfirvinna er greidd með tímakaupi, sem skiptist í yfirvinnu 1 og

yfirvinnu 2. Tímakaup yfirvinnu 1 er 0,9385% af mánaðarlaunum í

hverjum launaflokki og þrepi en tímakaup yfirvinnu 2 er 1,0385% af

mánaðarlaunum í hverjum launaflokki og þrepi.

Greiðsla fyrir yfirvinnu skal vera með eftirtöldum hætti:

Yfirvinna 1 Kl. 08.00 - 17.00 mánudaga -- föstudaga.

Yfirvinna 2 Kl. 17.00 - 08.00 mánudaga -- föstudaga.

Yfirvinna 2 Kl. 00.00 - 24.00 laugardaga, sunnudaga og sérstaka

frídaga.

Tímakaup yfirvinnu 2 greiðist jafnframt fyrir vinnu umfram 38,92

stundir á viku (168,63 stundir miðað við meðalmánuð).

• Öll vinna sem unnin er á stórhátíðardögum, greiðist með tímakaupi

sem nemur 1,375% af launaflokki og launaþrepi starfsmanns miðað við

starfslaun að viðbættum einstaklingsbundnum launum.

• Vaktaálag reiknast af dagvinnukaupi sbr. gr.1.3.1 Vaktaálag skal

vera:

33,33% kl. 17:00 - 24:00 mánudaga -- fimmtudaga

55,00% kl. 17:00 - 24:00 föstudaga

65,00% kl. 00:00 - 08:00 þriðjudaga -- föstudaga

55,00% kl. 08:00 - 24:00 laugardaga, sunnudaga og sérstaka frídaga

75,00% kl. 00:00 - 08:00 laugardaga, sunnudaga, mánudaga og sérstaka

frídaga

120,00% kl. 00:00 - 24:00 stórhátíðardaga sbr. 2.1.4.3, þó þannig að frá

kl. 16:00 - 24:00 á aðfangadag og gamlársdag og kl. 00:00 -- 08:00 á

jóladag og nýársdag er 165,00% álag.

Brot úr klst. greiðist hlutfallslega.

• Greiðsla fyrir bakvaktir skal reiknast af dagvinnukaupi sbr. gr.

1.3.1 með eftirtöldum hætti:

33,33% kl. 17:00 - 24:00 mánudaga - fimmtudaga

45,00% kl. 17:00 - 24:00 föstudaga

45,00% kl. 00:00 - 08:00 mánudaga

33,33% kl. 00:00 - 08:00 þriðjudaga - föstudaga

45,00% kl. 00:00 - 24:00 laugard., sunnud. og sérstaka frídaga

120,00% kl. 00:00 - 24:00 stórhátíðardaga sbr. gr. 2.1.4.3, þó þannig að

frá kl. 16:00 - 24:00 á aðfangadag og gamlársdag og kl. 00:00 -- 08:00 á

jóladag og nýársdag er 165,00% álag.

Brot úr klst. greiðist hlutfallslega. Um greiðslur fyrir útköll á

bakvakt gilda ákvæði gr. 2.3.2.1 og 2.3.2.2.

• Greitt skal fyrir eyður í vinnutíma með vaktaálagi skv. gr. 1.5.1

• Greitt skal fyrir eyður og bakvakt á dagvinnutímabili með 33,33%

vaktaálagi.

Samkvæmt 2.1.3 skal vinnutími vera samfelldur eftir því sem við verður

komið.

• Starfsmaður sem er við störf í fyrstu viku nóvember skal fá greidda

desemberuppbót 1. desember ár hvert miðað við fullt starf

tímabilið 1. janúar til 31. október. Desemberuppbót er föst

krónutala og tekur ekki hækkunum skv. öðrum ákvæðum

kjarasamningsins. Á desemberuppbót reiknast ekki orlofsfé. Hafi

starfsmaðurinn gegnt hlutastarfi eða unnið hluta úr ári skal hann fá

greitt miðað við starfshlutfall á framangreindu tímabili.

• Á sama hátt skal einnig starfsmaður sem látið hefur af starfi en

starfað hefur samfellt a.m.k. 3 mánuði (13 vikur) á árinu fá greidda

desemberuppbót miðað við starfstíma og starfshlutfall. Sama gildir

þótt starfsmaður sé frá störfum vegna veikinda eftir að

greiðsluskyldu lýkur eða í allt að 6 mánuði vegna fæðingarorlofs.

Áunnin desemberuppbót skal gerð upp samhliða starfslokum.

• Persónuuppbót (desemberuppbót) á samningstímanum verður sem hér

segir:

Á árinu 2024 119.000 kr.

Á árinu 2025 123.000 kr.

Á árinu 2026 127.000 kr.

Á árinu 2027 132.000 kr.

• Þeir tímavinnumenn sem vinna reglubundna vinnu njóta ávinnsluréttar

skv. 1.6.1.

Tímavinnumaður fær fulla desemberuppbót ef hann vinnur 1504

vinnuskyldustundir á ofangreindu tímabili en ella hlutfallslega.

• Tímamæld ákvæðisvinna við ræstingar

• Ákvæðislaun eru greidd fyrir áætlaðan tímafjölda þar sem vinnutaktur

er ákveðinn 130 stig (hámark) enda afköst ákvörðuð samkvæmt

viðurkenndum grunnreglum um vinnu- og tímarannsóknir, sbr.

rammasamning um vinnu við ræstingar ([Fylgiskal

VII](#_Toc449965615)).

• Starfsfólki skal afhent skrifleg verklýsing ásamt

ræstingartíðniteikningu sem afmarkar skýrt það sem þrífa á og með

hvaða áherslum. Tekið skal fram á hvaða tíma dags svæðið skal ræst

og hve oft.

• Laun

Fyrir staðinn tíma í ákvæðisvinnu greiðist tímakaup samkvæmt niðurstöðu

starfsmats að viðbættum einstaklingsbundnum launum. Miðað er við mat á

starfi ræstitæknis sem nú er metið til 276 stiga í starfsmati. Þá

greiðist 12% álag vegna ákvæðisvinnu í vinnutakti 130 sbr. gr. 1.7.4.1.

Auk þess 8% álag vegna neysluhlés enda tekur starfsmaður ekki neysluhlé

á vinnutíma. Samtals 20% álag. Með stöðnum tíma er átt við að tímalaun

miðast við virkan vinnutíma starfsmanns og tekur hann því ekki neysluhlé

á vinnutíma.

• Álag eftir kl. 17:00 virka daga og um helgar

Álag greiðist á vinnu sem fellur utan dagvinnutímabils:

33,33% álag á tímabilinu kl. 17:00 - kl. 24:00 mánudaga til fimmtudaga

55% álag á tímabilinu kl. 17:00 -- kl. 24:00 föstudaga

55% álag á tímabilinu kl. 00:00 - kl. 08:00 alla daga svo og laugardaga

og sunnudaga.

• Yfirvinnuálag

Fyrir vinnu umfram 40 stundir á viku skal greiða yfirvinnu sbr. gr.

• Álag á helgidögum

Vinna á skírdag, annan í páskum, sumardaginn fyrsta, 1. maí,

uppstigningardag, annan í hvítasunnu, fyrsta mánudag í ágúst og annan

jóladag greiðist með yfirvinnu sbr. gr. **Villa! Uppruni tilvísunar

finnst ekki.**.

• Álag á stórhátíðardögum

Vinna á nýársdag, föstudaginn langa, páskadag, hvítasunnudag, 17. júní,

aðfangadag eftir kl. 12:00, jóladag og gamlársdag eftir kl. 12:00

greiðist með stórhátíðarkaupi sbr. gr. 1.4.2.

• Hreingerningar

Tímakaup við hreingerningar/aðalræsting greiðist með 55% álagi á

dagvinnutímakaup skv. gr. 1.7.1.3.

• Lágmarksgreiðsla

Starfsmenn í tímamældri ákvæðisvinnu skulu eiga kost á tveggja tíma

vinnu með samsetningu ræstingasvæða.

• Verklýsingar

• Verklýsing

Í skriflegri verklýsingu skal afmarka skýrt á teikningu þau

ræstingasvæði, það sem þrífa á og með hvaða áherslum. Tekið skal

fram í verklýsingu á hvaða tíma dags svæðið skal ræst og hve oft.

• Aðgengi verklýsinga

Verklýsing skal vera til staðar á vinnustað og vera aðgengileg

starfsfólki. Verklýsingu skal endurskoða strax ef varanleg breyting

verður á ræstingarsvæði eða ræstingarkröfu. Verkalýðsfélag skal hafa

aðgang að verklýsingu ef það óskar. Áður en vinna hefst, skal

starfsfólki kynnt vel vinnusvæðið og starfsaðstaða og farið yfir

verklýsingar.

• Tímavinna

• Öll regluleg ræsting í tímavinnu greiðist skv. tímamældum

ákvæðisvinnutaxta, þrátt fyrir að mæling hafi ekki enn farið fram.

• Ræstingarmaður í tímavinnu skal eiga rétt á 3 klst. vinnu með

samsetningu ræstingarsvæða innan sömu byggingar eða fleiri þar sem

þess er kostur.

• Mánaðarkaup

• Ræstingarstörf sem unnin eru á tímabilinu kl. 08:00-17:00 frá

mánudegi til föstudags í hálfu starfi eða meira má greiða sem

mánaðarkaup, enda verða þau skv. eðli sínu ekki unnin í ákvæðisvinnu

• Ræsting í tímavinnu/mánaðarkaupi er þegar unnið er eftir starfs- eða

verklýsingu á umsömdum vinnutíma og ekki er gerð krafa um aukin

afköst líkt og í tímamældri ákvæðisvinnu. Ef ekki er mögulegt að

ljúka verki skv. starfs- eða verklýsingu innan umsamins vinnutíma,

m.v. eðlilegan vinnutakt, er starfsmanni ekki skylt að ljúka

verkinu. Ef yfirmaður gerir hins vegar kröfu um að verki verði lokið

innan umsamins vinnutíma, en ljóst er að það verður ekki gert nema á

auknum vinnutakti eins og um tímamælda ákvæðisvinnu sé að ræða, ber

að greiða fyrir vinnu skv. ákvæðum gr. 1.7.1.3.

```{=html}

• Vinnuvika starfsmanns í fullu starfi er 36 virkar vinnustundir.

• Heimilt er að haga vinnu með öðrum hætti en í kafla þessum greinir

með samkomulagi starfsmanna og forráðamanna stofnunar og með

skriflegu samþykki samningsaðila. Sömuleiðis er samningsaðilum

heimilt að semja um rýmkun dagvinnutíma á virkum dögum og um ákveðið

frjálsræði um hvenær vinnuskyldu skuli gegnt, umfram þau tímamörk

sem um getur í gr. 2.2.1 og um tilflutning vinnuskyldu milli vikna

og árstíða.

• Vinnutími starfsmanna skal vera samfelldur eftir því sem við verður

komið, sbr. þó 2.1.2.

• Frídagar

• Almennir frídagar eru laugardagar og sunnudagar.

• Sérstakir frídagar eru:

• Nýársdagur 10. Hvítasunnudagur

• Skírdagur 11. Annar í hvítasunnu

• Föstudagurinn langi 12. 17. júní

• Laugardagur fyrir páska 13. Frídagur verslunarmanna

• Páskadagur 14. Aðfangadagur jóla eftir kl. 12:00

• Annar í páskum 15. Jóladagur

• Sumardagurinn fyrsti 16. Annar í jólum

• 1. maí 17. Gamlársdagur eftir kl. 12:00

• Uppstigningardagur

• Stórhátíðardagar eru:

• Nýársdagur 5. 17. júní

• Föstudagurinn langi 6 Aðfangadagur jóla eftir kl. 12:00

• Páskadagur 7. Jóladagur

• Hvítasunnudagur 8. Gamlársdagur eftir kl. 12:00

Þeir starfsmenn sem höfðu 1. maí sem stórhátíðardag fyrir 1. mars 2001,

skulu halda honum á meðan ráðning helst samfelld.

• Hugtök og skilgreiningar

• Dagvinnumenn teljast þeir sem inna vinnuskyldu sína af hendi innan

marka dagvinnu, sbr. 2.2.1. Dagvinnumenn geta tekið að sér yfirvinnu

skv. 2.3 eða verið á bakvöktum skv. 2.4.

• Þeir starfsmenn sem vinna reglubundna vinnu sem að hluta eða öllu

leyti fellur utan dagvinnutímabils skv. 2.2.1 og 2.2.3 skulu fá

greitt álag á þær vinnustundir skv. 1.5.1.

Slík störf eru m.a. á bókasöfnum og leikskólum sem hafa opnunartíma utan

dagvinnumarka.

• Vaktavinnumenn teljast þeir sem hafa vinnuskyldu sem skipt er niður

samkvæmt fyrir fram ákveðnu fyrirkomulagi þar sem starfsmaður vinnur

á mismunandi vöktum á tilteknu tímabili sem mælt er í dögum eða

vikum, þannig að vikulegir frídagar þess flytjast til, jafnvel þótt

daglegur vinnutími þess sé alltaf hinn sami. Fer um vinnutíma þeirra

samkvæmt 2.5.

Ofangreind skilgreining kemur í stað skilgreiningar um sama efni í

vinnutímasamningi heildarsamtakanna frá 1997.

• Dagvinna skal unnin á tímabilinu kl. 08:00 -- 17:00 frá mánudegi til

föstudags.

• Forstöðumanni stofnunar er heimilt að verða við óskum einstakra

starfsmanna um sveigjanlegan vinnutíma á tímabilinu kl. 07:00 --

18:00 á virkum dögum. Leita skal samþykkis samningsaðila þegar

slíkar heimildir eru veittar.

• Starfsmaður sem vinnur hluta af vikulegri vinnuskyldu sinni utan

dagvinnutímabils skv. gr. 2.2.1, skal fá greitt álag skv. gr. 1.5.1

á þann hluta starfs síns. Vinna á laugardögum og sunnudögum svo og á

sérstökum frídögum umfram vinnuskyldu skal greidd skv. grein 1.4.

Hafi verið samið um rýmkun á dagvinnutímabili, skv. 2. setningu gr.

2.1.2 að ósk starfsmanna, greiðist ekki álag utan þeirra tímamarka

sem greinir í gr. 2.2.1.

Almennt gildir að þegar vinna starfsmanna er skipulögð þannig að hluti

vinnuskyldu er inntur af hendi utan dagvinnumarka, þá skal greitt álag

skv.1.5.1

Í þeim tilvikum að samkomulag sé gert við starfsmenn að þeirra ósk um að

þeir. vinni hluta vinnuskyldu utan dagvinnumarka þá skal ekki greitt

álag á þær vinnustundir sem falla utan dagvinnumarka.

• Sérákvæði um vinnutíma

• Vinnutími starfsfólks hverfa- og verkbækstöðva er almennt miðaður

við frá kl. 7:30 til 15:25 mánudaga til föstudaga og hefur þá verið

tekið tillit til styttingar viðverutíma vegna niðurfellingar

kaffitíma. Áfram skal þó heimilt að neyta kaffis á vinnustað, enda

stöðvist vinna ekki á meðan.

• Undirbúningstími starfsmanna með deildarumsjón í leikskólum eru 8

klukkustundir á viku miðað við fullt starf, sbr. bókun nr. 6.

Þegar öðrum starfsmönnum í leikskólum eru falin verkefni sem

krefjast undirbúnings skulu þeir starfsmenn fá 1 til 2 tíma, sbr.

bókun nr. 6.

• Um vinnutíma á stofnunum sem ekki hafa fulla starfsemi allt árið

• Starfsmenn sem ráðnir eru að grunnskólum, leikskólum og

frístundaheimilum sem ekki hafa fulla starfsemi allt árið, skulu

hafa 36 klst. vikulega vinnuskyldu til jafnaðar yfir árið, sé um

fullt starf að ræða, en annars hlutfallslega. Vikuleg vinnuskylda

miðað við fullt starf skal þó aldrei vera umfram 39 klst. Yfirmaður

skipuleggur í upphafi hvers skólaárs í samráði við starfsmenn á

hvern hátt vinnuframlagi er skilað milli tímabila og gera um það

sérstaka vinnutímaáætlun. Miða skal skipulag vinnutíma við það, að

starfsmaður skili öllum vinnutíma á starfsstað.

• Yfirvinna telst sú vinna, sem fram fer utan tilskilins daglegs

vinnutíma eða vinnuvöku starfsmanns, svo og vinna, sem innt er af

hendi umfram vikulega vinnutímaskyldu, þótt á dagvinnutímabili sé.

Annist starfsmaður innkaup aðfanga fyrir mötuneyti og sér um móttöku og

frágang þeirra utan umsamins dagvinnutíma, skal greitt fyrir það með

yfirvinnutímakaupi.

• Öll vinna, sem unnin er á frídögum skv. 2.1.4.2 og 2.1.4.3 greiðist

sem yfirvinna samkvæmt gr. **Villa! Uppruni tilvísunar finnst

ekki. . og 1.4.2. nema vinnan falli undir ákvæði Villa! Uppruni

tilvísunar finnst ekki.** um vetrarfrí vaktavinnumanna.

• Þegar starfsmaður er kallaður til vinnu sem ekki er í beinu

framhaldi af daglegri vinnu hans, skal greitt yfirvinnukaup fyrir að

minnsta kosti 3 klst, nema reglulegur vinnutími hans hefjist innan

þriggja klukkustunda frá því að hann fór til vinnu, en þá greiðist

yfirvinna frá upphafi útkalls fram til þess að reglulegur vinnutími

hefst. Ljúki útkalli áður en 3 klst. eru liðnar frá lokum hinnar

daglegu vinnu, skal greiða yfirvinnu fyrir tímann frá lokum hinnar

daglegu vinnu til loka útkallsins.

• Ef útkall hefst á tímabilinu kl. 00:00 - 08:00 frá mánudegi til

föstudags, kl. 17:00 -- 24:00 á föstudegi eða á almennum eða

sérstökum frídögum skv. gr. 2.1.4.1 og gr. 2.1.4.2, skal greitt

yfirvinnukaup fyrir að minnsta kosti 4 klst. nema reglulegur

vinnutími hefjist innan 3 og 1/2 klst. frá því að útkall hófst en í

þeim tilvikum skal greiða 1/2 klst. til viðbótar við unninn tíma.

• Ef útkall sem raskar ró starfsmanns á tímabilinu frá kl. 00:00 til

06:00 er afturkallað, skal greiða starfsmanni yfirvinnukaup fyrir

eina klukkustund.

• Starfsmannafundir eru undanþegnir reglu um greiðslu fyrir útkall

skv. gr. 2.3.2.1, enda skal yfirmaður skipuleggja starfsmannafundi

að minnsta kosti 3 mánuði fram í tímann, að öðrum kosti fer eftir

gr. 2.3.2.1. Greiða skal yfirvinnu fyrir hvern fund, sem haldinn er

utan dagvinnumarka, að lágmarki 2 klst. en ella þann tíma sem

fundurinn stendur. Heimilt er að bæta þessum tíma við hjá

hlutastarfsmönnum til uppfyllingar vinnuskyldu.

• Hafi starfsmaður skv. lögum eða samningi skemmri vikulega

vinnuskyldu en gert er ráð fyrir í gr. **Villa! Uppruni tilvísunar

finnst ekki.** skal vinna umfram hana greidd sem hér segir:

• Óreglubundin vinna umfram hina skertu vinnuskyldu eða samfelld vinna

skemur en einn mánuð, greiðist með því kaupi, sem greitt er fyrir

yfirvinnu.

• Reglubundin vinna dagvinnumanna innan dagvinnumarka, í einn mánuð

eða lengur, allt að vinnuskyldu miðað við fullt starf, greiðist sem

reiknað hlutfall af mánaðarlaunum enda hafi starfsmanni verið kynnt

það áður en sú vinna hófst. Það sama gildir um reglubundna vinnu

vaktavinnumanna, að uppfylltum sömu skilyrðum, óháð því hvenær

sólarhrings sú vinna fer fram.

Því er beint til stofnana að setja sér nánari reglur varðandi

yfirvinnu og hvenær sé rétt að ræða endurskoðun á starfshlutfalli enda

sé yfirvinna reglubundin eða fyrirséð.

• Öll yfirvinna skal greidd eftirá í einu lagi fyrir hvern mánuð eða

hverja þrjátíu daga. Sama gildir um greiðslu fyrir yfirvinnu á

veikindatímabili samkvæmt reglum um yfirvinnugreiðslur í veikindum.

• Sé yfirvinna fjarri föstum vinnustað ekki greidd skv. tímareikningi,

skal semja um þá greiðslu fyrirfram við viðkomandi starfsmann.

• Þegar starfsmaður annast skjólstæðinga á ferðalögum, skal hver

vinnudagur reiknaður allt að 12 klst. Að auki ber að greiða 4 klst.

vegna eftirlitsstarfa með skjólstæðingum vegna næturgistingar á

ferðastað. Ef starfsmaður er einn á ferð með skjólstæðingi og annast

hann einn skal greitt fyrir þá sólarhringa alla. Ef starfsmaður fer

í ferðalag (með skjólstæðingi) að beiðni yfirmanns á frídegi sínum

skal hann bættur með öðrum frídegi eða greiðslu yfirvinnu.

• Heimilt er starfsmanni, með samkomulagi við vinnuveitanda, að safna

frídögum vegna yfirvinnu á þann hátt að yfirvinnutímar komi til

uppsöfnunar og frítöku á dagvinnutímabili en yfirvinnuálagið er

greitt við næstu reglulegu útborgun. Samkomulag skal vera um töku

frísins og það skipulagt þannig að sem minnst röskun verði á

starfsemi stofnunar. Frí samkvæmt framansögðu, vegna undanfarandi

almanaksárs, sem ekki hefur verið nýtt fyrir 15. apríl ár hvert, eða

við starfslok, skal greitt út á dagvinnutaxta viðkomandi starfsmanns

við næstu reglulegu útborgun.

• Þegar starfsmaður fer utan að frumkvæði vinnuveitenda og á vegum

hans skulu greiðslur vegna slíks óhagræðis vera með eftirfarandi

hætti:

• Sé brottför flugs á virkum degi fyrir kl. 10:00 og/eða heimkoma

eftir kl. 15:00 skal starfsmaður fá greiðslu sem nemur þremur

álagsstundum á 33,33% álagi fyrir hvort tilvik.

• Á almennum og sérstökum frídögum skal samsvarandi greiðsla nema sex

álagsstundum á 33,33% álagi.

• Heimilt er að semja um frítíma í stað greiðslu ferðatíma sbr. grein

• Með bakvakt er átt við að starfsmaður sé ekki við störf en

reiðubúinn til að sinna útkalli. Það telst ekki bakvakt ef

starfsmaður dvelst á vinnustað að beiðni yfirmanns. Um greiðslu

fyrir bakvakt sjá gr. 1.5.2.

• Starfsmaður á rétt á fríi í stað greiðslu álags fyrir bakvakt, 20

mínútna frí jafngildir 33,33% vaktaálagi, 27 mínútna frí jafngildir

45% vaktaálagi, 72 mínútna frí jafngildir 120% vaktaálagi og 99

mínútna frí jafngildir 165% vaktaálagi.

• Bakvaktargreiðsla fellur niður þann tíma sem yfirvinnukaup er

greitt.

• Fyrir reglubundna bakvakt, skal veita frí sem svarar mest 80 klst.

fyrir 1200 klst. á bakvakt. Frí þetta skal veita hlutfallslega miðað

við starfshlutfall og starfstíma. Bakvaktafrí er að hámarki 80

stundir vegna ákvæðis 2.5.4 þótt bakvaktastundir séu fleiri en 1200.

Leitast skal við að taka bakvaktafrí samhliða ávinnslu og svo fljótt

sem unnt er.

Ákvæði til bráðabirgða: Þeir starfsmenn sem fyrir gildistöku

samnings 1. apríl 1997, höfðu lengri frí, allt að 96

vinnuskyldustundum fyrir hverjar 1440 klst. skulu halda því á meðan á

samfelldri ráðningu þeirra stendur.

• Unnar stundir á bakvöktum skulu ekki dregnar frá þegar

bakvaktarstundir á ári eru taldar, sbr. gr. 2.4.4.

• Leyfi skv. gr. 2.4.4 má veita hvenær árs sem er en hvorki er heimilt

að flytja það milli ára né bæta því við sumarleyfi. Heimilt er að

semja við starfsmann um greiðslu í stað fría samkvæmt grein 2.4.4.

Greiðsla þessi miðast við tímakaup í dagvinnu samkvæmt grein 1.3.1.

• Heimilt er samningsaðilum að semja um annað fyrirkomulag greiðslu

fyrir bakvaktir en að framan greinir. T.d. er heimilt að semja um

ákveðinn fjölda klukkustunda fyrir bakvakt án tillits til

tímalengdar. Ef samið er um aðrar bakvaktagreiðslur en um getur í

grein 2.4.1 skal, að teknu tilliti til útkallatíðni og lengdar

útkalla á tilteknu viðmiðunartímabili, semja um að bakvaktagreiðslur

falli ekki niður í útköllum, að hluta til eða öllu leyti.

• Ákvörðun um að taka upp bakvaktir og slíta þeim skal tekin og

tilkynnt starfsmönnum með minnst tveggja vikna fyrirvara.

• Þeir sem vinna á reglubundnum vöktum, skulu fá álag fyrir unnin

störf á þeim tíma sem fellur utan venjulegs dagvinnutímabils skv.

gr. 2.2.1.

Sjá skilgreiningu á vaktavinnumanni í gr. 2.1.5.3

• Þar sem unnið er á reglubundnum vöktum skal leggja fram drög að

vaktskrá, sem sýnir væntanlegan vinnutíma hvers starfsmanns, sex

vikum áður en hún tekur gildi. Endanleg vaktskrá skal lögð fram

mánuði áður en fyrsta vakt samkvæmt skránni hefst, nema samkomulag

sé við starfsmenn um skemmri frest.

Krefjist starfsemi stofnunar breytingar á vaktskrá skal hún gerð með

samþykki starfsmanns. Ef vaktskrá er breytt með skemmri fyrirvara en

24 klst. skal viðkomandi starfsmanni greitt breytingargjald sem

nemur 2% af mánaðarlaunum í hverjum launaflokki og þrepi. Sé

fyrirvarinn 24--168 klst. (ein vika) skal greiða breytingargjald sem

nemur 1,3% af mánaðarlaunum í hverjum launaflokki og þrepi. Hér er

eingöngu átt við breytingu á skipulagðri vakt en ekki aukavakt.

Taki starfsmaður vakt umfram vinnuskyldu, með minna en 24. klst.

fyrirvara á tímabilinu kl. 17:00-24:00 á föstudögum, kl. 24:00-08:00

mánudaga til föstudaga, kl. 00:00-24:00 laugardaga, sunnudaga og

sérstaka frídaga, sbr. gr. 2.1.4.2 miðað við 8 klst. vakt, skal

greiða breytingargjald sem nemur 1,3% af mánaðarlaunum í hverjum

launaflokki og þrepi og hlutfallslega fyrir lengri eða styttri

vaktir.

• Við samningu vaktskrár skal þess gætt, að helgidagavinna skiptist

sem jafnast á starfsmenn.

• Að jafnaði skulu vaktir vera á bilinu 4 -- 10 klst. Heimilt er að

semja um aðra tímalengd vakta sbr. grein 2.1.2.

Minnst skulu líða 8 klst. á milli vakta, sbr. gr. 2.6.3.1. um

hvíldartíma.

• Þar sem nauðsyn er á samvistartíma við vaktaskipti, skal fella hann

inn í hinn reglulega vinnutíma.

• Þeir sem vinna vaktavinnu, skulu í viku hverri fá 2 samfellda

frídaga þannig að næturfrí komi fyrir og eftir frídagana. Heimilt er

starfsmönnum að semja um að frídagarnir séu veittir hvor í sínu lagi

þó þannig að næturfrí komi jafnan fyrir og eftir frídagana eða eigi

skemmri tími en 36 klst. samfellt fyrir hvorn dag. Heimilt er í

samráði við starfsmann og stéttarfélagið að flytja frídaga milli

vikna.

Hér er eingöngu átt við skipulagðar vaktir innan vinnuskyldu starfsmanns

en ekki aukavaktir.

• Árleg vinnuskylda vaktavinnufólks sem vinnur á reglubundnum vöktum

skal að jafnaði vera sú sama og hjá dagvinnufólki. Vinnuskylda

vaktavinnufólks lækkar því um 7,2 vinnuskyldustundir miðað við fullt

starf vegna sérstakra frídaga og stórhátíðardaga, skv. gr. 2.1.4.2,

sem falla á mánudag til föstudags að undanskildum aðfangadegi og

gamlársdegi sem skal vera 3,6 klukkustundir fyrir hvorn dag miðað

við fullt starf. Að jafnaði skal taka út lækkun á vinnuskilum vegna

sérstakra frídaga innan tímabils vaktskrár. Óski starfsmaður eftir

því að safna upp vinnuskilum vegna sérstakra frídaga og

stórhátíðardaga skal hann tilkynna sínum yfirmanni um það fyrir

framlagningu vaktskrár þegar ávinnsla á sér stað. Yfirmanni er skylt

að verða við óskum starfsmanns enda verði því viðkomið vegna

starfsemi stofnunar. Í þeim tilvikum þar sem vinnuskil vegna

sérstakra frídaga og stórhátíðardaga flytjast á milli mánaða skal

halda utan um það og starfsfólk upplýst reglulega. Vinna sem fellur

á sérstaka frídaga og stórhátíðardaga skal auk þess launa með álagi

skv. gr. 1.5.1.

Með reglubundnum vöktum er átt við vaktir sem skipulagðar eru alla

daga að meðtöldum sérstökum frídögum og stórhátíðardögum. Í þeim

tilvikum þar sem stofnun er lokuð á sérstökum frídegi eða

stórhátíðardegi fær starfsmaður sem á vakt þann dag skv. skipulagðri

vaktskrá frí sem vaktinni nemur í stað lækkunar vinnuskyldu og að

teknu tilliti til lengdar vaktar.

• Vægi vinnuskyldustunda vaktavinnufólks

Vinnuskyldustundir vaktavinnufólks utan dagvinnumarka skv.

skipulagðri vaktskrá og innan vinnutímaskyldu hafa ólíkt vægi við

útreikning vinnuskila. Vinnuskyldustundir sem greiddar eru með

33,33% og 55% vaktaálagi skv. gr. 1.5.1 hafa vægið 1,05 þannig að

fyrir hverjar 60 mínútur reiknast 63 mínútur. Vinnustundir sem

greiddar eru með 65% og 75% vaktaálagi skv. gr. 1.5.1 hafa vægið 1,2

þannig að fyrir hverjar 60 mínútur reiknast 72 mínútur. Þrátt fyrir

framangreint skulu vinnuskil starfsmanns í fullu starfi aldrei fara

undir 32 vinnustundir á viku að jafnaði (að meðaltali á

launatímabili) og hlutfallslega miðað við starfstíma og

starfshlutfall.

Vinnuskyldustundir sem greiddar eru með 120% vaktaálagi skv. gr.

1.6.1 hafa vægið 1,05 á tímabilinu 08:00-24:00 og vægið 1,2 á

tímabilinu 00:00-08:00. Vinnuskyldustundir sem greiddar eru með 165%

vaktaálagi hafa vægið 1,20.

• Vaktahvati

Starfsfólk sem vinnur vaktavinnu og uppfyllir skilyrði greinarinnar

fær greiddan vaktahvata með eftirfarandi hætti. Vaktahvati greiðist

sem hlutfall greiddra mánaðarlauna vegna fjölbreytileika og fjölda

vakta á þremur síðustu uppgjörstímabilum samkvæmt skipulögðum vöktum

innan vinnutímaskyldu. Lágmarksfjöldi vinnuskyldustunda á því

tímabili utan dagvinnumarka (á 33,33%, 55%, 65% og 75% álagi) eru

126 vinnuskyldustundir. Vaktir eru flokkaðar í fjórar tegundir;

dagvaktir, kvöldvaktir (33,33% álag), næturvaktir á virkum dögum

(65% álag) og helgarvaktir (55% og 75% álag). Þá skal lágmarksfjöldi

vinnuskyldustunda í hverri tegund vakta vera 45 vinnuskyldustundir.

Starfsmaður þarf að standa vaktir í tveimur til fjórum tegundum

vakta, 14 sinnum eða oftar að meðaltali á uppgjörstímabili til þess

að njóta vaktahvata.

Þegar starfsfólk hefur störf reiknast vaktahvati fyrir eitt

uppgjörstímabil á fyrsta og öðrum mánuði í starfi þannig að

lágmarksfjöldi stunda utan dagvinnumarka eru 42 og lágmarksfjöldi

vinnuskyldustunda í hverri tegund vakta eru 15. Eftir þrjá mánuði í

starfi reiknast vaktahvati skv. 1. mgr. Það sama á við þegar samið

er um breytingar á starfshlutfalli sem nema 40% eða meira til

hækkunar eða lækkunar.

Hlutfall vaktahvata miðast við eftirfarandi töflu.

{width="4.008695319335083in"

height="1.672311898512686in"}

Vaktahvati reiknast miðað við þrjú síðustu uppgjörstímabil. Með

uppgjörstímabili er átt við uppgjörstímabil breytilegra launa á

starfsstaðnum. Vaktahvati greiddur 1. apríl miðast því við

uppgjörstímabil til greiðslu í útborgun launa 1. febrúar, 1. mars

og 1. apríl og vaktahvati greiddur 1. maí við launatímabil til

greiðslu 1. mars, 1. apríl og 1. maí.

• Starfsmenn, sem vinna reglubundna vaktavinnu, skulu undanþegnir

næturvöktum, ef þeir óska, er þeir hafa náð 55 ára aldri. Vaktaálag

er þó aðeins greitt fyrir þær unnar stundir, sem falla utan

dagvinnutímabils.

• Hvað varðar gildissvið, hvíldartíma, vinnuhlé og fleira vísast til

samnings ASÍ, BHM, BSRB og KÍ og samninganefndar ríkisins,

Reykjavíkurborgar og Launanefndar sveitarfélaga, frá 23. janúar 1997

um ákveðna þætti er varða skipulag vinnutíma og fylgir kjarasamningi

þessum sem fylgiskjal og telst hluti hans. ([Fylgiskjal

X](#_Toc449965617)II)

Í þessu sambandi vísast jafnframt til leiðbeininga samráðsnefndar um

skipulag vinnutíma, dags. 16. febrúar 2001. Samráðsnefnd þessi er skipuð

samkvæmt 14. gr. framangreinds samnings og er henni jafnframt falið að

fjalla um ágreiningsmál sem upp kunna að koma vegna þeirra málefna sem

þar er fjallað um.

• Daglegur hvíldartími - Um skipulag vinnutíma.

• Vinnutíma skal haga þannig að á 24 stunda tímabili, reiknað frá

skipulögðu/venjubundnu upphafi vinnudags starfsmanns, fái

starfsmaður a.m.k. 11 klst. samfellda hvíld. Verði því við komið,

skal dagleg hvíld ná til tímabilsins frá kl. 23:00 til 06:00.

• Óheimilt er að skipuleggja vinnu þannig að vinnutími á 24 klst.

tímabili fari umfram 13 klst.

upphaf vinnudags t.d. kl. 8:00, skal miða við það tímamark. Hafi

starfsmaður á hinn bóginn fastan vinnutíma sem hefst t.d. kl. 20:00,

skal sólarhringurinn miðaður við það tímamark. Í vaktavinnu er eðlilegt

að miða upphaf vinnudags við merktan vinnudag á vaktskrá. Sé ekki um

merktan vinnudag að ræða, t.d. aukavakt í vaktafríi, miðast upphafið við

tímamörk síðasta merkta vinnudag.

• Starfsmaður á rétt á a.m.k. 15 mín. hléi ef daglegur vinnutími hans

er lengri en 6 klst. Kaffi- og matarhlé teljast hlé í þessu

sambandi.

• Frávik frá daglegri lágmarkshvíld

• Vaktaskipti. Á skipulegum vaktaskiptum er heimilt að stytta

samfellda lágmarkshvíld starfsmanna í allt að 8 klst. Þetta á t.d.

við þegar starfsmaður skiptir af morgunvakt yfir á næturvakt

samkvæmt skipulagi vaktskrár.

Fráviksheimild þessi frá 11 klst. lágmarkshvíld á hins vegar ekki við

þegar starfsmaður lýkur yfirvinnu og fer yfir á reglubundna vakt og

öfugt.

Þar sem hér er um frávik frá meginreglunni um 11 klst. samfellda hvíld

að ræða, verður að gera þá kröfu til vaktkerfis að það sé skipulagt

þannig að skipti milli mismunandi tegunda vakta séu sem sjaldnast á

vaktahring og að jafnaði reyni ekki á frávik þetta oftar en einu sinni í

viku. Vinnan skal því skipulögð með sem jöfnustum hætti.

• Sérstakar aðstæður. Við sérstakar aðstæður er heimilt að stytta

samfellda lágmarkshvíld í allt að 8 klst. og lengja vinnulotu í allt

að 16 klst., þ.e.a.s. við ófyrirsjáanleg atvik þegar bjarga þarf

verðmætum. Ennfremur þegar almannaheill krefst þess og/eða halda

þarf uppi nauðsynlegri heilbrigðis- eða öryggisþjónustu.

• Sé heimildum til frávika frá daglegum hvíldartíma skv. þessum lið

beitt, skal starfsmaður fá samsvarandi hvíld í staðinn. Í beinu

framhaldi af slíkri vinnulotu skal veita starfsmanni 11 klst. hvíld

á óskertum launum sem hann annars hefði fengið.

• Truflun á starfsemi vegna ytri aðstæðna. Ef truflun verður á

starfsemi vegna ytri aðstæðna, svo sem vegna veðurs eða annarra

náttúruafla, slysa, orkuskorts, bilana í vélum eða öðrum búnaði eða

annarra slíkra ófyrirséðra atvika, má víkja frá ákvæðum um daglega

lágmarkshvíld að því marki sem nauðsynlegt er til að koma í veg

fyrir verulegt tjón þar til regluleg starfsemi hefur komist á að

nýju. Um er að ræða tilvik sem ekki verða séð fyrir. Rétt er að

kalla annan starfsmann til vinnu til að leysa þann starfsmann af sem

ekki hefur náð tilskilinni hvíld, sé þess nokkur kostur.

• Vikulegur hvíldardagur.

• Á hverju 7 daga tímabili skal starfsmaður fá a.m.k. einn vikulegan

hvíldardag sem tengist beint daglegum hvíldartíma og skal við það

miðað að vikan hefjist á mánudegi. Starfsmaður á þannig að fá 35

klst. samfellda hvíld einu sinni í viku.

Að svo miklu leyti sem því verður við komið, skal vikulegur hvíldardagur

vera á sunnudegi og starfsmaður fá frí á þeim degi. Þó má stofnun með

samkomulagi við starfsmenn sína fresta vikulegum hvíldardegi þar sem

sérstakar ástæður gera slík frávik nauðsynleg, þannig að í stað vikulegs

hvíldardags komi tveir samfelldir hvíldardagar á hverjum tveimur vikum.

Sé sérstök þörf á að skipuleggja vinnu þannig að vikulegum hvíldardegi

sé frestað, skal haga töku hvíldardaga þannig að teknir séu tveir

hvíldardagar saman.

• Frítökuréttur

• Almenn skilyrði frítökuréttar. Hafi stjórnandi metið það svo að brýn

nauðsyn sé til að starfsmaður mæti til vinnu áður en 11 klst.

lágmarkshvíld er náð, skapast frítökuréttur, 1½ klst. (í dagvinnu)

fyrir hverja klukkustund sem hvíldin skerðist. Ávinnsla

frítökuréttar einskorðast ekki við heilar stundir. Starfsmaður á

ekki að mæta aftur til vinnu fyrr en að aflokinni 11 klst. hvíld

nema hann hafi sérstaklega verið beðinn um það. Mæti starfsmaður

eigi að síður áður en hann hefur náð hvíldinni, ávinnur hann sér

ekki frítökurétt.

• Samfelld hvíld rofin með útkalli -- Frítökuréttur miðað við lengsta

hlé. Ef hvíld er rofin einu sinni eða oftar innan 24 stunda tímabils

miðað við skipulagt/ venjubundið upphaf vinnudags starfsmanns, skal

bæta það sem vantar upp á að 11 klst. hvíld er náð, miðað við

lengsta hlé innan vinnulotu, með frítökurétti, 1½ klst. (dagvinnu)

fyrir hverja klukkustund sem vantar upp á 11 klst. hvíld.

• Vinna umfram 16 klst. Í þeim sérstöku undantekningartilvikum að

brýna nauðsyn ber til að starfsmaður vinni meira en 16 klst á einum

sólarhring, þ.e. af hverjum 24 klst. miðað við skipulagt/venjubundið

upphaf vinnudags starfsmanns án þess að ná 8 klst samfelldri hvíld,

skal starfsmaður njóta hliðstæðra réttinda og gilda um starfsmenn

sjúkrahúsa við slíkar aðstæður.

meira en 16 klst. á einum sólarhring, þ.e. hverjum 24 klst., miðað við

skipulagt/venjubundið upphaf vinnudags starfsmanns, án þess að ná 8

klst. samfelldri hvíld, skal starfsmaður undantekningarlaust fá 11 klst.

samfellda hvíld að lokinni vinnu, án frádráttar á þeim launum sem hann

annars hefði fengið. Frítökuréttur, 1 ½ klst. (dagvinna) safnast upp

fyrir hverja klst. sem unnin var umfram 16 klst.

• Aukinn frítökuréttur vegna samfelldrar vinnu umfram 24 klst. Í þeim

sérstöku undantekningartilvikum að brýna nauðsyn ber til að

starfsmaður vinni samfellt 24 klst. á einum sólarhring skal

starfsmaður njóta hliðstæðra réttinda og gilda um starfsmenn

sjúkrahúsa við slíkar aðstæður.

undantekningartilvikum að starfsmaður vinni samfellt fullar 24 stundir

skal frítökuréttur aukast þannig að hver heil stund umfram 24 veitir

frítökurétt sem er 1,8% lengri en sá frítökuréttur sem næsta stund á

undan gaf.

• Vinna á undan hvíldardegi, sbr. 2.6. Vinni starfsmaður skv. ákvörðun

yfirmanns það lengi á undan hvíldardegi að ekki náist 11 klst. hvíld

miðað við venjubundið upphaf vinnudags, eða vaktar (sjá

skýringaramma í grein 2.6.2.2), skal starfsmaður mæta samsvarandi

síðar við upphaf næsta reglubundna vinnudags, án frádráttar á þeim

launum sem hann annars hefði fengið, ella safnast upp frítökuréttur,

1½ klst. í dagvinnu fyrir hverja klukkustund sem hvíldin skerðist.

• Upplýsingar um frítökurétt. Uppsafnaður frítökuréttur skal koma fram

á launaseðli eða í viðverukerfi og skal frítökuréttur veittur í

hálfum eða heilum dögum.

• Frítaka. Frítökuréttur skal veittur í samráði við starfsmann enda sé

uppsafnaður frítökuréttur a.m.k. fjórar stundir og skal frítaka ekki

veitt í styttri lotum en það. Leitast skal við að veita frí svo

fljótt sem auðið er eða með reglubundnum hætti til að koma í veg

fyrir að frí safnist upp.

• Greiðsla hluta frítökuréttar. Heimilt er að greiða út ½ klst. (í

dagvinnu) af hverri 1½ klst. sem starfsmaður hefur áunnið sér í

frítökurétt, óski hann þess.

• Uppgjör við starfslok. Við starfslok skal ótekinn frítökuréttur

gerður upp með sama hætti og orlof. Frítökuréttur fyrnist ekki.

• Æðstu stjórnendur og aðrir þeir sem ráða vinnutíma sínum sjálfir.

• Aðilar þessir geta eðli málsins samkvæmt ekki áunnið sér

frítökurétt, sbr. einnig gildissvið vinnuverndarákvæða um þá í

tilskipun Evrópusambandsins nr. 93/104/EC, 1.tl., a-liðar, 17.gr. og

4.mgr., 1.gr. framangreinds samnings aðila vinnumarkaðarins dags.

23.01.1997.

```{=html}

• Hlé frá vinnu, fæði og matstofa

• Starfsmönnum er heimilt að neyta matar og drykkja við vinnu sína

þegar því verður við komið starfsins vegna og slík hlé eru hluti af

virkum vinnutíma.

• Heimilt er með samkomulagi stjórnenda stofnunar og einfalds

meirihluta þeirra starfsmanna sem málið varðar að ákvarða dagleg hlé

sem eru á forræði starfsmanna. Ákvörðuð lengd þeirra lengir daglega

viðveru starfsmanna samsvarandi enda teljast slík hlé ekki til virks

vinnutíma.

Á þeim stofnunum þar sem hlé eru ákvörðuð með slíku samkomulagi og

unnið er í hléinu að beiðni yfirmanns er greitt fyrir það með

yfirvinnukaupi.

Þeir einstaklingar og/eða starfahópar sem fyrir gildistöku þessa

samnings fengu að jafnaði reglubundið greiðslur skv. gr. 3.2. í eldri

samning, skulu halda sambærilegum greiðslum sbr. bókun 2

• Starfsmenn, sem eru við störf á föstum vinnustað, skulu hafa aðgang

að matstofu eftir því sem við verður komið. Matstofa telst sá staður

í þessu tilviki, þar sem hægt er að bera fram heitan og kaldan mat,

aðfluttan eða eldaðan á staðnum. Húsakynni og aðstaða skulu vera í

samræmi við kröfur viðkomandi heilbrigðisyfirvalda. Starfsmenn

greiði efnisverð matarins, en annar rekstrarkostnaður greiðist af

viðkomandi stofnun.

• Á þeim vinnustöðum, þar sem ekki eru starfrækt mötuneyti, skal reynt

að tryggja starfsmönnum aðgang að nærliggjandi mötuneyti á vegum

vinnuveitanda, eða látinn í té útbúnaður til að flytja matinn á

matstofu vinnustaðar, þannig að starfsmönnum sé flutningur matarins

að kostnaðarlausu.

• Ef keyptur er matur hjá öðrum aðila en greint er í gr. 3.2.2 skulu

starfsmenn greiða fyrir sambærilegan mat upphæð er svarar til

fæðispeninga skv. gr. 3.2.4.

• Starfsmaður sem hefur ekki aðgang að matstofu en ætti að hafa það

skv. gr. 3.2.1, skal fá það bætt með fæðispeningum sem nema 883,82

kr. enda sé dagleg vinnuskylda starfsmanns 6 klukkustundir eða

lengri.

• Upphæð fæðispeninga breytist á þriggja mánaða fresti í samræmi við

matvörulið vísitölu neysluverðs (01 Matur og drykkjarvörur) með

vísitölu maímánaðar 2024 sem grunnvísitölu (236,6 stig) miðað við

undirvísitölur frá 2008.

• Starfsmönnum sem gert er skylt að matast með heimilisfólki eða

börnum og aðstoða þau við borðhaldið, skulu undanþegnir því að

greiða fyrir þær máltíðir enda sé þeim ekki umbunað fyrir það með

öðrum hætti svo sem með styttri vinnutíma eða greiðslu. Að öðrum

kosti greiða starfsmenn efnisverð matarins.

• Starfsmaður sem innir starf sitt af hendi utan borgarmarka og nýtur

ekki mataraðstöðu á föstum vinnustað skv. gr. 3.2 skal séð fyrir mat

á kostnað vinnuveitanda skv. gr. 5.1.1.

```{=html}

• Starfsmönnum er heimilt að neyta matar og drykkja við vinnu sína

þegar því verður við komið starfsins vegna og slík hlé eru hluti af

virkum vinnutíma.

• Heimilt er með samkomulagi stjórnenda stofnunar og einfalds

meirihluta þeirra starfsmanna sem málið varðar að ákvarða dagleg hlé

sem eru á forræði starfsmanna. Ákvörðuð lengd þeirra lengir daglega

viðveru starfsmanna samsvarandi enda teljast slík hlé ekki til virks

vinnutíma.

Á þeim stofnunum þar sem hlé eru ákvörðuð með slíku samkomulagi og

unnið er í hléinu að beiðni yfirmanns er greitt fyrir það með

yfirvinnukaupi.

Þeir einstaklingar og/eða starfahópar sem fyrir gildistöku þessa

samnings fengu að jafnaði reglubundið greiðslur skv. gr. 3.2. í eldri

samning, skulu halda sambærilegum greiðslum sbr. bókun 2

• Starfsmenn, sem eru við störf á föstum vinnustað, skulu hafa aðgang

að matstofu eftir því sem við verður komið. Matstofa telst sá staður

í þessu tilviki, þar sem hægt er að bera fram heitan og kaldan mat,

aðfluttan eða eldaðan á staðnum. Húsakynni og aðstaða skulu vera í

samræmi við kröfur viðkomandi heilbrigðisyfirvalda. Starfsmenn

greiði efnisverð matarins, en annar rekstrarkostnaður greiðist af

viðkomandi stofnun.

• Á þeim vinnustöðum, þar sem ekki eru starfrækt mötuneyti, skal reynt

að tryggja starfsmönnum aðgang að nærliggjandi mötuneyti á vegum

vinnuveitanda, eða látinn í té útbúnaður til að flytja matinn á

matstofu vinnustaðar, þannig að starfsmönnum sé flutningur matarins

að kostnaðarlausu.

• Ef keyptur er matur hjá öðrum aðila en greint er í gr. 3.2.2 skulu

starfsmenn greiða fyrir sambærilegan mat upphæð er svarar til

fæðispeninga skv. gr. 3.2.4.

• Starfsmaður sem hefur ekki aðgang að matstofu en ætti að hafa það

skv. gr. 3.2.1, skal fá það bætt með fæðispeningum sem nema 883,82

kr. enda sé dagleg vinnuskylda starfsmanns 6 klukkustundir eða

lengri.

• Upphæð fæðispeninga breytist á þriggja mánaða fresti í samræmi við

matvörulið vísitölu neysluverðs (01 Matur og drykkjarvörur) með

vísitölu maímánaðar 2024 sem grunnvísitölu (236,6 stig) miðað við

undirvísitölur frá 2008.

• Starfsmönnum sem gert er skylt að matast með heimilisfólki eða

börnum og aðstoða þau við borðhaldið, skulu undanþegnir því að

greiða fyrir þær máltíðir enda sé þeim ekki umbunað fyrir það með

öðrum hætti svo sem með styttri vinnutíma eða greiðslu. Að öðrum

kosti greiða starfsmenn efnisverð matarins.

• Starfsmaður sem innir starf sitt af hendi utan borgarmarka og nýtur

ekki mataraðstöðu á föstum vinnustað skv. gr. 3.2 skal séð fyrir mat

á kostnað vinnuveitanda skv. gr. 5.1.1.

```{=html}

• Orlof skal vera 30 dagar (216 stundir miðað við 36 virkar

vinnustundir á viku) miðað við fullt starf. Ávinnsla orlofs skal

vera hlutfallsleg miðað við starfshlutfall og starfstíma

starfsmanns.

• Starfsmaður skal fá 13,04% orlofsfé á yfirvinnu skv. samningi

þessum. Taki starfsmaður laun eftir tímakaupi í dagvinnu, greiðist

orlofsfé einnig af dagvinnukaupi.

Í stað þess að orlofsfé sé greitt af vaktaálagi skulu starfsmenn halda

meðalvaktaálagi í orlofi sínu m.v. 12 síðustu mánuði. Vaktaálag er þó

ekki greitt í helgidagafríi þótt það sé tekið í beinu framhaldi af

orlofi.

• Orlofsuppbót á samningstímanum verður sem hér segir:

Á árinu 2024 58.000 kr.

Á árinu 2025 60.000 kr.

Á árinu 2026 62.000 kr.

Á árinu 2027 64.000 kr.

• Hinn 1. júní ár hvert skal starfsmaður sem er í starfi til 30. apríl

næst á undan fá greidda sérstaka eingreiðslu, orlofsuppbót, er

miðast við fullt starf næstliðið orlofsár. Greitt skal hlutfallslega

miðað við starfshlutfall og starfstíma. Hafi starfsmaður látið af

starfi á orlofsárinu vegna aldurs eða eftir a.m.k. 3 mánaða (13

vikna) samfellt starf á orlofsárinu skal hann fá greidda

orlofsuppbót hlutfallslega miðað við unninn tíma og starfshlutfall.

Sama gildir ef starfsmaður var frá störfum vegna veikinda eftir að

greiðsluskyldu stofnunar lýkur eða vegna fæðingarorlofs allt að 6

mánuðum. Orlofsuppbót er föst fjárhæð og tekur ekki breytingum skv.

öðrum ákvæðum samningsins. Á orlofsuppbót reiknast ekki orlofsfé.

Áunnin orlofsuppbót skal gerð upp samhliða starfslokum.

• Þeir tímavinnumenn sem vinna reglubundna vinnu njóta ávinnsluréttar

skv. 4.2.2.

Tímavinnumaður fær fulla orlofsuppbót ef hann vinnur 1504

vinnuskyldustundir á ofangreindu tímabili en ella hlutfallslega.

• Orlofsárið er frá 1. maí til 30. apríl.

• Tímabil sumarorlofs er frá 15. maí til 30. september.

• Starfsmaður á rétt á að fá 20 daga orlof, þar af 15 daga samfellda á

sumarorlofstímabilinu,og allt að fullu orlofi á sama tíma verði því

viðkomið vegna starfa stofnunar.

• Yfirmaður ákveður í samráði við starfsmenn, hvenær orlof skuli

veitt. Yfirmanni er skylt að verða við óskum starfsmanna um hvenær

orlof skuli veitt enda verði því við komið vegna starfsemi

stofnunar. Yfirmaður skal kanna vilja starfsmanna til orlofstöku.

Ákvörðun um sumarorlof liggja fyrir svo fljótt sem verða má og eigi

síðar en 31. mars og tilkynnt starfsmanni með sannanlegum hætti, svo

sem í tímaskráningarkerfi stofnunar, nema sérstakar ástæður hamli.

Vetrarorlof skal ákvarðað með minnst eins mánaðar fyrirvara.

• Við skipulagningu orlofs vaktavinnumanna sem tekið er í samfellu

skal að því stefnt að það byrji og endi á reglulegu fríi nema

samkomulag sé um annað. Þetta á ekki við um orlof sem tekið er í

hlutum.

• Sé orlof eða hluti orlofs tekið utan sumarorlofstímabils, að

skriflegri beiðni yfirmanns, skal sá hluti orlofsins lengjast um

25%.

• Flutningur orlofs milli ára er óheimill, sbr. þó grein 4.6.2 og

4.6.3.

• Ef starfmaður tekur ekki orlof eða hluta af orlofi, að skriflegri

beiðni yfirmanns, getur orlofið geymst til næsta orlofsárs, enda

hafi starfsmaður ekki lokið orlofstöku á orlofsárinu. Sama gildir um

starfsmann í fæðingarorlofi. Í slíkum tilvikum getur uppsafnað orlof

þó aldrei orðið meira en 60 dagar. Nýti starfsmaður ekki hina

uppsöfnuðu orlofsdaga fyrnast þeir.

Upplýsingar um stöðu þegar áunnins og ótekins orlofs skulu vera

starfsmönnum aðgengilegar í tímaskráningarkerfi stofnunar.

• Veikist starfsmaður í orlofi, telst sá tími sem veikindum nemur ekki

til orlofs, enda sanni starfsmaður með læknisvottorði að hann geti

ekki notið orlofs.

Tilkynna skal yfirmanni án tafar með sannanlegum hætti ef um veikindi

eða slys í orlofi er að ræða.

Í slíkum tilvikum er heimilt að flytja ótekið orlof til næsta árs, sbr.

grein 4.6.2

Starfsmaður sem veikist erlendis verður að vera við því búinn að sanna

veikindi sín með erlendu læknisvottorði.

• Komi starfsmaður úr öðru starfi án þess að hafa þar notið áunnins

orlofs, þá á hann rétt á ólaunuðu orlofi í allt að 30 daga

• Hafi starfsmaður sem átti gjaldfallið orlof þann 1. maí 2020, allt

að 60 dagar, ekki nýtt þá daga fyrir 30. apríl 2023, falla þeir

dagar niður sem eftir standa.

Starfsmenn sem áttu rétt til vetrarfrísdaga samkvæmt eldri kjarasamningi

og kjósa að halda þeim rétti skulu eiga kost á því og gilda þá að öllu

leyti eldri reglur um þann rétt.

• Greiða skal dánarbúi áunninn orlofsrétt látins starfsmanns

```{=html}

• Kostnaður vegna ferðalaga innanlands á vegum borgarinnar skal

greiðast eftir reikningi, enda fylgi fullnægjandi frumgögn. Sama

gildir, ef hluti vinnudags er unninn svo langt frá föstum vinnustað,

að starfsmaður þarf að kaupa sér fæði utan heimilisins eða fasts

vinnustaðar.

• Starfsmenn skulu fá fyrirframgreiðslu áætlaðs ferðakostnaðar.

• Um uppgjör ferðakostnaðar, þar með talið akstursgjald, fer eftir

sömu reglum og uppgjör yfirvinnu.

• Greiða skal gisti- og fæðiskostnað með dagpeningum, sé um það

samkomulag eða ekki unnt að leggja fram reikninga.

• Dagpeningar á ferðalögum innanlands skulu fylgja ákvörðunum

ferðakostnaðarnefndar ríkisins.

• Fyrirfram skal af stofnun og starfsmanni ákveðið, hvaða háttur á

greiðslu ferðakostnaðar skal viðhafður hverju sinni.

• Starfsmaður skal sækja vinnu til fasts ráðningarstaðar

(heimastöðvar) á eigin vegum og í tíma sínum.

• Hefjist vinnutími starfsmanns, eða sé hann kallaður til vinnu á þeim

tíma, sem almenningsvagnar ganga ekki, skal honum séð fyrir ferð eða

greiddur ferðakostnaður. Sama gildir um lok vinnutíma.

• Verði að samkomulagi að stofnun hafi afnot af einkabifreið

starfsmanns, skulu afnotin greidd með akstursgjaldi skv.

akstursdagbók eða aksturssamningi.

Akstursgjald fylgir ákvörðunum ferðakostnaðarnefndar sbr. reglur um

aksturssamninga starfsmanna Reykjavíkurborgar.

• Fargjöld á ferðalögum erlendis skulu greiðast eftir reikningi, enda

fylgi ávallt farseðlar.

• Annar ferðakostnaður á ferðalögum erlendis greiðist með dagpeningum,

sem skulu fylgja ákvörðunum ferðakostnaðarnefndar ríkisins.

• Af dagpeningum á ferðalögum erlendis ber að greiða allan venjulegan

ferðakostnað, annan en fargjöld, svo sem kostnað vegna ferða að og

frá flugvöllum, fæði, húsnæði, minni háttar risnu, hvers konar

persónuleg útgjöld.

• Dagpeningar vegna námskeiða, þjálfunar- og eftirlitsstarfa skulu

fylgja ákvörðunum ferðakostnaðarnefndar ríkisins.

```{=html}

• Starfsmanni er ekki skylt að leggja sér til verkfæri og vinnutæki

nema svo sé sérstaklega um samið.

• Séð skal um að áhöld og útbúnaður allur sé í góðu lagi svo ekki

stafi af slysahætta eða öryggi starfsmanns sé á annan hátt sett í

hættu.

• Þar sem krafist er einkennisfatnaðar eða sérstök hlífðarföt eru

nauðsynleg, t.d. bolir eða vinnusloppar, skal hverjum starfsmanni

séð fyrir slíkum fatnaði, honum að kostnaðarlausu. Sama gildir um

hlífðarföt vegna óþrifalegra starfa og starfa sem hafa óvenjulegt

fataslit í för með sér.

• Hverjum starfsmanni skal lagður til þeim að kostnaðarlausu sá

hlífðarbúnaður, sem krafist er skv. öryggisreglum, enda er

starfsmönnum skylt að nota hann.

+---+-------------------------------------------------------------------+

+===+===================================================================+

+---+-------------------------------------------------------------------+

+---+-------------------------------------------------------------------+

+---+-------------------------------------------------------------------+

+---+-------------------------------------------------------------------+

+---+-------------------------------------------------------------------+

+---+-------------------------------------------------------------------+

• Starfsmaður skal ávallt vera snyrtilegur til fara og klæðast

óskemmdum fatnaði til að minnka slysahættu á vinnustað. Hreinsun,

þvottur og viðgerðir á fatnaði í eigu stofnunar skal látið í té

eftir þörfum og á kostnað stofnunarinnar. Starfsmaður skal fara vel

og samviskusamlega með fatnað sem honum er úthlutað.

• Aðilar eru sammála um að eftirfarandi atriði skulu uppfyllt þegar

hverjum starfsmanni er lagður til fatnaður:

```{=html}

• Fatnaður sem lagður er til af Reykjavíkurborg er eign borgarinnar.

• Vinnufatnaður skal skilmerkilega merktur.

• Þar sem því verður við komið, skal vinnufatnaður skilinn eftir á

> vinnustað að loknum vinnudegi.

• Er starfsmaður lætur af starfi, skal hann skila síðasta vinnu-,

> hlífðar og einkennisfatnaði er hann fékk.

• Fatnaður skal lagður til eftir þörfum og komi upp ágreiningur skal

> fjallað um hann á þeim vettvangi sem skilgreindur er í grein 16.1.

• Í sértækum húsnæðisúrræðum, þar sem þess er krafist, vegna sérstakra

meðferðarúrræða, að starfsmaður noti eigin fatnað í stað einkennis-

eða vinnufatnaðar skv. gr. 6.2.1, er vinnuveitanda í stað þess

heimilt að greiða starfsmanni sérstaka fatapeninga að samtals kr.

31,45 á hverja vinnuskyldustund. Upphæðin tekur breytingum 1.

febrúar ár hvert í samræmi við breytingu fataliðar vísitölu

neysluverðs (031 Föt). Vísitala janúarmánaðar 2024 er grunnvísitala

(159,6 stig miðað við undirvísitölur frá 2008).

```{=html}

• Allir starfsmenn skulu njóta réttinda samkvæmt gildandi lögum og

reglugerðum um aðbúnað, hollustuhætti og öryggi á vinnustöðum, enda

falli starf þeirra ekki undir önnur lög.

• Vinnustaður skal þannig úr garði gerður, að þar sé gætt fyllsta

öryggis og góðs aðbúnaðar og hollustuhátta samkvæmt gildandi lögum

og reglugerðum.

• Algengustu lyf og sjúkragögn skulu vera fyrir hendi á vinnustað til

nota við fyrstu aðgerð í slysatilvikum. Lyf og sjúkragögn skulu vera

í vörslu og á ábyrgð hlutaðeigandi yfirmanna og trúnaðarmanna.

• Á vinnustöðum skal vera fyrir hendi til afnota tæki, öryggisbúnaður

og hlífðarbúnaður sem Vinnueftirlit ríkisins telur nauðsynlegan, þar

með taldir öryggisskór er séu til notkunar fyrir þann starfsmann

einan er þeir tilheyra.

• Starfsmönnum sem sinna einir eftirliti að nóttu (vaktmönnum) skulu

lögð til öryggistæki; neyðarhnappar, kalltæki eða símtæki við vinnu

sína eftir aðstæðum.

• Starfsmanni er skylt að nota þann öryggisbúnað sem getið er um í

reglugerðum og kjarasamningum eða sem fyrirsvarsmenn stofnunar hafa

gefið fyrirmæli um að nota. Skulu hlutaðeigandi yfirmenn og

trúnaðarmenn sjá um að búnaðurinn sé notaður. Ef starfsmaður notar

ekki öryggisbúnað eiga við ákvæði gr. 9.8 og. 9.9

• Brot á öryggisreglum sem valda því að lífi og limum starfsmanna er

stefnt í voða, skal varða brottvikningu án undangenginna aðvarana ef

trúnaðarmaður og fyrirsvarsmaður stofnunar eru sammála um það.

• Ef öryggisbúnaðar skv. greinum 7.4.1 og 7.5.1 er ekki fyrir hendi á

vinnustað er hverjum þeim starfsmanni er ekki fær slíkan búnað,

heimilt að neita að vinna við þau störf sem slíks búnaðar er

krafist. Sé ekki um annað starf að ræða fyrir viðkomandi starfsmann

skal hann halda óskertum launum.

• Varast skal eftir föngum að starfsmaður sé einn við störf þar sem

slysahætta er mikil. Um þetta atriði skal semja nánar þar sem það á

við sérstaklega.

• Þegar unnið er í vetrarvinnu við erfiðar aðstæður verður leitast við

að tryggja öryggi starfsmanns eftir því sem föng eru á, m.a. með

notkun fjarskiptasambands og/eða eftirliti hlutaðeigandi yfirmanns

eða annars starfsmanns.

• Þegar unnið er með keðju- eða kjarrsög skulu tveir menn hið minnsta

vera á vinnustað og í kallfæri við hvorn annan. Þegar unnið er

samfellt með þessum tækjum, skulu starfsmenn fá 10 mín. hvíld fyrir

hverja unna klukkustund. Matar- og kaffitímar teljast til

hvíldartíma í þessu sambandi.

• Starfsmanni innan 18 ára aldurs er óheimilt að vinna með keðju- eða

kjarrsög, kurlsög eða viðarkleyfi. Ekki skal setja mann til að vinna

með tækjum þessum fyrr en hann hefur hlotið tilsögn og þjálfun í

notkun þeirra.

• Þegar þungavinnuvél er flutt á flutningatæki í eigu stofnunar mun

viðkomandi stofnun leitast við að sjá til þess að stjórnandi

þungavinnuvélarinnar sé af öryggisástæðum ávallt til staðar og fylgi

flutningatækinu meðan á flutningi stendur.

• Notkun eiturefna, m.a. til úðunar gróðurs og fúavarnar

girðingarstaura, skal eingöngu framkvæmd af starfsmönnum sem til

þess hafa fengið nægilega leiðsögn og þjálfun.

• Skipa skal öryggisverði, öryggistrúnaðarmenn og öryggisnefndir í

samræmi við II. kafla laga nr. 46/1980, um aðbúnað, hollustuhætti og

öryggi á vinnustöðum.

Sjá upplýsingarrit Reykjavíkurborgar Áreitni og einelti, viðbrögð og

fyrirbyggjandi aðgerðir á vinnustöðum Reykjavíkurborgar, útgefið 2005.

• Verði slys eða eitrun á vinnustað, skal fyrirsvarsmaður viðkomandi

vinnustaðar tilkynna það lögreglu og Vinnueftirliti ríkisins

símleiðis eða með öðrum hætti svo fljótt sem verða má og eigi síðar

en innan sólarhrings.

Launagreiðandi skal tilkynna Sjúkratryggingum Íslands um slys sem verða

á vinnustað eða á beinni leið til og frá vinnu, á sérstökum eyðublöðum

sem þar fást. Á meðan starfsmaður fær greidd slysalaun frá

launagreiðanda af völdum óvinnufærni, fær launagreiðandi greidda

slysadagpeninga frá Sjúkratryggingum Íslands.

• Á vinnustöðum þar sem sérstök hætta er á heilsutjóni starfsmanna,

getur stéttarfélagið óskað sérstakrar læknisskoðunar. Telji

sérmenntaður embættislæknir Vinnueftirlits ríkisins slíka skoðun

nauðsynlega, skal hún framkvæmd svo fljótt sem unnt er.

```{=html}

• Starfsmenn skulu slysatryggðir allan sólarhringinn fyrir dauða eða

vegna varanlegrar örorku. Um trygginguna gilda mismunandi

bótafjárhæðir og tryggingaskilmálar eftir því hvort starfsmaður

verður fyrir slysi í starfi eða utan starfs. Um skilmála trygginga

þessara gilda sérstakar reglur hvað varðar borgarstarfsmenn nr.

sl.1/90 og nr. sl.-2/90 samþykktar af borgarráði þann 5. júní 1990.

• Dánarslysabætur eru:

```{=html}

• Ef hinn látni var ógiftur og lætur ekki eftir sig barn undir 18 ára

aldri og hefur ekki séð fyrir foreldri eða foreldrum, 67 ára og

eldri:

vegna slyss utan starfs 1.039.889 kr.

vegna slyss í starfi 1.039.889 kr.

Rétthafar þessara dánarbóta eru lögerfingjar.

• Ef hinn látni var ógiftur en lætur eftir sig barn (börn) undir 18

ára aldri og/eða hefur sannanlega séð fyrir foreldri eða foreldrum,

67 ára og eldri:

vegna slyss utan starfs 3.185.420 kr.

vegna slyss í starfi 7.614.495 kr.

Rétthafar þessara dánarbóta eru foreldrar og börn. Taki báðir þessir

aðilar bætur, rennur 1/3 hluti bóta til foreldra en 2/3 hlutar bóta

skiptast milli barna að jöfnu.

• Ef hinn látni var í hjúskap eða í sambúð sem að öðru leyti má jafna

til hjúskapar og sem staðið hefur a.m.k. í 2 ár samfellt fyrir

andlát hans, skulu bætur til maka eða sambúðaraðila vera:

vegna slyss utan starfs 4.357.604 kr.

vegna slyss í starfi 12.426.472 kr.

Rétthafi dánarbóta þessara er viðkomandi maki eða sambúðaraðili.

• Ef hinn látni lætur eftir sig barn undir 18 ára aldri, til hvers

barns:

vegna slyss utan starfs 1.039.889 kr.

vegna slyss í starfi 2.485.009 kr.

Stundi barn hins látna á aldrinum 18-25 ára nám á framhaldsskóla- eða

háskólastigi í a.m.k. sex mánuði ársins er hinn tryggði andast, á það

sama rétt til bóta.

Rétthafar dánarbóta þessara eru viðkomandi börn. Bætur greiðast til

fjárhaldsmanns ófjárráða barns.

• Með börnum í 2. og 4. tölulið er átt við kynbörn, kjörbörn,

stjúpbörn, börn sambúðaraðila og fósturbörn, sem hinn látni var

framfærsluskyldur við sbr. 53. gr. barnalaga nr. 76/2003.

• Bætur greiðast aðeins skv. einum af töluliðum 1, 2 eða 3. Til

viðbótar við bætur skv. 2. og 3. tölulið geta komið bætur skv. 4.

tölulið.

vegna slyss utan starfs 8.376.524 kr.

vegna slyss í starfi 22.099.768 kr.

Bætur greiðast í hlutfalli við tryggingarfjárhæðirnar, þó þannig að

hvert örorkustig frá 26-50% vegur tvöfalt og hvert örorkustig frá

51-100% vegur þrefalt.

• Framangreindar tryggingarfjárhæðir miðast við vísitölu neysluverðs í

maí 2019, 468 stig.

• Verði starfsmaður sannanlega fyrir tjóni á algengum nauðsynlegum

fatnaði og munum við vinnu, svo sem úrum og gleraugum o.s.frv., skal

það bætt skv. mati. Slík tjón verða einungis bætt ef þau verða vegna

óhappa á vinnustað. Eigi skal bæta slíkt tjón ef það verður vegna

gáleysis eða hirðuleysis starfsmanns.

• Verði starfsmaður fyrir eignatjóni er orsakast af bruna á vinnustað

hans, skal það bætt eftir mati, enda sé um að ræða algengan fatnað

og muni sem tíðkast að geyma á vinnustað mannsins.

• Vanræksla starfsmanns á notkun viðeigandi hlífðar- og öryggisbúnaðar

getur leitt til missis bóta vegna tjóns hans á persónulegum munum

skv. gr. 8.4.1 og 8.4.2.

• Starfsmaður sem í starfi sínu sinnir einstaklingi sem að takmörkuðu

eða jafnvel engu leyti getur borið ábyrgð á gerðum sínum, skal beina

skaðabótakröfu sinni vegna líkams- eða munatjóns að launagreiðanda.

Við mat og uppgjör kröfunnar gilda almennar reglur

skaðabótaréttarins.

```{=html}

• Það er skylda stofnana og fyrirtækja Reykjavíkurborgar að auglýsa

öll laus störf laus til umsóknar á opinberum vettvangi. Skal það

gert með 14 daga fyrirvara að jafnaði. Þó er ekki skylt að auglýsa

afleysingastörf vegna fæðingarorlofs eða veikinda eða störf þar sem

ráðning skal standa 12 mánuði eða skemur, tímavinnustörf, störf nema

eða störf unglinga í vinnuskóla. Ef borgaryfirvöld líta svo á að

ráða skuli í stöðu með uppfærslu innan starfsgreinarinnar eða frá

hliðstæðum starfsgreinum skal staðan auglýst á þeim vettvangi einum.

• Í starfsauglýsingu skal að lágmarki tilgreina:

Starfsheiti, starfstegund eða eftir atvikum stutta starfslýsingu.

Starfshlutfall ef ekki er um fullt starf að ræða.

Kröfur sem gerðar eru til starfsmanns.

Starfskjör í boði s.s. með orðunum "eftir hlutaðeigandi kjarasamningi

opinberra starfsmanna".

Hver veitir nánari upplýsingar um starfið.

Hvert umsókn á að berast.

Hvenær starfsmaður skuli hefja starf.

Hvort umsókn eigi að vera á sérstöku eyðublaði og ef svo er hvar sé hægt

að fá það.

Kröfur um gögn - ef einhver eru - sem eiga að fylgja umsókn.

Umsóknarfrest.

• Ráðning á að byggjast á hæfni viðkomandi til að inna starfið vel af

hendi og skal sá hæfasti ganga fyrir. Starfsmenn Reykjavíkurborgar

skulu almennt ráðnir til starfa ótímabundið með gagnkvæmum

uppsagnarfresti. Reynslutími er þrír mánuðir. Heimilt er þó í

undantekningartilvikum að semja í ráðningarsamningi um allt að 5

mánaða reynslutíma.

• Heimilt er að ráða starfsmann til starfa tímabundið og er unnt að

taka fram í ráðningarsamningi að segja megi slíkum samningi upp af

hálfu annars hvors aðilans áður en ráðning fellur sjálfkrafa úr

gildi við lok samningstíma. Tímabundin ráðning skal þó aldrei vara

samfellt lengur en í 2 ár. Ef stofnun eða fyrirtæki vill ráða

starfsmann lengur skal það gert með ótímabundnum ráðningarsamningi.

• Nýr ráðningarsamningur telst taka við af öðrum samningi sé hann

framlengdur eða ef nýr tímabundinn ráðningarsamningur er gerður á

milli sömu aðila innan þriggja vikna frá lokum gildistíma eldri

samnings. Heimilt er samráðsnefnd sbr. gr. 9.11 að ákveða annað

fyrirkomulag á framlengingu eða endurnýjun tímabundinna ráðninga þar

sem tekið er tillit til þarfa starfsmanna og vinnuveitanda. Sá

samningur skal þá gilda um framlengingu eða endurnýjun tímabundinna

ráðninga þeirra starfsmanna er hann tekur til.

• Starfsmaður sem er í starfi hjá Reykjavíkurborg getur ráðið sig

samhliða í annað starf hjá Reykjavíkurborg, með leyfi yfirmanns,

sbr. gr. 9.7.1. Ber honum að upplýsa þann sem tekur ákvörðun um

ráðningu í síðara starfið um það starf sem hann þegar gegnir. Ef nýr

ráðningarsamningur felur í sér að vikuleg vinnuskylda starfsmannsins

verður umfram 40 stundir, ber síðari ráðningaraðila að greiða þá

yfirvinnu.

• Verði þess krafist er starfsmanni sem ráðinn er til vinnu í

mötuneyti skylt að færa sönnur á það með læknisvottorði að hann sé

ekki haldinn neinum smitandi sjúkdómum.

• Skriflegur ráðningarsamningur skal gerður við starfsmann við upphaf

ráðningar. Í ráðningarsamningi skulu koma fram þær upplýsingar sem

skylt er að veita, sbr. "Samkomulag um skyldu vinnuveitanda til að

ganga frá skriflegum ráðningarsamningum eða skriflegri staðfestingu

ráðningar við starfsmenn" milli aðila.

Reykjavíkurborg áskilur sér rétt til að beita heimild til að staðfesta

ráðningu starfsmanns með ráðningarbréfi við hópráðningar, t.d. vegna

sumarvinnu skólafólks.

• Starfsmaður sem ráðinn er með ótímabundinni ráðningu og starfað

hefur samfellt í eitt ár getur óskað eftir eins mánaðar

fyrirframgreiðslu launa.

• Yfirmaður ákveður vinnutíma þeirra starfsmanna sem starfa hjá honum

en honum ber að gera það með tilliti til ákvæða laga,

ráðningarsamninga og kjarasamninga og með hliðsjón af

starfsmannastefnu Reykjavíkurborgar. Í ráðningarsamningi skal

tilgreina eftir hvaða vinnutímafyrirkomulagi starfsmaður vinnur.

• Skylt er starfsmönnum að vinna yfirvinnu sem yfirmaður telur

nauðsynlega. Þó er engum starfsmanni, nema þeim er gegnir

öryggisþjónustu, skylt að vinna meiri yfirvinnu í viku hverri en

nemur fimmtungi af umsömdum vikulegum vinnutíma. Yfirvinna skal

eftir atvikum ákveðin í samráði við starfsmann.

• Starfsmaður á rétt á sveigjanlegum vinnutíma eftir því sem unnt er

enda bitni slíkt ekki á þjónustu stofnunar eða fyrirtækis við

almenning eða starfseminni að öðru leyti. Ef yfirmaður hafnar beiðni

starfsmanns er heimilt að bera þá ákvörðun undir borgarstjóra.

• Forstöðumaður stofnunar eða fyrirtækis skal leitast við að verða við

óskum starfsmanns sem vill minnka við sig vinnu af

fjölskylduástæðum.

• Falli niður vinna á verkstað vegna veðurs eða annarra orsaka sem

starfsmenn eiga enga sök á, skal skylt að greiða kaup fyrir fastan

reglulegan vinnutíma.

• Skylt er starfsmanni að hlíta því að starfssvið hans sé aukið eða

því breytt, enda sé það nauðsynlegt vegna skipulagsbreytingar í

viðkomandi starfsgrein eða af öðrum ástæðum.

• Ennfremur er honum skylt að taka við annarri sambærilegri stöðu,

enda verði föst laun hans og starfsskilyrði ekki lakari við

breytinguna.

• Sé starfsmaður sem ráðinn hefur verið til ákveðins starfs færður í

nýtt starf sem raðað er í lægri launaflokk en þann sem hann var

ráðinn til, skal hann halda fyrri launum eins og uppsagnarfrestur

hans segir til um, nema tilfærslan hafi verið tilkynnt honum með

þeim fyrirvara.

Skylt er að upplýsa starfsmann fyrirfram ef tilfærsla í starfi leiðir

til launalækkunar að afloknum uppsagnarfresti.

• Áður en starfsmaður hyggst samhliða starfi sínu stofna til

atvinnurekstrar, ganga í stjórn atvinnufyrirtækis eða taka við

starfi í þjónustu annars aðila gegn varanlegu kaupi, ber honum að

skýra forstöðumanni þeirrar stofnunar eða fyrirtækis, sem hann

vinnur hjá, frá því áður en til þess getur komið. Innan tveggja

vikna skal starfsmanni skýrt frá því, ef áðurnefnd starfsemi telst

ósamrýmanleg stöðu hans og honum bannað að hafa hana með höndum.

Bera má slíka ákvörðun undir borgarstjóra.

• Rétt er að banna starfsmanni slíka starfsemi, sem í gr. 9.7.1.

segir, ef það er síðar leitt í ljós, að hún megi ekki saman fara

starfi hans í þjónustu borgarinnar.

• Ef starfsmaður hefur sýnt í starfi sínu óstundvísi eða aðra

vanrækslu, óhlýðni við löglegt boð eða bann yfirmanns síns,

vankunnáttu eða óvandvirkni í starfi, hefur ekki náð fullnægjandi

árangri í starfi, hefur verið ölvaður að starfi eða framkoma hans

eða afhafnir í því og þykja að öðru leyti ósæmilegar, óhæfilegar eða

ósamrýmanlegar starfinu skal forstöðumaður stofnunar eða fyrirtækis

veita honum skriflega áminningu.

• Yfirmaður skal gefa starfsmanni kost á að tjá sig um meintar

ávirðingar áður en ákvörðun um áminningu er tekin. Starfsmaður á

rétt á því að tjá sig um tilefni áminningar í viðurvist

trúnaðarmanns. Yfirmaður skal kynna honum þann rétt.

• Áminning skal vera skrifleg. Í áminningu skal tilgreina tilefni

hennar og þá afleiðingu að bæti starfsmaður ekki ráð sitt verði

honum sagt upp. Ber að veita starfsmanni tíma og tækifæri til þess

að bæta ráð sitt áður en gripið er til uppsagnar.

• Ekki er skylt að veita starfsmanni áminningu og kost á að tjá sig um

ástæður uppsagnar áður en hún tekur gildi, ef tilefni uppsagnar er

ekki rakið til starfsmannsins sjálfs, s.s. vegna hagræðingar í

rekstri stofnunar eða fyrirtækis. Ekki er þó skylt að veita

áminningu ef uppsögn má rekja til ástæðna sem raktar eru í gr.

9.9.5 - 9.9.7.

• Uppsögn skal vera skrifleg og miðast við mánaðarmót. Óski

starfsmaður þess skal veita honum skriflegan rökstuðning fyrir

ákvörðun um uppsögn. Óheimilt er að segja starfsmanni upp án

málefnalegra ástæðna. Heimilt er að skjóta þeirri ákvörðun til æðra

stjórnsýsluvalds og er borgarstjóri æðsta stjórnsýsluvald.

• Þegar starfsmaður er ráðinn ótímabundið skal uppsagnarfrestur vera

þrír mánuðir að loknum reynslutíma, nema um lengri uppsagnarfrest sé

sérstaklega samið. Gagnkvæmur uppsagnarfrestur á reynslutíma skal

vera einn mánuður. Sömu reglur um uppsagnarfresti gilda um

tímabundnar ráðningar.

• Sé starfsmanni sagt upp eftir a.m.k. 10 ára samfellt starf hjá

stofnun eða fyrirtæki Reykjavíkurborgar, er uppsagnarfrestur 4

mánuðir ef starfsmaður er orðinn 55 ára, 5 mánuðir ef hann er orðinn

60 ára og 6 mánuðir þegar hann er orðinn 63 ára. Starfsmaður getur

hins vegar sagt upp starfi sínu með þriggja mánaða fyrirvara.

• Uppsagnarfrestur tímavinnumanna.

• Gagnkvæmur uppsagnarfrestur tímavinnumanna á fyrstu 3 mánuðum

starfstímans skal vera ein vika miðað við vikuskipti. Vikuskipti

miðast við föstudag. Eftir þriggja mánaða samfellt starf skal

gagnkvæmur uppsagnarfrestur vera einn mánuður.

• Starfsmanni skal víkja úr starfi fyrirvaralaust ef hann hefur verið

sviptur með fullnaðardómi rétti til að gegna því starfi. Nú hefur

starfsmaður verið sviptur þeim rétti með dómi í héraði og skal þá

borgarstjóri ákveða hvort það ákvæði dómsins skuli þegar koma til

framkvæmdar eða fresta því þar til ráðið verður hvort honum skuli

skjóta til æðra dóms eða þar til úrlausn æðra dóms er fengin, enda

hafi dómurinn ekki að geyma ákvæði um þetta atriði.

• Starfsmanni skal og víkja úr starfi fyrirvaralaust ef hann hefur

játað að hafa gerst sekur um refsiverða háttsemi, sem ætla má að

hefði í för með sér sviptingu réttinda skv. 68. gr. almennra

hegningarlaga.

• Starfsmanni skal víkja úr starfi fyrirvaralaust verði hann uppvís að

grófu broti í starfi enda valdi viðvera hans á vinnustað

áframhaldandi skaða fyrir starfsemina, aðra starfsmenn eða

viðskiptavini. Fulltrúa stéttarfélags starfsmanns skal veittur

kostur á að kynna sér slík mál áður en ákvörðun er tekin.

• Starfsmaður stofnunar eða fyrirtækis Reykjavíkurborgar lætur af

starfi eigi síðar en um næstu mánaðarmót eftir að hann hefur náð 70

ára aldri án sérstakrar uppsagnar.

• Heimilt er yfirmanni að endurráða mann, sem náð hefur 70 ára aldri

og látið hefur af föstu starfi hjá stofnun eða fyrirtæki

Reykjavíkurborgar skv. 9.10.1 í annað eða sama starf á

tímavinnukaupi, allt að hálfu starfi, án þess að það hafi áhrif á

rétt hans til töku lífeyris.

• Starfsmaður, sem óskar að ráða sig til vinnu eftir 70 ára aldur

samkvæmt þessum skilmálum, skal sækja um það skriflega til yfirmanns

viðkomandi stofnunar með 3ja mánaða fyrirvara. Starfsmanni skal hafa

borist svar innan mánaðar frá umsókn. Sé unnt að verða við ósk

starfsmanns skal ráðning gilda í allt að tvö ár til fyrstu

mánaðarmóta eftir að 72 ára aldri er náð, nema annar hvor aðili segi

ráðningunni upp með þriggja mánaða uppsagnarfresti.

• Ákvörðun um ráðningu samkvæmt 9.10.2 skal tekin af borgarstjóra að

fenginni umsögn yfirmanns viðkomandi stofnunar.

• Forstöðumaður, í samráði við sviðsstjóra, getur gert samning um

starfslok við starfsmenn stofnunar. Reykjavíkurborg setur nánari

reglur um við hvaða aðstæður forstöðumanni er heimilt að gera

samning um starfslok og helstu efnisþætti slíks samnings.

• Setja skal á fót samráðsnefnd samkvæmt samkomulagi þessu. Skal hún

skipuð fulltrúum ASÍ félaga, BSRB og Bandalags háskólamanna annars

vegar og fulltrúum Reykjavíkurborgar hins vegar, þremur tilnefndum

af hvorum aðila og þremur til vara. Þegar til umfjöllunar er mál sem

snertir félagsmenn tiltekins félags er heimilt að kalla á fund

samráðsnefndarinnar fulltrúa félagsins. Samráðsnefndin skal fjalla

um túlkun og útfærslu einstakra ákvæða samkomulags þessa.

• Starfsmönnum sem gert er skylt að matast með heimilisfólki eða

börnum og aðstoða þau við borðhaldið, skulu undanþegnir því að

greiða fyrir þær máltíðir enda sé þeim ekki umbunað fyrir það með

öðrum hætti svo sem með styttri vinnutíma eða greiðslu. Að öðrum

kosti greiða starfsmenn efnisverð matarins.

• Starfsmaður sem innir starf sitt af hendi utan borgarmarka og nýtur

ekki mataraðstöðu á föstum vinnustað skv. gr. 3.2 skal séð fyrir mat

á kostnað vinnuveitanda skv. gr. 5.1.1.

```{=html}

• Kafli þessi tekur til foreldris sem er í a.m.k. 25% starfi og

starfað hefur í samfellt 6 mánuði fyrir fæðingu barns síns hjá

hlutaðeigandi launagreiðanda og er með gilda ráðningu við upphaf

orlofsins.

• Um uppsöfnun og vernd réttinda í fæðingarorlofi fer skv. 14. gr.

laga um fæðingar- og foreldraorlof, nr. 95/2000, þó með þeirri

viðbót sem talin er upp hér á eftir.

• Starfsmaður sem hefur töku fæðingarorlofs telst skv. framangreindu

vera leystur undan vinnuskyldu á meðan á fæðingarorlofi hans

stendur, sbr. 29. gr. framangreindra laga.

• Starfsmaður launagreiðanda sem er í fæðingarorlofi nýtur réttinda

til greiðslu orlofs, desember- og orlofsuppbótar. Starfsmaður er

áfram í þeim lífeyrissjóði(um) sem hann hefur tilheyrt sem

starfsmaður launagreiðanda.

• Um greiðslu vegna fæðingarorlofs fer að öðru leyti eftir lögum um

fæðingar- og foreldraorlof.

```{=html}

• Ef starfsmaður verður óvinnufær vegna veikinda eða slyss, skal hann

þegar tilkynna það yfirmanni sínum sem ákveður hvort læknisvottorðs

skuli krafist og hvort það skuli vera frá trúnaðarlækni

hlutaðeigandi stofnunar. Krefjast má læknisvottorðs af starfsmanni

vegna óvinnufærni hvenær sem forstöðumanni /yfirmanni stofnunar

þykir þörf á.

• Ef starfsmaður kemur ekki til starfa vegna veikinda eða slyss í

meira en 5 vinnudaga samfleytt, skal hann sanna óvinnufærni sína með

læknisvottorði. Ef um er að ræða endurteknar fjarvistir starfsmanns,

skal hann sanna óvinnufærni sína með læknisvottorði eftir nánari

ákvörðun forstöðumanns/yfirmanns.

• Ef starfsmaður er óvinnufær vegna veikinda eða slyss um langan tíma,

skal hann endurnýja læknisvottorð sitt eftir nánari ákvörðun

forstöðumanns/yfirmanns en þó ekki sjaldnar en mánaðarlega. Frá

þessu má þó veita undanþágu eftir tillögu trúnaðarlæknis ef hann

telur auðsætt að um lengri veikindafjarvist verði að ræða.

• Skylt er starfsmanni sem er óvinnufær vegna veikinda eða slyss að

gangast undir hverja þá venjulega og viðurkennda læknisrannsókn sem

trúnaðarlæknir kann að telja nauðsynlega til þess að skorið verði úr

því hvort forföll séu lögmæt, enda sé kostnaður vegna viðtals við

lækni og nauðsynlegra læknisrannsókna greidd af vinnuveitanda.

• Endurgreiða skal starfsmanni gjald vegna læknisvottorða sem krafist

er skv. gr. 11.1.1-11.1.3. Sama gildir um viðtal hjá lækni vegna

öflunar vottorðs.

• Vinnuveitandi greiði starfsmanni þau útgjöld sem starfsmaður hefur

orðið fyrir af völdum slyss á vinnustað og slysatryggingar

almannatrygginga bæta ekki skv. 10. gr. laga nr. 45/2015 um

slysatryggingar almannatrygginga.

• Starfsmaður sem ráðinn er til starfa á mánaðarlaunum skv. gr. 1.1.1

í kjarasamningi í a.m.k. 2 mánuði, skal halda launum skv. gr. 11.2.6

og 11.2.7 svo lengi sem veikindadagar hans, taldir í almanaksdögum,

verða ekki fleiri á hverjum 12 mánuðum en hér segir:

0- 3 mánuði í starfi 14 dagar

Næstu 3 mánuði í starfi 35 dagar

Eftir 6 mánuði í starfi 119 dagar

Eftir 1 ár í starfi 133 dagar

Eftir 7 ár í starfi 175 dagar

Við framantalinn rétt bætist auk þess réttur til mánaðarlauna skv. gr.

1.1.1 í kjarasamningi í 13 vikur eða 91 dag ef óvinnufærni stafar af

vinnuslysi eða atvinnusjúkdómi. Við þessi laun bætast ekki greiðslur

skv. gr.11.2.6-11.2.7.

Eftir 12 ár í starfi 273 dagar

Eftir 18 ár í starfi 360 dagar

Laun greiðast þó ekki lengur en ráðningu er ætlað að standa nema þegar

um vinnuslys er að ræða, þá heldur starfsmaður greiðslum þar til hann

telst vinnufær eða hann tæmir rétt sinn til launa hvort sem fyrr næst.

• Starfsmaður sem ráðinn er í tímavinnu, sbr. þó gr. 11.2.3, eða er

ráðinn skemur en 2 mánuði, skal halda launum skv. gr. 11.2.6 og

11.2.7 svo lengi sem veikindadagar hans, taldir í almanaksdögum,

verða ekki fleiri á hverjum 12 mánuðum en hér segir:

Á 1. mánuði í starfi 2 dagar

Á 2. mánuði í starfi 4 dagar

Á 3. mánuði í starfi 6 dagar

Eftir 3 mánuði í starfi 14 dagar

Eftir 6 mánuði í starfi 30 dagar

Við framantalinn rétt bætist auk þess réttur til dagvinnulauna í 13

vikur eða 91 dag ef óvinnufærni stafar af vinnuslysi eða

atvinnusjúkdómi. Við þessi laun bætast ekki greiðslur skv. gr. 11.2.6 og

11.2.7.

Laun greiðast þó ekki lengur en ráðningu er ætlað að standa nema þegar

um vinnuslys er að ræða, þá heldur starfsmaður greiðslum þar til hann

telst vinnufær eða hann tæmir rétt sinn til launa hvort sem fyrr næst.

• Réttur eftirlaunaþega í tímavinnu eða annars konar vinnu, til launa

vegna óvinnufærni af völdum veikinda eða slysa skal vera 1 mánuður á

hverjum 12 mánuðum. Laun í veikindum skal miða við meðaltal

dagvinnulauna síðustu 3 mánuði fyrir veikindi.

Laun greiðast þó ekki lengur en ráðningu er ætlað að standa.

• Starfsmaður sem skilar vinnuskyldu sinni óreglubundið eða með öðrum

hætti en dagvinnumaður í reglubundinni vinnu, skal teljast hafa

verið fjarverandi í eina viku þegar hann hefur verið óvinnufær vegna

veikinda eða slysa sem nemur vikulegri vinnuskyldu hans og

hlutfallslega þegar um styttri eða lengri fjarvist vegna óvinnufærni

er að ræða.

• Við mat á ávinnslurétti starfsmanns skv. gr. 11.2.1 skal auk

þjónustualdurs hjá viðkomandi launagreiðanda einnig telja

þjónustualdur hjá stofnunum ríkis, sveitarfélögum og

sjálfseignarstofnunum sem kostaðar eru að meirihluta til af

almannafé. Á fyrstu 3 mánuðum samfelldrar ráðningar skal þó fyrri

þjónustualdur samkvæmt þessari grein ekki metinn nema að viðkomandi

starfsmaður hafi samfelldan þjónustualdur hjá framangreindum

launagreiðendum í 12 mánuði eða meira.

• Í fyrstu viku veikinda- og slysaforfalla eða þann tíma sem svarar

til einnar viku vinnuskyldu starfsmanns greiðast auk mánaðarlauna

skv. gr. 1.1.1 í kjarasamningi, fastar greiðslur svo sem fyrir

yfirvinnu, vaktahvata, vakta-, gæsluvakta- og óþægindaálag og

greiðslur fyrir eyður í vinnutíma enda sé um að ræða fyrirfram

ákveðinn vinnutíma samkvæmt reglubundnum vöktum eða reglubundinni

vinnu starfsmanns sem staðið hefur í 12 almanaksmánuði eða lengur

eða er ætlað að standa a.m.k. svo lengi.

• Eftir fyrstu viku veikinda- og slysaforfalla eða þann tíma sem

svarar til einnar viku vinnuskyldu starfsmanns, skal hann auk launa

sem greidd verða skv. gr. 11.2.6, fá greitt meðaltal þeirra

yfirvinnustunda og breytingargjalda skv. gr. 2.5.2. sem hann fékk

greiddar síðustu 12 mánaðarleg uppgjörstímabil yfirvinnu eða síðustu

12 heilu almanaksmánuðina. Við útreikning yfirvinnustunda samkvæmt

þessari grein skal ekki telja með þær yfirvinnustundir sem greiddar

hafa verið skv. gr. 11.2.6.

• Starfsmaður skóla og annarra stofnana þar sem venjuleg starfsemi

liggur niðri hluta ársins, skal í stað reglu þessarar aðeins fá

greidda aðra yfirvinnu en greinir í gr. 11.2.6 þá mánuði sem

venjuleg starfsemi fer fram og skal yfirvinnustundafjöldinn ákveðinn

með því að finna mánaðarlegt meðaltal þeirra tilfallandi

yfirvinnustunda sem hann fékk greiddar síðustu 9 heilu starfsmánuði

stofnunarinnar eða samsvarandi tímalengd ef starfsmánuðir eru færri

eða fleiri.

• Ef starfsmaður er fjarverandi vegna orlofs á viðmiðunartímabili skv.

gr. 11.2.7, skal telja að hann hafi sama meðaltal yfirvinnu

orlofsdagana og hinn hluta tímabilsins.

• Verði starfsmaður óvinnufær af völdum slyss á vinnustað eða á

eðlilegri leið til eða frá vinnu, greiðast laun skv. gr. 11.2.7 frá

upphafi fjarvistanna.

• Ef starfsmaður að læknisráði og með leyfi forstöðumanns vinnur skert

starf vegna slyss eða veikinda, skal miða greiðslu veikindalauna

fyrir dagvinnu við það starfshlutfall sem vantar á að hann sinni

fullu starfi.

• Starfsmaður sem verið hefur óvinnufær vegna veikinda eða slysa

samfellt í 1 mánuð eða lengur, má ekki hefja starf að nýju nema

læknir votti að heilsa hans leyfi. Krefjast má vottorðs

trúnaðarlæknis hlutaðeigandi stofnunar.

• Ef starfsmaður er óvinnufær vegna veikinda eða slysa svo mánuðum

skiptir á hverju ári um fimm ára tímabil og ekki er skýlaust vottað

samkvæmt ákvæðum gr. 11.3.1 að hann hafi fengið heilsubót sem ætla

megi varanlega, má leysa hann frá störfum vegna heilsubrests.

• Þegar starfsmaður hefur verið samfellt frá vinnu vegna veikinda eða

slysa launalaust í jafnlangan tíma og þann tíma er hann átti rétt á

að halda launum í fjarveru sinni skv. gr. 11.2.1, má leysa hann frá

störfum vegna heilsubrests.

• Ekki skulu framangreind ákvæði um veikinda- og slysaforföll vera því

til fyrirstöðu að starfsmaður láti af störfum er hann óskar þess ef

hann er samkvæmt læknisvottorði orðinn varanlega ófær um að gegna

starfi vegna vanheilsu. Krefjast má vottorðs trúnaðarlæknis

hlutaðeigandi stofnunar.

• Þegar starfsmaður er leystur frá störfum skv. gr. 11.4.1-11.4.3,

skal hann halda föstum launum skv. gr. 11.2.6 í 3 mánuði.

• Sama gildir um greiðslu vegna látins starfsmanns ef hinn látni var í

hjúskap, staðfestri samvist, skráðri sambúð eða sambúð sem að öðru

leyti má jafna til hjúskapar í merkingu 49. gr. almannatryggingalaga

nr. 100/2007.

• Þegar starfsmanni er veitt lausn skv. gr. 11.4.1-11.4.3 eða hann

andast, skal greiða laun hans, svo sem ella hefði verið gert, til

loka lausnar- eða andlátsmánaðar áður en laun skv. gr. 11.5.1 og

11.5.2 koma til álita. Þetta á þó ekki við ef launagreiðslum hefur

áður lokið, t.d. vegna þess að réttur til launa í veikindum skv. gr.

11.2.1-11.2.11 var tæmdur.

• Halda skal skrá yfir veikindadaga starfsmanns við hverja stofnun. Ef

starfsmaður flyst milli starfa, skal leggja saman veikindadaga hans

í báðum störfum eftir því sem við á.

• Veikindatími starfsmanns í fæðingarorlofi telst ekki til

veikindaforfalla og á starfsmaður ekki rétt til launa í veikinda- og

slysatilvikum þann tíma.

• Annað foreldri/forsjármaður barns á rétt á að vera frá vinnu í

samtals 12 vinnudaga (86,4 vinnuskyldustundir miðað við fullt starf)

á hverju almanaksári vegna veikinda barna sinna undir 13 ára aldri,

enda verði annarri umönnun ekki við komið. Í þessum fjarvistum skal

greiða starfsmanni dagvinnulaun og vaktaálag skv. reglubundinni

vaktskrá. Réttur þessi hefur ekki áhrif á rétt starfsmanns skv.

öðrum greinum.

• Barnshafandi konur eiga rétt til nauðsynlegra fjarvista frá vinnu

vegna mæðraskoðunar án frádráttar á launum, þurfi slík skoðun að

fara fram í vinnutíma.

• Þeir starfsmenn sem þurfa að vera fjarverandi vegna tæknifrjóvgunar

halda rétti til greiðslu dagvinnulauna og eftir atvikum vaktaálags

skv. reglubundinni vaktskrá (eins og vegna veikinda barns) í allt að

15 vinnudaga. Starfsmaður skal skila vottorði frá viðkomandi lækni.

• Fjölskyldu- og styrktarsjóður hefur það hlutverk að:

- Að taka við iðgjöldum launagreiðanda og ávaxta þau,

- Að taka við umsóknum um greiðslur til félagsmanna,

- Að taka ákvarðanir um frekari ráðstöfun fjármuna sjóðsins skv. nánari

ákvörðun sjóðsstjórnar.

• Reikningar fjölskyldu- og styrktarsjóðs

Reikningar sjóðsins skulu endurskoðaðir árlega af löggiltum

endurskoðanda og sendir launagreiðendum sem greiða til sjóðsins.

• Iðgjaldagreiðslur launagreiðanda í fjölskyldu- og styrktarsjóð

Iðgjald launagreiðanda skal frá 1. janúar 2009 nema 0,75% af

heildarlaunum þeirra starfsmanna hlutaðeigandi launagreiðanda sem

falla undir samkomulag þetta. Iðgjaldið skal greitt mánaðarlega

eftirá skv. útreikningi launagreiðanda.

• Brottfall fyrri reglna

Viðmið réttinda við eldri samningsákvæði (t.d. veikindarétt og

sjúkrasjóð) sem lúta að sömu réttindum og hér að framan greinir

falla brott.

Reykjavíkurborg greiðir sérstakt gjald í VIRK-Starfsendurhæfingarsjóð.

Hlutverk VIRK-Starfsendurhæfingarsjóðs er að draga markvisst úr líkum á

að launafólk hverfi af vinnumarkaði vegna langvarandi veikinda eða

slysa. Áhersla er lögð á að koma snemma að málum og viðhalda

vinnusambandi einstaklinga með virkni og öðrum úrræðum. Einstaklingar

sem ekki geta sinnt starfi sínu sökum heilsubrests og stefna að aukinni

þátttöku á vinnumarkaði eiga rétt á þjónustu ráðgjafa

VIRK-Starfsendurhæfingarsjóðs. Um er að ræða ráðgjöf og þjónustu á sviði

starfsendurhæfingar sem er starfsmönnum að kostnaðarlausu og er miðuð

við metnar þarfir hvers og eins.

• Starfsmenn skuli eiga kosta á fræðslu og símenntun til að auka við

þekkingu sína og faglega hæfni. Gert er ráð fyrir að hver stofnun

setji fram áætlun um starfsþróun fyrir alla starfsmenn í

starfsáætlun sinni í starfsmannamálum til að tryggja eðlilega

starfsþróun og símenntun starfsmanna í samræmi við starfsmannastefnu

Reykjavíkurborgar.

• Starfsmenntunar- og starfsþróunarsjóður er til að fjármagna

starfsþróun og símenntun starfsmanna, sjá [fylgiskjal

V](#_Toc449965613)III. Stofnanir, stéttarfélag og starfsmenn geta

sótt um styrk úr sjóðnum. Sjóðstjórn setur sér nánari reglur um

úthlutun.

• Reykjavíkurborg greiðir sérstakt gjald í starfsmenntunar- og

starfsþróunarsjóð félagsmanna er nemur 0,70% af heildarlaunum.

• Starfsmaður getur sótt um launalaust leyfi. Um launalaus leyfi gilda

reglur Reykjavíkurborgar, samþykktar í borgarráði 17. október 2000.

• Starfsmaður sem unnið hefur í fjögur ár hjá Reykjavíkurborg á rétt á

leyfi til að stunda endurmenntun/framhaldsnám enda sé það í samræmi

við endurmenntunar-/starfsþróunaráætlun Reykjavíkurborgar eða

starfsmanns sé hún til staðar.

• Starfsmaður ávinnur sér tveggja vikna leyfi á hverju ári. Þó getur

uppsafnaður réttur aldrei orðið meiri en 6 mánuðir og greiðist ekki

út við starfslok.

• Í námsleyfinu skal starfsmaður halda reglubundnum launum sbr.

skilgreiningu í gr. 11.2.6.

• Heimilt er að veita skemmri eða lengri námsleyfi á skemmra eða

lengra árabili. Heimilt er að greiða ferða- og dvalarkostnað

samkvæmt 5. kafla.

• Starfsstað er heimilt að takmarka þann fjölda sem nýtir sér þennan

rétt við 10% á ári, annað hvort miðað við fjölda vikna eða fjölda

starfsmanna sem nýtir sér leyfið, ef aðsókn verður það mikil að það

valdi erfiðleikum í rekstri á viðkomandi starfsstað.

```{=html}

• Aðilar eru um það sammála, að eigi þurfi að jafnaði að fela

starfsmanni sérstaklega að gegna starfi yfirmanns nema fjarvera

yfirmanns vari lengur en 5 vinnudaga samfellt.

• Sé aðalstarf starfsmannsins launað sem staðgengilsstarf yfirmanns,

ber starfsmanninum laun skv. flokki yfirmanns, gegni hann starfi

hans lengur en 4 vikur samfellt eða hafi hann gengt starfi yfirmanns

lengur en 6 vikur á hverjum 12 mánuðum. Laun skv. flokki yfirmanns

greiðast einungis frá lokum nefndra 4 eða 6 vikna.

• Starfsmaður, sem ekki er í stöðu staðgengils yfirmanns, en er falið

að gegna störfum yfirmanns í forföllum hans eða störfum annars hærra

launaðs starfsmanns, skal taka laun skv. launaflokki hins forfallaða

starfsmanns þann tíma, er hann gegnir starfi hans.

```{=html}

• Starfsmaður, 16 ára til 70 ára, skal greiða 4% af heildarlaunum í

lífeyrissjóðinn Gildi.

• Mótframlag launagreiðanda skal vera 11,5%

• Greiða skal sérstakan lífeyrisauka skv. samkomulagi um breytingar á

ákvæði 14.1.2 dags. 21. sept. 2017.

• Í þeim tilvikum sem starfsmaður leggur til viðbótarframlag í

séreignarsjóð, greiðir vinnuveitandi framlag á móti allt að 2% gegn

2% framlagi starfsmanns.

• Launagreiðandi greiðir 0,75% af heildarlaunum starfsmanns í

fjölskyldu- og styrktarsjóð m.a. til að standa straum af veikinda-

og sjúkrakostnaði, sbr.11.10.3.

• Iðgjald launagreiðanda í Virk-Starfsendurhæfingarsjóð skal vera

samkvæmt lögum nr.60/2012.

• Reykjavíkurborg skal greiða sérstakt gjald er nemi 0,3% af

heildarlaunum starfsmanns í orlofsheimilasjóð stéttarfélagsins.

Hlutverk orlofsheimilasjóðs er að stuðla að byggingu orlofsheimila

og auðvelda félagsmönnum að njóta orlofsdvalar.

• Reykjavíkurborg greiðir sérstakt gjald í starfsmenntunar- og

starfsþróunarsjóð stéttarfélagsins er nemi 0,7% af heildarlaunum.

• Iðgjöldum til lífeyrissjóðs, fjölskyldu- og styrktarsjóðs,

orlofsheimilasjóðs og starfsmenntunar- og starfsþróunarsjóðs skal

skila mánaðarlega.

Iðgjöld eru ekki greidd af útlögðum kostnaði s.s. vegna verkfærapeninga,

vinnufatnaðar eða greiðslum dagpeninga og akstursgjalds.

• Reykjavíkurborg tekur að sér að halda eftir af kaupi starfsmanns

félagsgjöldum til stéttarfélagsins og gera mánaðarlega skil á þeim

til félagsins. Félagsgjöld sem innheimt eru skulu vera hlutfall af

heildarlaunum starfsmanns. Breytingar á hundraðshluta félagsgjalda

skulu tilkynntar Reykjavíkurborg skriflega a.m.k. fjórum vikum fyrir

virkni þeirra í launakerfinu. Breytingar miðist við mánaðamót.

• Við greiðslu launa til starfsmanns á hann rétt á að fá launaseðil

merktan nafni sínu. Á launaseðli starfsmanns skulu tilgreind

starfslaun að viðbættum einstaklingsbundnum launum, vaktaálag,

fjöldi yfirvinnustunda, yfirvinnulaun og heildarlaun það tímabil sem

greiðslan tekur til, svo og sundurliðun allra frádráttarliða sem

leiða til útgreiddrar launafjárhæðar. Á launaseðli skal jafnframt

geta frítökuréttar sem starfsmaður hefur öðlast vegna "Samnings um

ákveðna þætti er varða skipulag vinnutíma."

Miðað er við að launagreiðsla berist inn á bankareikning starfsmanns

fyrsta virka dag hvers mánaðar.

• Reykjavíkurborg mun tilkynna Eflingu -- stéttarfélagi bréflega um þá

verktaka, sem gerður er verksamningur við, hvar þeir muni starfa og

áætluð verklok. Verði þess óskað af hálfu Eflingar -- stéttarfélags,

munu fyrirsvarsmenn Reykjavíkurborgar taka þátt í viðræðum um með

hvaða hætti unnt sé að tryggja skil á iðgjöldum og félagsgjöldum

starfsmanna þeirra verktaka, sem gerður er verksamningur við. Standi

verktaki ekki í skilum með iðgjöld eða félagsgjöld þeirra er við

verkið vinna þrátt fyrir ítrekaðar innheimtutilraunir félagsins, mun

Reykjavíkurborg, að undangenginni aðvörun til verktaka, beita

ákvæðum greinar 32.5 ÍST 30, ef þess er farið á leit af hálfu

félagsins og hætta er talin á að tafir verði á verkinu vegna

vanskilanna. Með verksamningum er eingöngu átt við samninga um

verklegar framkvæmdir þar sem félagsmenn starfa hjá viðkomandi

verktaka.

```{=html}

• Starfsmönnum er heimilt að kjósa 1 trúnaðarmann á hverjum vinnustað

þar sem starfa 5 - 50 starfsmenn og 2 trúnaðarmenn, séu starfsmenn

fleiri en 50. Að kosningu lokinni tilnefnir Efling - stéttarfélag

trúnaðarmennina. Verði kosningu ekki komið við, skulu trúnaðarmenn

tilnefndir af félaginu.

• Ef trúnaðarmenn við tiltekna stofnun eru 4 eða fleiri skal Efling --

stéttarfélag velja einn úr þeirra hópi sem aðaltalsmann félagsins

gagnvart stofnuninni. Við mikilvægar ákvarðanir, s.s. ákvarðanir um

uppsagnir hóps starfsmanna og ákvarðanir um fyrirkomulag hæfnis- og

árangurslauna skal kynna þessum trúnaðarmanni Eflingar -

stéttarfélags málið sérstaklega.

• Trúnaðarmenn verða eigi kosnir eða tilnefndir til lengri tíma en

tveggja ára í senn.

• Aðaltrúnaðarmaður Eflingar -- stéttarfélags

• Vegna þeirrar sérstöðu sem vinnustaðir hjá Reykjavíkurborg hafa er

Eflingu - stéttarfélagi heimilt að velja aðaltrúnaðarmann úr hópi

starfsmanna til að fylgjast með málum þeirra hjá Reykjavíkurborg,

þ.m.t. samningum um kaupaukakerfi.

• Uppsagnir og meiriháttar breytingar á starfi skulu tilkynntar

aðaltrúnaðarmanni og stéttarfélaginu.

• Trúnaðarmönnum á vinnustað skal í samráði við yfirmenn heimilt að

verja, eftir því sem þörf krefur, tíma til starfa sem þeim kunna að

verða falin af starfsmönnum á viðkomandi vinnustað og/eða Eflingu -

stéttarfélagi vegna starfa sinnar sem trúnaðarmenn og skulu laun

þeirra ekki skerðast af þeim sökum.

• Trúnaðarmönnum skal heimilt í sambandi við ágreiningsefni að

yfirfara gögn og vinnuskýrslur sem ágreiningsefnið varðar. Fara skal

með slíkar upplýsingar sem trúnaðarmál.

• Trúnaðarmenn á vinnustað skulu hafa aðgang að læstri hirslu og

aðgang að síma í samráði við yfirmenn.

• Trúnaðarmenn skulu bera kvartanir starfsfólks upp við næsta yfirmann

eða annan fyrirsvarsmann stofnunar áður en leitað er til annarra

aðila.

• Trúnaðarmönnum hjá hverri stofnun skal heimilt að boða til fundar

með starfsfólki tvisvar sinnum á ári í vinnutíma á vinnustað.

Fundirnir hefjist einni klst. fyrir lok dagvinnutíma eftir því sem

við verður komið. Til fundanna skal boðað í samráði við Eflingu -

stéttarfélag og fyrirsvarsmenn stofnunarinnar með þriggja daga

fyrirvara nema fundarefnið sé mjög brýnt og í beinum tengslum við

vandamál á vinnustaðnum. Þá nægir eins dags fyrirvari. Laun

starfsmanna skerðist eigi af þessum sökum fyrstu klukkustund

fundartímans.

• Trúnaðarmönnum skal heimilt að sækja þing á vegum Eflingar -

stéttarfélags í allt að 3 virka daga einu sinni á ári án skerðingar

á reglubundnum launum. Tilkynna skal yfirmanni um slíkar fjarvistir

með a.m.k. viku fyrirvara.

• Þeir félagsmenn sem kjörnir eru í samninganefnd Eflingar -

stéttarfélags, skulu fá leyfi til að sinna því verkefni án

skerðingar á reglubundnum launum. Tilkynna skal yfirmanni um slíkar

fjarvistir með eðlilegum fyrirvara.

• Trúnaðarmenn skulu í engu gjalda þess hjá yfirmönnum stofnunar að

hann beri fram kvartanir fyrir hönd starfsmanna.

• Óheimilt er að segja trúnaðarmönnum upp vinnu vegna starfa þeirra

sem trúnaðarmanna eða láta þá á nokkurn annan hátt gjalda þess að

Efling - stéttarfélag hefur falið þeim að gegna trúnaðarmannsstörfum

fyrir sig.

• Trúnaðarmönnum á vinnustað skal gefinn kostur á að sækja námskeið

sem miða að því að gera þá hæfari í starfi. Þeir sem námskeiðin

sækja, skulu halda reglubundnum launum í allt að eina viku á ári. Í

stofnunum þar sem starfa fleiri en 15 félagsmenn, skulu trúnaðarmenn

halda reglubundnum launum í allt að tvær vikur á fyrsta ári. Þetta

gildir um einn trúnaðarmann á ári hjá hverri stofnun, séu félagsmenn

í starfi 5-50 en um tvo trúnaðarmenn, séu félagsmenn fleiri en 50.

Námskeiðin skulu viðurkennd af samningsaðilum.

Ef trúnaðarmannanámskeið er skipulagt þannig að fjarvera

trúnaðarmanns frá vinnu er ekki meiri en einn dag viku hverja, halda

trúnaðarmenn reglulegum launum í allt að tíu virka daga á ári.

Sitji trúnaðarmaður heils dags námskeið verður honum ekki gert að

sinna vinnu þann dag.

```{=html}

• Samningsaðilar skulu hvor um sig tilnefna 3 fulltrúa og 3 til vara í

samstarfsnefnd.

• Meginhlutverk samstarfsnefndar er að koma á sáttum í ágreiningsmálum

sem rísa kunna út af samningi þessum. Lögbundið hlutverk

samstarfsnefndar er að fjalla um röðun nýrra starfa á samningssvið

stéttarfélagsins. Nefndin getur fjallað um hvers kyns álitaefni

varðandi efni kjarasamningsins sem annar hvor samningsaðila kýs að

taka upp í nefndinni.

• Hvor aðili um sig getur skotið málum til nefndarinnar og kallað hana

til starfa. Beina skal erindi til gagnaðila með skriflegum hætti.

Gagnaðili skal koma á samstarfsnefndarfundi svo fljótt sem auðið

verður en þó ekki síðar en fjórum vikum eftir að erindið berst.

Samstarfsnefnd skal svara erindum innan 5 vikna frá því að þau voru

fyrst borin formlega fram á fundi nefndarinnar. Verði samstarfsnefnd

sammála um breytingar á röðun eða öðru því sem til hennar hefur

verið vísað, skal sú breyting gilda frá og með næstu mánaðamótum

eftir að erindið ásamt nauðsynlegum málsgögnum var lagt fram í

nefndinni nema að um annað sé sérstaklega samið.

• Starfsmatsnefnd er skipuð annars vegar þremur fulltrúum

stéttarfélaga sem samið hafa um starfsmatskerfið SAMSTARF, þ.e.

Sameykis stéttarfélags í almannaþjónustu, Eflingar - stéttarfélags

og fulltrúa hlutaðeigandi stéttarfélaga háskólamanna og hins vegar

þremur fulltrúum Reykjavíkurborgar.

• Hlutverk starfsmatsnefndar er að aðlaga starfsmatskerfið, hafa

umsjón með framkvæmd þess og fjalla um ágreiningsmál sem upp kunna

að koma. Starfsmatsnefnd fjallar um mat á nýjum störfum, endurmat á

störfum og áfrýjanir á fyrri röðun eftir reglum sem hún setur á

grundvelli SAMSTARFS.

• Telji starfsmaður og sviðstjóri að málsmeðferð starfsmatsnefndar

hafi ekki verið í samræmi við reglur nefndarinnar eða gögnin sem

nefndin hafði til grundvallar hafi verið röng geta þeir lagt fram

rökstudda beiðni um að samstarfsnefnd taki málið til umfjöllunar.

```{=html}

• Kjarasamningur þessi er gerður í kjölfar kjarasamninga á almennum

vinnumarkað í mars 2024. Komi til þess að launa- og forsendunefnd

ASÍ og SA ákveði launa- eða kjarabreytingar vegna forsendubrests

skulu aðilar taka upp viðræður um með hvaða hætti slík breyting

gildi fyrir samning þennan. Slíkar breytingar skulu skila

sambærilegum kjarabreytingum og á almennum markaði enda feli þær

ekki í sér breytingar á kjörum sem þegar er að finna í kjarasamningi

aðila.

Komi til þess að kjarasamningum á almennum markaði verði sagt upp á

grundvelli forsenduákvæðis þeirra á gildistíma samnings þessa er hvorum

aðila heimilt að segja samningi þessum upp með þriggja mánaða fyrirvara

miðað við mánaðamót.

2. Samningur þessu gildir frá 1. nóvember 2024[^2] til og með 31. mars

2028 og rennur þá út án frekari fyrirvara.

3. Samningsaðilar skulu bera samning þennan upp til samþykktar, ásamt

bókunum og fylgiskjölum. Hafi gagnaðila ekki borist tilkynning um

niðurstöðu fyrir klukkan 16:00 þann 10. júlí 2024 skoðast hann

samþykktur.

Reykjavík 20. júní 2024

f.h. Reykjavíkurborgar, f.h. Eflingar-stéttarfélags

með fyrirvara um samþykki borgarráðs með fyrirvara um samþykki

félagsmanna